Itzuli orri nagusira Bidali hau

Interneteko egunkari ultraeskuindarra Pirritx eta Porrotx pailazoen kontra

© cc-by-sa  Joserra E. ¦ 2011-11-10 ¦ 13:46 ¦ politika

Interneten argitaratzen den El Confidencial Digital egunkari ultraeskuindarrak Pirritx eta Porrotx pailazoei buruzko informazio bat argitaratu du egunotan, pailazo horiek Arbizuko eskola publikoan egindako Palestinaren aldeko ekitaldi bateko irudiak erabilita. Informazioaren arabera euskal pailazoak Arbizuko haurrak doktrinatzen ibili ziren Euskadiko eta Palestinako ikurrinak erabilita.

Publizitatea

Kaleratutako informazio horretan Pirritx eta Porrotxek Arbizuko eskola publikoan egin omen zuten aktuazio bateko irudiak ikus daitezke. Bideo hori aspaldi argitaratu zen YouTuben eta orain egunkari ultraeskuindarrak irudiak berreskuratu ditu irainez beteriko informazio tendentzioso hau eskaintzeko.

Informazioa bezain interesgarriak dira egunkariko irakurleek egindako iruzkinak edo komentarioak.

playmo.png 170KB (174495 byte)

Erantzunak

#1. Re: Interneteko egunkari ultraeskuindarra Pirritx eta Porrotx pailazoen kontra

Ricardo ¦ 2011-11-10 ¦ 14:28

Beste egunkari ultraeskuindar batek ere, La Gacetak, errepikatu du kontua, horretarako Gari Berasaluzek ateratako argazki bat baimenik gabe erabiliz.

#2. Re: Interneteko egunkari ultraeskuindarra Pirritx eta Porrotx pailazoen kontra

Karlott ¦ 2011-11-10 ¦ 16:23

Ñabardura xehetasunezkoa: ez dira ultraeskuindar, espainol baizik. Edo, bestela esateko, ez da ezinbestekoa eskuindar, ultraeskuindar edo ultrazentrista izan behar euskaldunongana gorroto ozpintsua agertzeko. Adibideak beharko?

#3. Re: Interneteko egunkari ultraeskuindarra Pirritx eta Porrotx pailazoen kontra

Bagatza ¦ 2011-11-10 ¦ 21:26

Bueno, gogoratzen dut duela urte batzuk Bilboko Udaleko PNVren Alkatetzak (Azkuna buru) behin baino gehiagotan debekatu ziela Pirritx eta Porrotxi ikuskizuna ematea. Beraz, Espainiako fatxek ez dute ezer asmatu.

Frankistek, Galosoek eta PNVkoek erabakitzen dute nor dagoen "kutsatuta" eta nor "garbi".

“AZKUNA PIDE A LOS ENCARGADOS DE CONTRATAR A PIRRITX ETA PORROTX 'QUE SE LO PIENSEN”

“…PP y PSE aseguraron que el Ayuntamiento no pueden contratar a quienes se niegan a condenar las violencia. "Tenéis razón y en el primer mandato veté a esta gente, pero estoy en una disyuntiva seria, porque no se puede hacer un veto a nadie", replicó el alcalde…..

….Como proponente, Luis Hermosa, del PP, afirmó que estos payasos son "conocidos no por su labor profesional, sino por su vinculación política", que hace que "fueran incapaces de condenar el asesinato de Froilán Elespe y protagonizan una campaña de Etxerat"…..”

http://www.elmundo.es/elmundo/2009/06/25/paisvasco/1245939565.html

“EL AYUNTAMIENTO DE BILBAO VETA A 'PIRRITX' Y 'PORROTX' POR NO CONDENAR LOS ATENTADOS”

"....…No es la primera vez que el Ayuntamiento de Bilbao cierra sus puertas a estos dos payasos. En enero de 2002, meses después del asesinato de Elespe, suspendió la actuación prevista en un festival de teatro infantil tras las críticas del portavoz socialista. «Hay cosas que ni en Bilbao ni en otro sitio se pueden hacer», declaró entonces Azkuna…

http://www.elcorreo.com/alava/20090710/politica/ayuntamiento-bilbao-veta-pirritx-20090710.html

#4. Re: Interneteko egunkari ultraeskuindarra Pirritx eta Porrotx pailazoen kontra

Unai ¦ 2011-11-11 ¦ 08:40

Eskolaz kanpoko jarduera bat baldin bada (eta hala dela uste dut) ez dut ezer horren aurka. Gurasoek erabakitzen dute zein ideologia txertatzen duten seme-alabengan.

Baina eskola orduetan egindakoa balitz: Zer arraio pintatzen dute 5-6 urte dituzten umeen Palestinako banderekin eta aldarrikapen politikoak egiten? Hango gatazkaren bi aldeak erakutsi zaizkie ala bakarrik palestinarren iritzia? Palestinarren beraien arteko ezinegonak azaldu dizkiete?

#5. Re: Interneteko egunkari ultraeskuindarra Pirritx eta Porrotx pailazoen kontra

Karlott ¦ 2011-11-11 ¦ 12:03

Zorionekoa zu, Unai, paradisuan bizi omen zarelako. Paradisu hori, ordea, hemendik oso urrun egonik, gutxitan azaltzen omen zara hona, kasuan kasuko gatazkako bi alderdien iritzien eskatzera: politikari usteldu eta herritar kaltetuena, torturatu eta torturatzaileena, herri xehe eta ertzain narkotrafikatzaileena, ikusle arrunt eta EITBko zuzendariena, euskaldun eta erdararen inposatzaileena, irakurle eta kazetaritza manipulatzen duten profesionalena, etc.
Paradisuan, noski, horren beharrik ez zenuten izango.

#6. Re: Interneteko egunkari ultraeskuindarra Pirritx eta Porrotx pailazoen kontra

Pipi ¦ 2011-11-11 ¦ 13:38

Intereconomiako bideoarena gehiegi da. "Nombres en euskara y arabe", "Ni una bandera de Navarra",... Espainia eta Israeleko banderak egongo balira, orduan bai pozik haiek.

Zorionak Irrien Lagunei!! Oso bideo polita!!

Erantzun (klik zabaltzeko)

Publizitatea

 Nabigatu euskaraz