Interneteko albistegia

Zer den Interneten katutxoak hiltzea

© cc-by-sa Sustatu ¦ 2011-10-26 ¦ 09:25 ¦ internet

ETAren amaieraren ondoren idatzi behar omen den errelato/kontakizuna du gaitzat Luistxoren artikuluak, baina bide batez azaltzen du zer den Interneten katutxo bat hiltzea:

Inork azalekoa edo alferrekoa den klixe edo berba-fetitxe bat aipatzen duen bakoitzean, katutxo bat hiltzen du (berak pertsonalki, edo Jainkoak haren izenean). Argitasuna eskertzeko modu bat da, topiko nekosoak arbuiatuz; edo bullshit hizkera mordoiloa (kaka esplikatzea) salatzeko bidea. Ez izan nekosoa, ez izan nagia; modan jarritako fetitxe lexikoak errepikatu baino, esan ezazu esan beharrekoa bihotzetik, benetako berbekin, esan ezazu argi, edo bestela isildu, baina ez ezazu katutxorik hil mesedez.

Marramiautxo, via Gorka Bereziartua, Boligorria

Erref.: Zer den Interneten katutxoak hiltzea (eibar.org)

Publizitatea

Erantzunak

#1. Re: Zer den Interneten katutxoak hiltzea

bae ¦ 2011-10-26 ¦ 13:22

Zer da "katutxoak hil"? 'Katakumeak akabatu'?

#2. Re: Zer den Interneten katutxoak hiltzea

Txus ¦ 2011-10-26 ¦ 15:09

ETAren azken agiria dela eta sektore euskaltzale batzuek onanismo intelektualari ekin diotela dirudi.

JELtzaleek topa egiten dute Sabin Etxaurrean, Aingeru Epaltzak ere topa egiten du, behazuna eta lerdea zerizkion bitartean.

Eta Luistxok goxo-goxo dastatzen du “After-ETA” txokolatea ahoan desegiten zaion bitartean.

Ze poza inbidiagarria !!

Beste batzuk, azken hamarkadetan bezala, halabeharrez jarraitzen dugu pairatzen espainiar eltzekari irenstezina. Eta ez zaigu zapore txarra kentzen ezta goxokiekin ere.

Baina gure topalari-txokolatari kementsuei ez omen zaie eragiten. Edo bigarren mailako eragozpena da.

Edonola ere, zorionak, on egin eta dastatu zuen goxoki berriak !!!

#3. Re: Zer den Interneten katutxoak hiltzea

Luistxo ¦ 2011-10-26 ¦ 17:04

Santi Leonek gogoratu dit Twitterretik esamoldearen beste adiera bat: Masturbatzen zaren bakoitzean Jainkoak katakume bat hiltzen du. (katutxo bat gauza bera delakoan, bide batez).