MinoriTB, Hizkuntza Gutxituen Telebisten Jardunaldia, hartuko du EITBk

© cc-by-sa  EITB  ¦  2011-11-23 ¦ 14:43 ¦  telebista

Datorren azaroaren 30ean Hizkuntza Gutxituen Telebisten inguruko MinoriTB Jardunaldia egingo da Bilboko egoitzako Multibox aretoan, goizeko 9:00etatik aurrera. Gainera, eitb.com-en zuzenean jarraitu ahal izango da. Jardunaldia edozein pertsonarentzat zabalik egongo da, bereziki, hedabideen eta euskararen munduarekin zerikusia dutenei. Sarrera dohakoa izango da eta bertaratzeko, nahikoa da minoritb@eitb.com helbidera posta elektroniko bat bidaltzearekin, izena eta abizena zehaztuta.

Guztia irakurri ¦ Komentatu

Publizitatea

"Fischerren ausazko xakea" igandean Eibarren

© cc-by-sa  Eibarko Klub Deportiboa - Xake Batzordea  ¦  2011-11-23 ¦ 10:19 ¦  kirola

Datorren iganderako xake txapelketa berezia antolatu du Eibarko Klub Deportiboak. "Fischerren Ausazko Sistema" erabiliko dugu jokatzeko. Piezen ohiko kokapena ahaztuta, ausaz erabakitzen da lehenengo errenkadan izango duten hurrenkera. Horrela hasierako 960 posizio ezberdin sortzen dira. Txapelketa honekin uztailean hil zen Manuel Lopez taldekidea omenduko da. Euskal Herrian lehenengo aldiz egingo da taldekako txapelketa bat Fischerren sistema erabilita.

Guztia irakurri ¦ Komentatu

Berbodromoa eta Sendijaia Getxon

© cc-by-sa  Egizu elkartea  ¦  2011-11-23 ¦ 08:02 ¦  hizkuntza

Getxoko euskaldunok elkar ezagutzeko hitzordu garrantzitsu bi ditugu: ostiralean Berbodromoa eta larunbatean Sendijaia egun osoan zehar. Berbodromoaren bidez euskararen erabilera aldarrikatu nahi dugu eta Sendijaia familia guztientzako topaleku izango da, euskararen bidez.

Guztia irakurri ¦ Komentatu

Ordenagailuz lagundutako itzulpen-tresna libreak

© cc-by-sa  UEU  ¦  2011-11-22 ¦ 10:53 ¦  informatika

Ordenagailuz lagundutako itzulpen-tresnen erabilera areagotu egin da. Aukeren artean, software librean garatutako tresnak edo MS Word-en oinarritutakoak daude. Software librea sustatzeko, UEUk hiru itzulpen-tresna libreren inguruko ikastaroa antolatu du Baionan, abenduaren 3rako (saio bakarra): Ordenagailuz lagundutako itzulpena MS Word gabe: Wordfast pro, Anaphraseus eta OmegaT. Izena emateko azken eguna azaroaren 24a izango da. Aurreko ikastaroak oso arrakastatsuak izan direnez, oraingoan Baionan ere eskainiko da: bost orduko saio bakarra (abenduaren 3an). Izena emateko azken azaroaren 24a (osteguna) izango da.

Guztia irakurri ¦ Komentatu

Zatoz Blogs&Bikes topaketara larunbat honetan

© cc-by-sa  Mikel Lizarralde - Kisale  ¦  2011-11-22 ¦ 09:15 ¦  kirola

Kisale interneteko bizikleta-dendan larunbat honetarako Blogs&Bikes topaketa antolatu dugu. Blogs&Beers edota Pintxos&Blogs ekimenetan inspiratzen da eta lehen saio honetarako lagunarteko mendi-bizikleta irteera antolatu dugu.

Guztia irakurri ¦ Komentatu

Medikuntza euskaldunduko dugu!

© cc-by-sa  Medikuntza Euskaldundu  ¦  2011-11-22 ¦ 08:55 ¦  osasuna

Medikuntza Euskaldundu! 2009-2010 ikasturtearen amaieran sortu zen, Medikuntza Fakultateko euskararen egoerak kezkatu zituen ikasle batzuen eskutik. Ordutik lanean gabiltza, eta jarraituko dugu, medikuntzaren arloan eskubide bat gehiago ez dadin urratua izan.


Argazkiak.org | Medikuntza Euskaldundu © cc-by-sa: sustatu

Guztia irakurri ¦ Komentatu

Harresiz kanpoko Nafarroako emaitzak

© cc-by-sa  Goio Arana  ¦  2011-11-21 ¦ 14:31 ¦  politika

Nafarrak ez garenontzat, bitxiak egiten zaizkigu ikustea herrialdearen maparen eskumako aldean agertzen diren bi tanta gorri horiek. Petilla Aragoi da lur eremu hori, eta Nafarroa da.


Argazkiak.org | Petilla Aragoi © cc-by-sa: goioarana

Guztia irakurri ¦ Komentatu

EAEko boto eboluzioa aztertzeko tresna grafiko berria

© cc-by-sa  Sustatu  ¦  2011-11-21 ¦ 10:28 ¦  politika

Eusko Jaurlaritzako Lehendakaritzako Prospekzio Soziologikoen Kabineteak tresna bat estreinatu du sarean, atzoko hauteskunde orokorren emaitzak aurreko guztiekin alderatzen dituenak (EAEko datuak barne). Grafikoak Irekia izeneko webgune berri batean azaldu da tresna. Alderik interesgarriena du blokeak zure kasa aukeratu ditzakezula, eboluzioak konparatzeko.


Argazkiak.org | Blokeak EAE © cc-by-sa: sustatu

Erref.: EAEko boto eboluzioa aztertzeko tresna grafiko berria (grafikoak.irekia.euskadi.net)
# ¦ 5 erantzun

Hego Euskal Herriko udalerri guztietako boto-zenbaketa zuzenean Sustatun

© cc-by-sa  Sustatu  ¦  2011-11-20 ¦ 15:35 ¦  politika

Azaroaren 20ko hauteskundeetako emaitzak denbora errealean ezagutzeko, Hego Euskal Herriko udalerri guztietarako informazioa biltzen duen aplikazio txiki bat sortu dugu: sustatu.com/a20

Une honetan 2008ko hauteskunde emaitzak daude hor herriz herri, baina igande iluntzean benetako datuak irteten hasten direnena, posible izango da edozein herritako kontaketa zuzenean jarraitzea. Adibidez, sustatu.com/a20/bermeo eta sustatu.com/a20/bermeo/senatua estekak Bermeoko Kongresurako eta Senaturako emaitzak jakiteko.

Guztia irakurri ¦ Komentatu

Zinemagintzan badago alternatibarik: Begiratu "Kameraren Atzetik"

© cc-by-sa  Imanol Haro eta Isabel Alba  ¦  2011-11-20 ¦ 09:30 ¦  zinema

Telebistaz, zinez nahiz internetez, irudiekin bonbardatzen gaituzte, eta, bonbardaketa horren aurrean, babes eskasa daukagu. Irudien nahas-mahas horretatik harago, ba al dakigu zer esan nahi diguten? Are gehiago, ba al dakigu zer saldu nahi diguten? Zer-nolako ideologia(k) bultzatzen d(it)u(z)te egungo ikus-entzunezko gehienek (filmek, telesailek...)? Zer-nolako lotura du horrek Pentsamendu Bakarrarekin? Badago alternatibarik? Ikus-entzunezko ekoizpenak beste modu batean ikusten eta aztertzen hasteko baliabideak ematen ditu Isabel Albak, Kameraren Atzetik: Irudien bidez narrazioak egitea liburu-komiki-DVDaren bidez.


Liburuaren gaztelaniazko eta euskarazko bertsioak Klaketa.net)

Guztia irakurri ¦ Komentatu

Koldo Telleria (Hiria Kolektiboa): "Globalizazioarekin, hiriak marka bihurtu dira"

© cc-by-sa  GAZTEZULO  ¦  2011-11-19 ¦ 11:27 ¦  hirigintza

Gizartearen errepresentazio gisa ulertzen dituzte hiriak, eta horregatik nahi dituzte espazio publiko anitzagoak, erabilgarriagoak eta parekideagoak. Hiria Kolektiboko Oihane Ruiz bilbotarrarekin eta Koldo Telleria segurarrarekin bildu gara, biak ala biak arkitektoak, egitasmo honen izaera hobexeago ulertzeko.

Guztia irakurri ¦ Komentatu

Irratigintzari buruzko biltzarra, Leioan hilaren 24-25ean

© cc-by-sa  @CgRadio2011  ¦  2011-11-18 ¦ 12:33 ¦  hedabideak

Euskal Herriko Unibertsitateko Ikus-entzunezko Komikazio eta Publizitateko fakultateak, datorren astean, azaroak 24 eta 25, Leioako Kampusean egingo den Irratiaren inguruko kongresura gonbidatzen zaituzte. I Nazioarteko Biltzarra: The Radio Is Dead. Long Live the Radio

Guztia irakurri ¦ Komentatu

Ikus-entzunezkoen arloan izango diren berrikuntzak Madrilgo Broadcast azokan

© cc-by-sa  Olatz Artola (Arteman Komunikazioa)  ¦  2011-11-18 ¦ 11:29 ¦  hedabideak

Madrilen egin berri den Broadcast azokan ikus-entzunezkoen etorkizuna aurreikusi daiteke. International Audio-visual Technology Trade Show etorkizunean aurkeztuko diren produktu eta zerbitzu berrien aurkezpenerako foroa izaten da. Tendentziak eta berrikuntzak biltzen dira bi urtez behin egiten den erakusketan. Aretxabaletako Arteman komunikazioa enpresako ikus-entzunezko adituak bertan izan dira eta beraiekin hitz egiteko aukera izan dugu.

Broadcast 11 from Arteman Komunikazioa on Vimeo.

Guztia irakurri ¦ Komentatu

Lagundu 'Agur Esatea' finantziatzen: animazioko dokumentala, gerrako umeei buruz

© cc-by-sa  Izaskun Arandia (IZAR Films)  ¦  2011-11-18 ¦ 08:49 ¦  historia

1937an Gernikako bonbaketaren ondoren ia 4.000 haur Ingalaterrara bidaliak izan ziren itsasontziz. 250 inguru ez ziren inoiz itzuli eta askok ez zituzten heuren gurasoak berriz ikusi. Agur Esatea euren istorioa da.

Finantziazio kolektiboa edo crowdfunding esaten den ereduarekin saiatzen ari gara ekimen hau finantziatzen. Zeuk ere lagundu dezakezu!

Aldameneko koadro honetan ikus dezakezu zenbat behar dugun, eta nola goazen diru-bilketan. Irakurri, mesedez, zer egin nahi dugun, eta gero pentsatu ea euro gutxi batzuk eman ditzakezun (gutxienez kredituetan agertuko zara!)

Guztia irakurri ¦ 2 erantzun

Unhate, Benetton-en azken kanpaina (euskal aldaera batekin)

© cc-by-sa  Sustatu  ¦  2011-11-18 ¦ 08:00 ¦  marketina

Benetton arropa markaren azken kanpainak (Unhate, des-gorrotoa), aurreko batzuetan bezala, eskandaluaren bidez inpaktua egin nahi izan du. Lortu ere bai, Batikanotik gertu argazki bat kentzeko aginduarekin. Munduko lider politiko zenbait, elkar musukatzen, argazki faltsuetan. Horixe da koxka. Haien adibide bat barik beste bat erakutsiko dugu guk, Goio Aranak egindako euskal aldaera hau:

Erref.: Unhate, Benetton-en azken kanpaina (euskal aldaera batekin) (unhate.benetton.com)
# ¦ 12 erantzun

Enpresa, sarea eta hizkuntzak: kontu bakarra ala bi kontu?

© cc-by-sa  Joxe Rojas  ¦  2011-11-17 ¦ 11:22 ¦  sare-sozialak

Enpresa pribatuek sarean izan beharko lituzketen hizkuntza irizpideen gainean hausnartzen ari dira Emunen, eta datozen asteotan saltsa hauetan mugitzen garen hainbat laguni eskatu digute gure ekarpentxoak egiteko. Gure erakunde edo enpresa sare sozialetan badago, zenbat kontu erabili? Bakarra bi hizkuntzatan? Bat hizkuntza bakoitzeko? Joxe Rojas "Teknopatak" bere iritzia utzi du bere blogean eta Sustatuk hona ekarri CC-by-sa lizentzia erabilita.

Guztia irakurri ¦ 4 erantzun

Minutu bat berrikuntzarako?

© cc-by-sa  Sustatu  ¦  2011-11-17 ¦ 10:15 ¦  enpresa

Innobasquek Openideiak ekimenaren barnean berrikuntzarako minutu bat gordetzera eta antolatzera gonbidatu ditu erakunde guztiak. Helburua enpresa edo erakunde bakoitzarekin zerikusia duten barne-erronkei erantzuna ematea da. Hausnarketa hau azaroaren 22an egitea proposatzen dute.

Guztia irakurri ¦ Komentatu

“Itotze ekonomikoaren bitartez euskararen aldeko mugimendua desagerrarazi nahi du Nafarroako gobernuak”

© cc-by-sa  Kontseilua  ¦  2011-11-17 ¦ 08:14 ¦  herri-administrazioak

Nafarroako gobernuak 2012rako aurkeztutako aurrekontu proposamena aztertu du Kontseiluak. Ondorio nagusi bat atera du azterketa egin ondoren, Paul Bilbao, Kontseiluko idazkari nagusiak azaldu duenez: “aurrekontu proposamenak berez murritzak ziren 2011ko aurrekontuak gehiago murriztera datoz”.

Guztia irakurri ¦ Erantzun bat

Hauteskunde gauera gonbidapena EITBren egoitzara, Eitb.com-en eskutik, Txio inauguratzeko bide batez

© cc-by-sa  Lontzo Sainz  ¦  2011-11-16 ¦ 12:05 ¦  internet

eitb.com-ek euskal blogariei gonbidapena luzatu die hauteskunde gauerako Bilboko egoitzan elkartzeko. Parte-hartzeko tresna berri baten aurkezpena ere izango da, Txio proiektua eraberrituta jarriko da martxan.

Guztia irakurri ¦ Komentatu

Parte hartu Euskararen Ginkanan!

© cc-by-sa  Kutxa Ekogunea  ¦  2011-11-16 ¦ 10:30 ¦  hizkuntza

Abenduaren 3an Euskararen Nazioarteko Eguna da eta Kutxa Ekoguneak Euskararen Ginkana antolatu du, Donostiako Euskararen Udal Patronatuaren laguntzaz. Lehiaketan 1996 edo lehenago jaiotakoek parte har dezakete eta banaka jokatuko da. Parte hartzeko ezinbestekoa da www.euskararenginkana.net webgunean sartu eta izen emateko formularioa ongi betetzea. Lehiakideek euskarari buruzko hainbat galdera erantzun beharko dituzte, azaroaren 30a baino lehen.

Guztia irakurri ¦ 4 erantzun

Artikulu zaharragoak »»

Publizitatea

 Nabigatu euskaraz