2005-YU55 mini-asteroidea Lurretik gertu igaroko da gaur gauean

© cc-by-sa  Sustatu  ¦  2011-11-08 ¦ 12:19 ¦  zientzia

Gaur gauerdian igaroko da lurretik gertuen 2005-YU55 mini-asteroidea. Ilargiaren orbita baino gertuago, baina distantzia seguru batera, 319,000 kilometrora. Asteroidea biribila da, oso iluna, eta 400 metro inguruko diametroa dauka. Lurrari joko balio, hondamendia litzateke, baina lasai, ez da gertatuko.

Erref.: 2005-YU55 mini-asteroidea Lurretik gertu igaroko da gaur gauean (www.skyandtelescope.com)
# ¦ Erantzun bat

Publizitatea

Gaixotasun konplexuen genetika

© cc-by-sa  UEU  ¦  2011-11-08 ¦ 11:28 ¦  osasuna

Diabetesa, obesitatea edota minbizia dira gizakiak pairatzen dituen gaixotasun arruntenetako batzuk. Gaixotasun horiek guztiek osagarri genetikoa dute, eta beraiek garatzeko probabilitatea, hein batean, heredagarria da. Gai hau lantzeko, UEUk Gaixotasun konplexuen genetika ikastaroa antolatu du, Bizi Zientzietan (Biologia, Biokimika, Medikuntza…) lizentziatura/gradua dutenei edo azken kurtsoetako ikasleei zuzenduta. Ikastaroaren %40 erabat praktikoa izango da eta, horretarako, software libreko hiru aplikazio erabiliko dituzte.

Guztia irakurri ¦ Komentatu

Bernard Goienetxe Matalaz hil zutela 350 urte dira gaur

© cc-by-sa  Sustatu  ¦  2011-11-08 ¦ 09:23 ¦  historia

Xabier Euzkitzek joan den astean gogoratu zuen, Gaurko Hitzaren jaian, ohildu hitza aukeratzean, Matalazen exekuzioaren 350. urteurrena dela gaur. Zuberoako nobleen kontrako udako matxinada zuzendu ondoren, Sohütako guduan laborariek galdu ondoren, preso hartu zuten Bernard Goienetxe Matalaz, eta 1661ko azaroaren 8an moztu zioten lepoa Lextarreko plazan.

Guztia irakurri ¦ Erantzun bat

Gaurko Hitzaren jaia, irudizko eta hitzezko kronika batean

© cc-by-sa  Luistxo Fernandez  ¦  2011-11-08 ¦ 08:19 ¦  internet

Joan den asteko Gaurko Hitzaren 3. urteurren jaian ederto pasatu genuen hainbat lagunek Maite Goñiren tiradizoak erakarrita. Bilduma bat egin dut gonbidatuek aukeratutako hitzekin, bideo, argazki eta zenbait tuit-ekin, Storify izeneko tresna aproposa erabilita. Baina nabarmendu nahi nuke, era berean, Imanol Muruaren aukera, eztanda, Ibai Zabaletak grabatu zion bideo honetan.

Erref.: Gaurko Hitzaren jaia, irudizko eta hitzezko kronika batean (storify.com)
# ¦ 2 erantzun

Udagoieneko Ostera, hamabigarrenez

© cc-by-sa  TOPAGUNEA Euskara Elkarteen Federazioa  ¦  2011-11-07 ¦ 15:36 ¦  kultura

Udagoieneko Osteraren hamabigarren edizioa azaroaren 10ean abiatuko da, Katamalok Bilboko Kafe Antzokian eskainiko duen emanaldiarekin. Udagoieneko Ostera Topaguneak antolatzen du Bizkaiko Foru Aldundiaren eta BBKren laguntzaz, eta urtero-urtero euskarazko kultur produkzioa eramaten du Bizkaiko antzokietara. Aurtengo programazioa sei emanaldik osatzen dute. Adi ibiliz gero, doako sarrerak lortzeko aukera izango duzue egunotan!

Guztia irakurri ¦ Komentatu

Arabatik Arabara euskaraz: 16. Jagon jardunaldiak

© cc-by-sa  www.euskaraba.com  ¦  2011-11-07 ¦ 11:18 ¦  hizkuntza

Azaroaren 11n, ostiralean, Akademiaren Sustapen batzordeak antolatuak, XVI. Jagon Jardunaldiak egingo ditu Euskaltzaindiak, Gasteizen, Artium Museoan, "Arabatik Arabara euskaraz" izenburupean, goiz eta arratsaldez.

Guztia irakurri ¦ Komentatu

If this then that: hau eginez gero, huraxe

© cc-by-sa  Luistxo Fernandez  ¦  2011-11-07 ¦ 09:23 ¦  internet

IFTTT edo If this then that deskubritu berri dudan zerbitzu bat da. Oso gauza praktikoa. Hau eginez gero, huraxe gertatuko da. Interneteko zerbitzu anitzen garaian, gauzak elkarrekin konektatzeko balio du.

Guztia irakurri ¦ Komentatu

Uholdeak izanda ere, kirola nagusi Euskadi Irratian

© cc-by-sa  Aitor Zalduegi  ¦  2011-11-06 ¦ 20:02 ¦  eguraldia

Igande arratsaldean egoera zaila izan da Hernani, Astigarraga eta Martutene aldean. Gainera, nazional 1 errepidea moztuta egon da eta arazo franko izan da Gipuzkoako beste toki askotan. Hala ere, Euskadi Irratiak ez du horren berri eman pilota-partidua amaitu den arte.

Guztia irakurri ¦ 4 erantzun

Herri-partaidetza prozesua Eskoriatzan: Hausnartu dezagun kafe baten inguruan, Zelako Eskoriatza gura dozu?

© cc-by-sa  Eskoriatzako Udala (Komunikazio Arloa)  ¦  2011-11-06 ¦ 11:37 ¦  herri-administrazioak

Eskoriatzako Udalak duela egun batzuk aurkeztu zuen azaroan zehar abiatuko den herri-partaidetza prozesua. Prozesuak bi fase izango ditu. Lehenengoan, azaroaren lehen astean, sektoreekin bilerak egingo dira eta batzorde bakoitza normalean kolaboratzen duen gizarte-eragile eta pertsonekin batzartuko da. Azaroaren 12an, larunbata, World Cafe saio bat egingo da Eskoriatzako kiroldegian, goizeko 10:00etatik 13:00etara.

Guztia irakurri ¦ Komentatu

Hartuko al dugu kafe bat herriko plazan?

© cc-by-sa  Oihana Garcia eta Ainara Ibañez, Elhuyar Aholkularitza  ¦  2011-11-06 ¦ 09:31 ¦  herri-administrazioak

Euskararen erabileraz hausnartzeko World Kafea antolatu du Elorrioko Udalak.


Argazkiak.org | Elorrioko World Kafea © cc-by-sa: ainarai

Guztia irakurri ¦ Komentatu

Azken hamar urteotako euskal kanturik gustukoena

© cc-by-sa  Aitor Oiarbide  ¦  2011-11-05 ¦ 10:26 ¦  musika

Leire Lopezek emandako hizpidearekin jarraituz, Gaztezulo aldizkariak ekimen interesgarria plazaratu du bere web gunean; bertan azken 10 urteotako kantuak bozkatzen ditu jendeak: 2000-2010 hamarkadako euskal kanturik gustuena

Guztia irakurri ¦ Erantzun bat

Deustuko Unibertsitateko argitalpen digitalak, dagoeneko Gurebook-en

© cc-by-sa  gurebook.com  ¦  2011-11-05 ¦ 08:04 ¦  liburuak

Deustuko Unibertsitateko argitalpenak Gurebook.com-en daude jada. Sarrera berria dugu, beraz, gure atarian: hamaikagarren argitaletxea dugu Deusto. Gurebook-en helburuan, hau da, euskal produkzioaren katalogoa zabaldu eta aberasteko bidean, pauso esanguratsua dela esan dezakegu zalantzarik gabe. Hain zuzen, aurten 125. urteurrena ospatzen ari da Deustuko Unibertsitatea eta Gurebook-en sartu diren lehenengo e-liburuak, gizarte gaietarako eta gai juridikoetarako sortutako bilduma Granateko lege-testuak dira. Une honetan hamairu daude salgai, guztiak hiru eurotan. Eta hau hasiera besterik ez da. ONGI ETORRI!.

Erref.: Deustuko Unibertsitateko argitalpen digitalak, dagoeneko Gurebook-en (blog.gurebook.com)
# ¦ Komentatu

Ezagutzen dituzue ama-alaba hauek? ba kamera galdu zuten Kilometroetan

© cc-by-sa  Sustatu  ¦  2011-11-04 ¦ 12:54 ¦  argazkia

Eguneraketa: 15.00: agertu da!

Galdutako argazki kamera bat agertu zen Kilometroak egunean Azpeitiko Ikasberri ikastolako gunean. Barruan, besteak beste, argazki hau. Jabea ezagutzen? Ba hemen argibideak kontaktuan jartzeko.

Erref.: Ezagutzen dituzue ama-alaba hauek? ba kamera galdu zuten Kilometroetan (twitter.com)
# ¦ 3 erantzun

Nerabeen hizkuntza-erabilera eta interneteko sare sozialak: aukera berriak?

© cc-by-sa  Soziolinguistika Klusterra  ¦  2011-11-04 ¦ 11:28 ¦  sare-sozialak

Soziolinguistika Klusterrak eta Kultur Kabia- Topaguneak elkarlanean egindako proiektuaren emaitzak kaleratu dituzte.


Tuentiko erabiltzaile multzo baten mezuen hizkuntza, mezu motaren arabera, azterketaren une jakin batean.

Guztia irakurri ¦ Komentatu

Jaurlaritzaren kontratazio eta laguntzen berri jaso RSS bidez

© cc-by-sa  Sustatu  ¦  2011-11-04 ¦ 11:13 ¦  herri-administrazioak

Eusko Jaurlaritzaren zenbait informazio iturri RSS formatuan daude egun batzuetatik hona. Bereziki praktikoa da dirulaguntzena eta kontratazio publikoena. RSS bidez harpidetu, eta aukera berriak iristen zaizkizu postontzira. Hona, adibidez, nola ikusten den zein lehiaketa publiko irten diren azken egunetan Google Reader RSS irakurgailuaren interfaze berriarekin:

Guztia irakurri ¦ Komentatu

Guifi.net-eko presidentea Informatika Fakultatean

© cc-by-sa  Informatika Fakultatea (UPV/EHU)  ¦  2011-11-04 ¦ 08:18 ¦  informatika

Ramon Rocak, guifi.net-eko presidenteak hitzaldia emango du datorren astelehenean, hilak 7, Informatika Fakultatean. EHUko Informatika Fakultatean izango da, Donostiako Ibaetako kanpusean, arratsaldeko 3.30etan, gai honekin: "Belaunaldi berriko sareetarako jauzia azkartzen: Bottom-up Broadband ekimena."

Guztia irakurri ¦ Komentatu

Euskal poparen aro loriatsua irekiko da?

© cc-by-sa  Sustatu  ¦  2011-11-03 ¦ 11:10 ¦  musika

Leire Lopez Ziluagaren artikulua gaur Berrian:

Euskal pop taldeen urritasuna gatazka politikoarekin edo erresistentziarekin lotzea argudio sinplea iruditu zait beti, edo, sinplea baino gehiago, resultoia. Argudio sendoagoak iruditzen zaizkit tradizio falta edo gure jendartean popak izan duen irudi eskasa.(...)
Badakit gatazka ez dela bukatu, baina sasoi profetikootan, nik ere egin gura dut aldarri: «euskal poparen aro loriatsua iritsiko da!». Euskal Rock Erradikalaren jardueraren behin betiko amaitzea bezainbeste desiratzen dut.

Erref.: Euskal poparen aro loriatsua irekiko da? (paperekoa.berria.info)
# ¦ 10 erantzun

Hizkuntz industrien misio komertziala Brusela eta Ottawara

© cc-by-sa  Langune - Euskadiko Hizkuntz Industrien Elkartea  ¦  2011-11-03 ¦ 10:50 ¦  enpresa

Langune - Euskadiko Hizkuntz Industrien Elkartea; Industria, Berrikuntza, Merkataritza eta Turismo Sailaren eta Belgikan eta Kanadan Espainiak dituen Bulego Komertzialen laguntzarekin, Bruse eta Ottawarako misio komertzialak antolatzen ari da, 2011ko azaroaren bukaeran eta abenduan izango direnak hurrenez hurren.

Guztia irakurri ¦ Komentatu

Sustatuko artikulu bat, HABEren azterketa batean (oso galdera zailak barne!)

© cc-by-sa  Iñaki C (Algorta)  ¦  2011-11-03 ¦ 09:44 ¦  hizkuntza

Kaixo, nire izena Iñaki da. Azken aste hauetan, HABEko azterketa prestatzen aritu naiz. Beraz, azterketa prestatzeko, HABEko azterketa guztiak egin behar izan nituen eta azterketen artean Arrosa ala urdina deitzen den artikulua topatu nuen. Artikulu hau HABEko 2010eko lehen deialdiaren azterketan erabili zuten aztertzaileek, SUSTATU.COMen agertu zen artikulu bat erabiliz! Gainera, azpimarratu nahi dut, azken galdera erantzutea oso zaila zela.

Sustaturen oharra: oso zaila ez, ezinezkoa erantzuea, ikusiko duzuen bezala

Guztia irakurri ¦ 5 erantzun

Susaren e-book denda berria

© cc-by-sa  Mikel Lizarralde  ¦  2011-11-02 ¦ 19:04 ¦  liburuak

Zarauzko Hitzari esker (B. Sarasolaren bitartez Twitterren) jakin dut Susa argitaletxeak E-book formatuan bere liburuak eskainiko dituela. Ez da bere katalogoa e-book formatura egokitzen duen lehen argitaletxea izango, ezta azkena ere, baina hartu duten erabakia txalotzekoa da, duen sinpletasun eta ausardiagatik.

Guztia irakurri ¦ 13 erantzun

Artikulu zaharragoak »»

Publizitatea

 Nabigatu euskaraz