Hauteskunde gauera gonbidapena EITBren egoitzara, Eitb.com-en eskutik, Txio inauguratzeko bide batez

© cc-by-sa  Lontzo Sainz  ¦  2011-11-16 ¦ 12:05 ¦  internet

eitb.com-ek euskal blogariei gonbidapena luzatu die hauteskunde gauerako Bilboko egoitzan elkartzeko. Parte-hartzeko tresna berri baten aurkezpena ere izango da, Txio proiektua eraberrituta jarriko da martxan.

Guztia irakurri ¦ Komentatu

Publizitatea

Parte hartu Euskararen Ginkanan!

© cc-by-sa  Kutxa Ekogunea  ¦  2011-11-16 ¦ 10:30 ¦  hizkuntza

Abenduaren 3an Euskararen Nazioarteko Eguna da eta Kutxa Ekoguneak Euskararen Ginkana antolatu du, Donostiako Euskararen Udal Patronatuaren laguntzaz. Lehiaketan 1996 edo lehenago jaiotakoek parte har dezakete eta banaka jokatuko da. Parte hartzeko ezinbestekoa da www.euskararenginkana.net webgunean sartu eta izen emateko formularioa ongi betetzea. Lehiakideek euskarari buruzko hainbat galdera erantzun beharko dituzte, azaroaren 30a baino lehen.

Guztia irakurri ¦ Erantzun bat

Bittor Kapanaga zenaren hitzaldia Interneten entzungai

© cc-by-sa  Badihardugu Euskara Elkartea  ¦  2011-11-16 ¦ 08:04 ¦  kultura

Bittor Kapanaga euskalari, filosofo eta kulturgizon ezaguna duela 4 hilabete hil zen Gasteizen, uztailaren 14an. Urteetan zehar euskararen alde lan ugari egindakoa izan zen Kapanaga. 1995. urtean Bergaran eman zuen hitzaldi bat sarean jarri dugu.

Guztia irakurri ¦ Komentatu

Egun bat barnetegi teknologiko batean

© cc-by-sa  Goio Arana  ¦  2011-11-15 ¦ 11:23 ¦  enpresa

Azaroaren 9tik 10era bitartean, barnetegi teknologiko batean izan nintzen, Mungian. Barnetegi teknologikoak mintegi trinkoak dira, sustatzeko informazio eta komunikazio teknologia berriak enpresetan. Hotel batean elkartuta, 24 ordu eskasean, dozena bat lagunek osatutako taldeak jasotzen du IKTen gaineko informazio zaparrada handia: hitzaldiak, erakustaldiak, eztabaidak... Spri agentziak antolatzen ditu eta arrakasta handia lortu dute barnetegiek. Hona hemen nire esperientzia.


Argazkiak.org | Barnetegi teknologikoa Mungian. Gela © cc-by-sa: goioarana

Guztia irakurri ¦ Komentatu

Piula per les llengües! - Txioka hizkuntzen alde

© cc-by-sa  Sustatu  ¦  2011-11-15 ¦ 09:32 ¦  hizkuntza-eskubideak

Katalunia aldetik dator albistea. Sigues llingüísticament sostenible lelopean eleaniztasunaren aldeko kanpaina eta twitterreko lehiaketa jarri du martxan (azaroaren 20a arte) Kataluniako unibertsitateetako hizkuntza-zerbitzuak.

Guztia irakurri ¦ Komentatu

LungoJs: HTML5 WebApp egiteko framework berria, eta etxekoa.

© cc-by-sa  TapQuo  ¦  2011-11-15 ¦ 08:53 ¦  informatika

Nahiz eta gaur egun aplikazio mobilen "look"-a daukaten web aplikazioak garatzeko baliabideak egon, JQuery Mobile edo Sencha adibidez, hauek ez dute HTML5-ak eskeintzen duen potentziala ematen mobiletarako aplikazioei dagokienez. LungoJs Bilbon sortutako Framework berria da eta FULL HTML5 bezala aipatu daiteke, hau da, WebApp-en garapenera zuzenduta dago HTML5-ak eskaintzen duen potentzialitate semantiko guztia erabiliaz, hala nola animazioak eta efektuak.
Argazkiak.org | LungoJS © cc-by-sa: sustatu

Guztia irakurri ¦ Komentatu

Kepa Mallea, Karmelo ikastolako irakasle izandakoa, da goizean Santutxun hil duten gizona

© cc-by-sa  Sustatu  ¦  2011-11-14 ¦ 17:04 ¦  bestelakoak

Ero batek labainarekin Bilboko Santutxuko auzoan jendeari eraso egin dio gaur goizean. Taberna batean bularrean sastakatu duen 65 urteko gizona hil egin du, eta beste sei pertsona zaurituak daude, hiru oso larri. Hildakoa Kepa Mallea da, Santutxuko Karmelo ikastolako irakasle izandakoa, duela gutxi erretiratutako gizona.

Erref.: Kepa Mallea, Karmelo ikastolako irakasle izandakoa, da goizean Santutxun hil duten gizona (berria.info)
# ¦ 3 erantzun

Nafarroako Kultur Kudeaketaren II. Kongresua

© cc-by-sa  Nafarroako Kultur Kudeaketako Profesionalen Elkartea  ¦  2011-11-14 ¦ 11:39 ¦  kultura

Nafarroako Kultur Kudeaketako Profesionalen Elkarteak (NAKKPE) heldu den azaroaren 22 eta 23rako Nafarroako Kultur Kudeaketaren II. Kongresua antolatu du Atarrabiako Kultur etxean. GAIA: Kultur sektorearen erronkak egungo testuinguruan: plangintza, publikoak eta profesionalak.

Guztia irakurri ¦ Komentatu

Bullying edo jazarpena babesten AEBetako Michiganen

© cc-by-sa  Juan Inazio Hartsuaga.  ¦  2011-11-14 ¦ 10:17 ¦  irakaskuntza

Amerikako Estatu Batuetako Michigan-en eskola baitako bullying edo eskola-jazarpenaren aurkako lege berria atera nahian zebiltzala, Errepublikarrek emendakin bat sartzea lortu dute, bertan adierazten delarik ez dela gutxiengo baten aurkako bullyina zigortu ahal izango (homosexualak, islamzaleak e.a.), baldin eta jarrera erlijioso edo moral zintzo batetik egiten bada.

Guztia irakurri ¦ Komentatu

# zeinua 'traol' da euskaraz

© cc-by-sa  Maite Goñi  ¦  2011-11-14 ¦ 08:20 ¦  informatika

Traol. iz. 1. ITSAS. Aparailua biltzeko zurezko laukia.  (Harluxet Hiztegi Entziklopedikoa). 2. INFORM. Unibertsalki zenbaki-zeinu bezala ezagutzen den “#” ikurra da, batez ere ingelesezko testuetan erabiltzen den arren. (Wikipedia)

Eguneraketa: agertu da traol baten argazkia, ikusi barruan.

Guztia irakurri ¦ 12 erantzun

Zer egingo dute katalan batek, txinatar batek eta 100 euskaldunek IMHn azaroaren 17an?

© cc-by-sa  IMH  ¦  2011-11-14 ¦ 07:56 ¦  enpresa

Katalanak, txinatarrak eta 100 euskaldun IMHn elkartuko dira 17an Confebask, Anbotogroup, Gipuzkoako Txinera Institutua eta hainbat erakunde, enpresa ordezkari eta eragileekin hizkuntzen-kudeaketari buruz hitz egiteko 30+10 mintegiko 6. edizioan. Topaketa hau girotzeko iritzi artikulua idatzi dugu...

Guztia irakurri ¦ Komentatu

Edurne Ormazabal, irakurle amorratua

© cc-by-sa  Gurebook  ¦  2011-11-13 ¦ 10:38 ¦  liburuak

Edurne Ormazabalek Gurebook-i eskainitako elkarrizketa. Halaxe dio Ormazabalek: Niretzat paperezko liburua bada nolabaiteko objetu erotikoa. Ikutzea, orriak pasatzea, liburutegian bere txokoan gordetzea... Liburuari lotutako hainbat ohitura eta liturgia oso gustoko ditut. E-liburuak berriz beste abantaila batzu ditu, praktikoagoak dira, etxean ez dugu hainbeste lekurik behar, bidaiatzerakoan askoz komodoagoa da, letra tamaina egokitu dezakezu...

Guztia irakurri ¦ Komentatu

Banden Lehia 2011 abian da, banda amateur onenak aukeratzeko lehiaketa

© cc-by-sa  AZKUE Fundazioa  ¦  2011-11-13 ¦ 08:28 ¦  musika

Aste honetan martxan jarri da Banden Lehiaren hirugarren edizioa. Txapelketa honek euskeraz kantatzen duten banda amateur onenak saritzen ditu. Talde finalistak aukeratzeko internet bidez bozkatzeko sistema ezarri da eta finala zuzeneko emanaldia izango da, lau taldeen arteko lehia. Lehiaketa hau Bizkaiko Foru Aldundiko Euskara Zuzendaritzak antolatzen du eta lehiaketaren finala Nazioarteko Euskararen Eguna ospatzeko antolatzen diren ekitaldien barne dago. Aurtengo edizioko sariak askoz interesgarriagoak dira: BBKLive jaialdian jotzeko aukera, 2.000 eurotako diru-txekea eta iPod Touch-ak.

Guztia irakurri ¦ Komentatu

Abian da 25. Jokin Zaitegi sariketa Transtromer euskaratzeko

© cc-by-sa  Itxaro Artola (AED elkartea)  ¦  2011-11-12 ¦ 11:09 ¦  liburuak

Arrasateko AED Elkarteak eta Elkar argitaletxeak abiarazi dugu, Kutxa Fundazioaren laguntzarekin, Tomas Transtromer 2011ko Literaturako Nobel saridunaren poemen bilduma euskarara ekartzeko beka-deialdia. Aurtengoarekin 25 edizio dira, arrasatear idazlea gogoratzeko eta hark literatura unibertsala euskaratzen egindako ahaleginari jarraitzeko, Jokin Zaitegi sariketak bete dituenak.

Guztia irakurri ¦ Komentatu

Euskal internautarik sexyenaren bila

© cc-by-sa  Teknopataren txokoa  ¦  2011-11-12 ¦ 08:37 ¦  sexua

Egunotan irakurri ahal izan dugunez, Inigo Urkullu omen da politikaririk sexiena Espainiako emakumeentzat. Askorentzat, datu harrigarria (eta harentzat pozgarria) inondik inora. Baina... euskal internauton artean, zein ote sexiena?

Eguneraketa: larunbatean, hilak 12, 19.00etatik 24.00ak arte bozkatu zenutenok, berriz egin hemen, mesedez; arazo teknikoak izan dira tarteko.

Guztia irakurri ¦ Erantzun bat

Oñatiko laburmetrai lehiaketako lanak sarean

© cc-by-sa  Sustatu  ¦  2011-11-11 ¦ 11:12 ¦  zinema

Joan den asteburuan izan da Oñatiko Laburmetraien II. edizioa. 11 taldek hartu zuten parte eta aurkeztutako lanak sarean jarri dituzte. Hona hemen irabazlea:

Guztia irakurri ¦ Erantzun bat

Euskararen sendabideak aztergai

© cc-by-sa  Angel Bidaurrazaga, OEEko kidea  ¦  2011-11-11 ¦ 09:10 ¦  osasuna

Euskara gaixo hipotetiko bat balitz, aspalditik astenia edo indar ahularen sintoma antzemango geniokeen, agian zahartzaroagatik, hizkuntz zaharrenetarikoa delako edo bere erabilgarritasuna urrituz joan delako, bai barne arazoengatik, hiztunak gutxitu baitira bere erabileran, zein kanpoko eraginez, estatuek mendetan zehar egin duten genozidio linguistikoagatik. Azken arrazoi hau, hain zuzen, askotan aipatu izan da, besteak beste euskal gatazkaren eragileak azaltzerakoan.

Guztia irakurri ¦ Erantzun bat

“Poliniza zaitez jardunbide egokiez”: iBGC kongresua azaroaren 16an

© cc-by-sa  Business Global Conference  ¦  2011-11-11 ¦ 08:15 ¦  enpresa

Hurrengo azaroaren 16an “Innovation Business Global Conference” kongresuaren hamargarren urteurrena ospatuko da BECen, Eusko Jaurlaritzaren Industria, Berrikuntza, Merkataritza eta Turismo Sailak antolatua, eta Zientzia, Teknologia eta Berrikuntzaren Astearen barruan.

Guztia irakurri ¦ Komentatu

Interneteko egunkari ultraeskuindarra Pirritx eta Porrotx pailazoen kontra

© cc-by-sa  Joserra E.  ¦  2011-11-10 ¦ 13:46 ¦  politika

Interneten argitaratzen den El Confidencial Digital egunkari ultraeskuindarrak Pirritx eta Porrotx pailazoei buruzko informazio bat argitaratu du egunotan, pailazo horiek Arbizuko eskola publikoan egindako Palestinaren aldeko ekitaldi bateko irudiak erabilita. Informazioaren arabera euskal pailazoak Arbizuko haurrak doktrinatzen ibili ziren Euskadiko eta Palestinako ikurrinak erabilita.

Guztia irakurri ¦ 8 erantzun

Nigerreko Bombino gitarra-jole handia Sustraiez Blai jaialdian

© cc-by-sa  SUSTRAIEZ BLAI KULTUR ELKARTEA  ¦  2011-11-10 ¦ 13:21 ¦  musika

Larunbatez, azaroaren 12an, ospatuko da munduko musiken gaineko Sustraiez Blai Jaialdiaren hamaikagarren edizioa Ordizian. Oraingoan ere, iaz bezalaxe, musika-emanaldiak bi leku ezberdinetan izango dira: alde batetik, Garagartza plazan eta bestetik, merkatuko plaza estalian. Aipatu beharreko aurtengo berrikuntza da egun osoan zehar, goizetik hasita, artisautza-azoka izango dela herriko alde zaharrean, egun-pasa egin nahi duenari aukera ederra eskainiz.

Guztia irakurri ¦ Komentatu

Artikulu zaharragoak »»

Publizitatea

 Nabigatu euskaraz