Urteko egunik tristeena da gaur (ala ez?)

© cc-by-sa  Sustatu  ¦  2012-01-16 ¦ 09:14 ¦  osasuna

Gaur goizean triste jaiki zara? Ez duzu ezertarako gogorik? Eguna noiz bukatuko zain zaude? Lasai, normala da. Gaur da eta Blue Monday, urteko egunik tristeena.

Guztia irakurri ¦ Erantzun bat

Publizitatea

Manuel Fraga euskararen inguruan bideo pare batean

© cc-by-sa  Sustatu  ¦  2012-01-16 ¦ 08:37 ¦  politika

Behin baino gehiagotan esan zuen Manuel Fraga Iribarnek euskara hizkuntza hila dela, teknika modernorako gai ez dena. Azkenean, bera hil da (atzo), eta gu euskaraz ari gara Interneten, ematen duenez. Pare bat bideo itsatsi ditugu hemen.

Guztia irakurri ¦ Komentatu

Bizkaidatz saria, Bizkaiko Foru Liburutegiaren eskutik

© cc-by-sa  Bizkaiko Foru Liburutegia  ¦  2012-01-15 ¦ 17:37 ¦  kultura

Bizkaiko Foru Liburutegiko BizkaIdatz Sariaren laugarren deialdia irekita dago jadanik. Esta historia la escribes tú/ Jarraitzeko prest? orain zure txanda da sarian parte hartzeko informazioa eskura dago jadanik. Aurten euskarazko ipuinaren hasiera Katixa Agirrek egin du eta gaztelaniazkoa Alex Oviedok. Proposatzen diren istorioak ezagutzeko eta oinarrien buruzko informazioa jasotzeko Bizkaiko Foru Liburutegiko web orrira jo dezakezue.

Erref.: Bizkaidatz saria, Bizkaiko Foru Liburutegiaren eskutik (www.bizkaia.net)
# ¦ Komentatu

Txillardegi hil da

© cc-by-sa  Sustatu  ¦  2012-01-14 ¦ 13:07 ¦  kultura

Berriak argitaratu du Jose Luis Alvarez Enparantza, Txillardegi, hil egin dela gaur. Donostiako euskalari eta politikariak 20. mendeko euskal politika eta letretan itzal handia izan zuen. ETA eta Herri Batasunaren sorreran parte hartu zuen. 1948an, 19 urterekin, hasi zen euskara ikasten bere kasa, Donostian, Txillardegi. Urte gutxiren buruan, nobela bat ere idatzi zuen, Leturiaren egunkari ezkutua.

Erref.: Txillardegi hil da (eu.wikipedia.org)
# ¦ 4 erantzun

Tolosako Laskorain Ikastolako abesbatzaren CD-DVDa

© cc-by-sa  Laskorain Ikastolako abesbatza  ¦  2012-01-14 ¦ 12:13 ¦  musika

Tolosako Laskorain Ikastolako neska-mutilek abesbatza jardueraren barnean disko eta bideoklip bat grabatu dute. Egitasmoa ez da halere, musikaren alorrera bakarrik mugatu, baizik eta ikasleek beraiek arduratu dira (irakasleen laguntzaz) diskoaren diseinuaz eta CD-DVDa erabat amaitzeko egin behar izan diren beste hainbat lanez.

Guztia irakurri ¦ Komentatu

Ramon Etxezarreta: Euskarari beldur izatearen lotsak zilegi behar lukeela

© cc-by-sa  Sustatu  ¦  2012-01-14 ¦ 09:42 ¦  politika

Ramon Etxezarretak artikulu gogor eta mamitsua argitaratu du Berrian gaur. Euskal Idazleen Elkartearen buru izandako bati epelak botatzen dizkio (izenik eman gabe), indarkeriarekin izandako jarrerak ditu gogoan, Fernando Aranbururen hitzekin nola asaldatu den jendea, eta Kolosala manifestazioaren inguruan euskaraz aditu omen den adostasun uniforme eta ez kritikoa. Hainbat urtez bizkartzainarekin bizi izan den PSE-EEko kideak hala amaitzen du artikulua:

Badugu etxean lotsa aitor ezin bat, beldur urtetan pilatua. Paseadarakoan, geure bizkarretan gazte talderen bat sumatzen genuenean hauei euskara entzutean beldurra areagotu egiten zitzaigun. Nahi nuke keinu hau, lotsa hau, iraupen luzekoa ez izatea. Euskarari beldur izatearen lotsa zer den jakitea oso zaila dela badakit, arrazoitzea eta aitortzea bezain zaila edo zailagoa agian, baina hala da eta zilegi behar luke.

Erref.: Ramon Etxezarreta: Euskarari beldur izatearen lotsak zilegi behar lukeela (paperekoa.berria.info)
# ¦ 3 erantzun

Elena Torres Nafarroako Parlamentuko presidentearen erretratua

© cc-by-sa  Sustatu  ¦  2012-01-13 ¦ 10:59 ¦  artea

Abendu amaierako albistea da, baina nafar pare batek egindako irudiak aurkitu ditugu eta ekarri egingo ditugu hona. Nafarroako Parlamentuko Elena Torres presidenteari erretratua egiteko enkargua egin du Parlamentuak, ia 7.000 euroan. Horra Santi Leone idazleak egindako erretratuaren bertsioa (kontua lotzen da beste polemika batekin: Leonardoren Louvreko beste margo bat, ez Gioconda, berriztean izandako arazoak).

Era berean, Zaldieroak ere sortu du bere irudia.

Guztia irakurri ¦ 2 erantzun

Ordaintzeko modu berriak mundu digitalean

© cc-by-sa  Igor Leturia  ¦  2012-01-13 ¦ 08:50 ¦  ekonomia

Diru fisikoaren (txanponak, billeteak...) erabilera marjinala da aspaldi honetan, baldin eta dagoen diru edo transakzioen kopuru osoarekin konparatzen badugu. Diru gehiena eta ordainketa gehienak digitalak, birtualak izan dira azken urteotan: bankuko datu-baseetan gordetako zenbakiak, kreditu-txartelez egindako ordainketak, Internet bidezko transferentziak... Eta, orain, gailu digital berriekin eta gure on line bizitza berriekin, ordaintzeko modu berriak ere ari dira agertzen, telefono mugikorren bidezko ordainketak edo Bitcoin, esate baterako.

Guztia irakurri ¦ 2 erantzun

Iparraldea Euskal Herria dela entzuten baduzu, ez sinestu, gezurra da

© cc-by-nc-sa, baimenarekin;  Mikel Alvarez, The Indezents  ¦  2012-01-12 ¦ 10:40 ¦  politika

Haurra nintzela Olentzero gezurra zela jakitean sentitu nuenaren antzeko zerbait sentitu nuen Gabonetako oporretatik Iparraldetik itzultzean… Garai berberean hasi nintzen gure herrialde maite honetako geografia ikasten. Mendiak, ibaiak, probintziak, hiriburuak (Maule... hau beste baterako utziko dut). Zazpi probintziaz osaturiko herrialdea, horixe dugu gurea Euskal Herria. Horrela ikasi genuen eta horrela sentitzen dut oraindik gainera...

Guztia irakurri ¦ 15 erantzun

.eus domeinua eskatzeko epea ireki da; 185.000 dolar kostatzen da eskaera egitea

© cc-by-sa  Sustatu  ¦  2012-01-12 ¦ 08:36 ¦  internet

Webgune berria ireki du gaur ICANN erakundeak hiru hilabetean goi mailako domeinu orokor berriak (gTLD) eskatzeko prozedura bideratzeko. Orain arte .biz, .aero edo beste batzuk izan diren bezala, .eus izateko aukera egon daiteke 2013an, PuntuEus elkarteak iaz iragarri zuen bezala. Prozesua ez da merkea izango: 5.000 dolar da aurreinskripzioa, eta hiru hilabetean eskaera osatuta entregatzekotan, beste 180.000 dolar ordaindu behar dira (onarpena gertatu ala ez, hori da tarifa).

Erref.: .eus domeinua eskatzeko epea ireki da; 185.000 dolar kostatzen da eskaera egitea (newgtlds.icann.org)
# ¦ 2 erantzun

Artikulua 2tzuL-en: "Legeen izenez", Patxi Petrirena

© cc-by-sa  EIZIE  ¦  2012-01-12 ¦ 08:05 ¦  hizkuntza

EIZIEren ItzuL posta-zerrendan behin baino gehiagotan eztabaidatu/galdetu izan da legeak izendatzeko moduaz. Horren haritik, Patxi Petrirena itzultzaileak gainbegiratu bat eman nahi izan dio egungo batez besteko erabilerari, eta oharren bat edo beste tartekatu 2tzuL blogean argitaratu dugun Legeen izenez artikuluan.

Guztia irakurri ¦ Komentatu

Goierriko Kasta eta Jazzpana: Literatura saioa Beasainen

© cc-by-sa  Joseba Zubizarreta (Goierriko Kastako Kidea)  ¦  2012-01-11 ¦ 10:17 ¦  kultura

Ostegunean, urtarrilak 12, iluntzeko 19.30etan Goierriko Kastako kideak Literatur Saio bat eskainiko dute Beasaingo Usurbe Antzokian.

Guztia irakurri ¦ 2 erantzun

Euskara Entitate Publikoetan jardunaldiak

© cc-by-sa  Hizkuntza Politikarako Sailburuordetza. Herri Administrazioetan Euskara Normalizatzeko zuzendaritza  ¦  2012-01-11 ¦ 08:53 ¦  herri-administrazioak

Euskara Entitate Publikoetan jardunaldiak ospatuko dira datorren otsailaren 2an Arabako Teknologi Parkean, Miñaon, Hizkuntza Politikarako Sailburuordetzak antolaturik. HPSk, jardunaldi hauen bitartez ateak zabaldu nahi dizkio euskarari Sozietate Publiko eta Zuzenbide Pribatuko Erakunde Publikoetan ere bere tokia duela bermatzeko. Horretarako, inplikatutako erakunde guztien lankidetza behar-beharrezkoa dela uste dute, denen artean herritarrari zerbitzurik onena emateko gai izan daitezen.

Guztia irakurri ¦ Komentatu

Valentziako irrati-telebista publikoan, langileen bi heren kalera

© cc-by-sa  Sustatu  ¦  2012-01-10 ¦ 15:59 ¦  telebista

Espainiako erkidego autonomoa zorpetuena Valentziakoa da, eta larri dabiltza zor hori kitatzeko. Bertako gobernuak mila miloi euroko aurrekontu murrizketa iragarri zuen duela egun batzuk, eta gaur jakin da parte bat nola moztuko duten: 1.800 langile dituen RTVV irrati-telebista publikoan enplegu erregulazio espedientea irekiko da eta, zurrumurruek diotenez, bi heren edo mila lagun inguru kaleratu ditzakete. Kaleratzeak antolatzeko, hain zuzen, lehiaketa publikoa irten da 190.000 euroan, esleipen baten ondoren enpresa batek kudea dezan hori.

Erref.: Valentziako irrati-telebista publikoan, langileen bi heren kalera (www.elpais.com)
# ¦ Komentatu

Programatzaile bat behar dugu CodeSyntax-en

© cc-by-sa  CodeSyntax  ¦  2012-01-10 ¦ 11:19 ¦  enpresa

Iaz 10 urte bete genituen CodeSyntax-en eta dagoeneko Interneteko eremuan gauza batzuk egin ditugu bai Euskal Herrian bai nazioartean. Etorkizunari begira gehiago egin nahi dugu, eta orain informatikari bat behar dugu horretarako. Web ingurunean, Python lengoaian lan egin beharko du nagusiki. Programazioan esperientzia edo zaletasuna izatea kontutan izango da. Eta euskara eta ingelesa ezinbestean. Lanpostua ordaindua da, noski (beste hau bezalakoak argitaratzen direnean, zehaztu beharra dagoela ematen du!).

Erref.: Programatzaile bat behar dugu CodeSyntax-en (www.codesyntax.com)
# ¦ Komentatu

"Euskaraz seguru" gidaliburua argitaratu du UPV/EHUk

© cc-by-sa  UPV/EHUko Euskara eta Eleaniztasuneko Errektoreordetza  ¦  2012-01-10 ¦ 08:45 ¦  hizkuntza

UPV/EHUko Euskara eta Eleaniztasuneko Errektoreordetzak Euskaraz Seguru gidaliburua argitaratu berri du. Liburua ezinbesteko lagungarria izango da idazkaritzetako, sailetako, dekanotzako eta bestelako bulegoetan lanean ari diren administrazio eta zerbitzuetako langileentzat. Haren helburu nagusia da euskaraz lan egiteko eta aritzeko autonomia ematea erabiltzaileei.


Argazkiak.org | E-posta mezua, oker © cc-by-sa: herri.admin

Guztia irakurri ¦ Komentatu

'Agur Esatea': crowdfunding-arekin huts egin arren aurrera goaz, zuen laguntzarekin ahal bada

© cc-by-sa  Matt Richards eta Izaskun Arandia  ¦  2012-01-09 ¦ 15:44 ¦  zinema

Ordu gutxi batzuk geratzen zaizkigu Agur Esatea edo To Say Goodbye filmaren aldeko gure Kickstarter kanpainaren epea bukatzeko. Gure kanpainaren jarraipena egin baduzu jakingo duzu ia ezinezkoa izango dela gure helburua lortzea. Hau etsigarria den arren, izugarrizko inspirazioa eta motibazioa jaso dugu zuk bezala proiektu honekiko eskuzabaltasun hunkigarria izan duen jendeagatik. Benetan harrituta geratu gara jaso dugun laguntza eta sostenguagatik eta ezin dizugu nahikoa eskertu.

Guztia irakurri ¦ Erantzun bat

Llanfairpwll herriko ikasleak Ken Zazpiren Ilargia kantatzen

© cc-by-sa  Sustatu  ¦  2012-01-09 ¦ 10:48 ¦  musika

Mentopoliris goitizena duen euskaldun batek (ez dakigu bere benetako izena) bi hilabete praktika batzuetan egin ditu Galesko Llanfairpwll herriko eskolan, eta nolabait, euskaraz kantu bat irakatsi behar ziela pentsatu zuen. Ken Zazpiren Ilargia aukeratu zuen, eta horra emaitza. Kantariak 9 eta 11 urte artekoak dira, pianoan irakasle bat dago, baterian 9 urteko haurra, eta gitarran Mentopoliris bera.

Erref.: Llanfairpwll herriko ikasleak Ken Zazpiren Ilargia kantatzen (www.youtube.com)
# ¦ 2 erantzun

Kazetaritza gaur definitzen duten zenbait esaldi

© cc-by  Iban Arantzabal  ¦  2012-01-09 ¦ 08:45 ¦  hedabideak

Katalunian egindako erreportaje hau ikusten egon naiz. Ordu erdi ingurukoa da, eta esaldi pila bat ditu zer pentsatua ematen dutenak. Ez nago denekin ados, baina askok jotzen dute bete-betean… pentsatu dut bideotik ateratzea. Klaro, nork esaten dituen-eta inportantea da eta horretarako egin klik Kataluniako Nahieran-en: TV3-ko alacarta-n:

Guztia irakurri ¦ Komentatu

Codeyear ekimenarekin, etxetik konektatuta programatzaile bihur zaitez aurten

© cc-by-sa  Sustatu  ¦  2012-01-07 ¦ 10:07 ¦  informatika

Codeacademy Kaliforniako ekimen berri bat da, sare bidezko programazio ikastaroak antolatzen hasi dena. Aurreko formakuntza informatikorik gabe, CodeYear ekimenaren bidez, programatzaile bihur omen gaitezke. Zenbait teknofilo euskaldunek erabaki dute jada, teknofilo izatetik tekniko izatera igarotzea, programatzen ikasiz.

Erref.: Codeyear ekimenarekin, etxetik konektatuta programatzaile bihur zaitez aurten (codeyear.com)
# ¦ Komentatu

Artikulu zaharragoak »»

Publizitatea

 Nabigatu euskaraz