Arnaldo Otegik jaso du II. Gaztezulo Saria

© cc-by-sa  GAZTEZULO  ¦  2012-02-05 ¦ 10:00 ¦  politika

Iragan irailaz geroztik abendu amaierara bitarte GAZTEZULO.COM webguneko Eztabaidagunean irakurleek proposatutako izen guztien artean, Elgoibarko politikariak jaso ditu boto gehien. GAZTEZULOko kideak bere herrira, bere etxera hurbildu gara Arnaldo Otegiren alderdi pribatua gehiago ezagutzera eta garaikurra senitartekoen eskuetan uztera. Logroñoko espetxetik, esker oneko hitzak igorri ditu berak. Bideo batean jaso dugu dena.

Guztia irakurri ¦ Komentatu

Publizitatea

Gizarte Ekonomia Euskadin Jardunaldia Kursaal-en

© cc-by-sa  forokoop  ¦  2012-02-05 ¦ 08:25 ¦  ekonomia

Gizarte Ekonomia Euskadin Jardunaldia ospatu da aste da onetan Kursaal Jauregian, Donostian, TESS Gizarte Ekonomia eta Ekonomia Solidarioaren mugaz gaindiko sarearen jardueren baitan. TESS sareko bazkide den KONFEKOOP – Euskadiko Kooperatiben Konfederazioak antolatu du topaketa hori, ANEL – Nafarroako Lan Enpresen elkartearekin eta CRESS Aquitaine – Akitaniako Gizarte Ekonomia eta Ekonomia Solidarioaren Eskualdeko Ganberarekin batera.

Guztia irakurri ¦ Komentatu

Aldahitz ikerketaren ondorioak

© cc-by-sa  Soziolinguistika Klusterra  ¦  2012-02-04 ¦ 09:22 ¦  hizkuntza

Soziolinguistika Klusterrak Aldahitz ikerketaren ondorioak kaleratu ditu. Ikerketa 2010 eta 2011. urteetan zehar garatu da, lan munduan, eta tipologia jakin bateko langileen kasuak izan ditu aztergai: heldu zirela euskara ikasi, eta lankideekin euskaraz egiterainoko ohitura finkatu duten langileak.

Guztia irakurri ¦ Erantzun bat

Martxan da Bardoak 2012, Nafarroako taldekako txapelketa

© cc-by-sa  Nafarroako Bertsozale Elkartea  ¦  2012-02-03 ¦ 12:45 ¦  bertsolaritza

Taldekako txapelketa berria abiatu da Nafarroan, Bardoak 2012. Apustua ez da nolanahikoa: 17 talde eta 99 parte-hartzaile, horietatik 51 bertsolari. Osotara, bi hilabete hauetan 24 saio eginen dira, Leitzan jokatuko den finala arte. Berez, otsailaren 3tik martxoaren 31ra luzatuko da Bardoak 2012, hala ere azken momentuan bertsolarien agenda arazoengatik lehen saioa urtarrilaren 27an egin zen, Etxarrin.

Guztia irakurri ¦ Komentatu

Jesus Egigurenek uste du EITBk gaztelaniazko kateak itxi beharko lituzkeela, euskaraz lan egiteko kalitatez

© cc-by-sa  Sustatu  ¦  2012-02-03 ¦ 10:20 ¦  telebista

Asteburu honetan emango duten Hitzetik Hortzera saioan Jesus Egiguren elkarrizketatu dute. Facebook-en aurrerapena atera dute programakoek, eta lotsagorritu barik hitz egiten du Egigurenek. Gomendioa ere luzatu omen dio EITBren zuzendaritzari: itxi gaztelaniazko kateak, euskarazko kalitatezkoa landu. Polemikarik eragingo ote, euskal konstituzioa eskatu izan duenean bezala? Ez dugu uste, euskaraz izan direnez... baina auskalo!

Erref.: Jesus Egigurenek uste du EITBk gaztelaniazko kateak itxi beharko lituzkeela, euskaraz lan egiteko kalitatez (www.facebook.com)
# ¦ 7 erantzun

Jaurlaritzak berak erabakitako hizkuntza-irizpideek bete gabe segitzen dute Irekia berrian

© cc-by-sa  Luistxo Fernandez  ¦  2012-02-03 ¦ 09:03 ¦  herri-administrazioak

Eusko Jaurlaritzaren parte-hartze eta informaziorako plataforma, Irekia, berrizten ari dira, eta Beta fase baterako eztabaida prozesu bat hasi dute. Beta horretarako sarbidea eman dit zerbitzuaren arduradunetako batek, Jorge Valiñok, eta han ikusitako gauza pare bat komentatuko dut.


Argazkiak.org | Irekia berria, portada © cc-by-sa: sustatu

Guztia irakurri ¦ Komentatu

Estrategia abertzalea hegoaldean. Zein?

© cc-by-sa  Bittor Hidalgo - Donostia  ¦  2012-02-03 ¦ 08:19 ¦  politika

Ondoko dokumentuak ekarri bat gehiago izan gura luke abertzaleon arteko eztabaidari ETAren azken erabakien ondoren irekitako garai berrian. Dokumentuak, bere luzean, pozik jasoko lituzke erantzunak, eztabaidak, ekarpenak, eta iruditzen bazaizu, bazter berrietara zabaltzea ere.

Guztia irakurri ¦ 3 erantzun

Eta zuk, nola egiten duzu?

© cc-by-sa  Cristina Enea Fundazioa  ¦  2012-02-02 ¦ 13:52 ¦  ingurumena

Cristina Enea Fundazioak atal berria jarri du abian bere webgunean, Eta zuk, nola egiten duzu? deiturikoa. Bere helburua da ingurumenarekiko eta iraunkortasunarekiko errespetua sustatuko duten jarrera-ohiturak eta trikimailuak biltzea, baina bitxikeria batekin: ekarpen guztiak herritarrek egingo dituzte.

Guztia irakurri ¦ Erantzun bat

Mikroipuin erotikoen masterra Lemoako gaztetxeko blogean

© cc-by-sa  Lemoako gaztetxea, Harriketarrak gazte asanblada  ¦  2012-02-02 ¦ 10:34 ¦  sexua

Proposamen berritzaile eta lizun batekin gatoz harriketarrok oraingoan. Adi lagunok! Neska, mutil, txakur zein katu (ez diogu zoofiliari muzinik egiten)! Idatzi zuen mikroipuin edo mezu erotikoak gure blogeko erantzunetan bertan. Luzeerak garrantzia du (txikitasunak egiten gaitu handi, beraz hamar lerrotik beherako testuak izan beharko dira).

Guztia irakurri ¦ Komentatu

Iruñetik Europa iparraldera arrakastaren bila

© cc-by-sa  Gorka Etxabe, Arteman Komunikazioa  ¦  2012-02-02 ¦ 08:51 ¦  musika

Iruñeko Diabulus in Musica taldeak otsailean aurkeztuko du "The Whanderer" lana. Symphonic Metal musika mota egiten dute eta Eskandinaviako taldeen eragin handia dute. Diabulus in Musica taldeko Gorka, Zuberoa, Adrian, Alex eta Xabik otsailean aurkeztuko dute disko berria Alemanian. Momentuz, "Scenaries of hope" abestiaren bideokliparekin gozatu dezakegu.

Diabulus in Musica "Sceneries of hope" Official Video from Arteman Komunikazioa.

Guztia irakurri ¦ Komentatu

Marmotaren Eguna da gaur... edo Hartzaren Eguna!

© cc-by-sa  Sustatu  ¦  2012-02-02 ¦ 07:37 ¦  etnografia

Gaur, otsailak 2, da Marmotaren Eguna. Punxsutawney-n, Pensilvanian, jakina. Zinetik ezagutzen dugu askok ohitura hau, eta asmakizun amerikar moderno bat dela pentsatuko duzue askok. Baina, adi, Halloween jaiaren kasuan bezala, Euskal Herrian ere baditu aurrekari edo paraleloak kontu honek. Kandelaria eguneko kontuak...

Guztia irakurri ¦ 5 erantzun

Gaur irtengo da Facebook burtsara

© cc-by-sa  Sustatu  ¦  2012-02-01 ¦ 11:21 ¦  internet

Gaur New York-eko burtsan kotizatzen hasiko da Facebook, sare sozialetan enpresa erraldoiak. 10 mila milioi dolarreko diru-bilketa egitea espero dute akzio salmentarekin (Googlek 1,67 mila milioi lortu zituen 2004an). Eguna amaitzerako, Disney enpresaren balioa baino handiagoa izan liteke Facebook-ena. Hala ere, denek ez dute uste Googlek bezainbesteko negozioa ona duenik, bisitak izan arren, publizitateari paso egitea askoz errazagoa delako Facebook-en.

Guztia irakurri ¦ Komentatu

Nolaaaa? Ezagutzen al duzue besterik?

© cc-by-sa  Mikel Alvarez, The Indezents  ¦  2012-02-01 ¦ 09:36 ¦  musika

Ez dut gustoko Pablo Motos. Hori baino gehiago esango nuke, nire lista beltzean dago (hitz egingo dut beste egun batean horretaz…). Hala ere, El Hormiguero ikusten nuen garaian bazen ikaragarri gustatzen zitzaidan tarte bat. “Tenientes” zuen izena eta bertan, erderaz zerbait esaten zuela zirudien ingelesezko kantuak zituzten hizpide. Hots, Mark Knopflerrek “Queso roñoso” dioela dirudien hau, Bonok “te traigo pasta” iragartzen zuen hura edo Christopher Crossen “Pingüino Rodriguez” mitikoa. (Jatorrizkoa The Indezents blogean).

Guztia irakurri ¦ 4 erantzun

Leizaola Fundazioak zabaldutako bideoaren inguruan

© cc-by-sa  HPS Munduoro  ¦  2012-02-01 ¦ 08:49 ¦  herri-administrazioak

Lurdes Auzmendi, Eusko Jaurlaritzako Hizkuntza Politikarako sailburuordea: Ustez euskara teknologia berrietan sustatzeko Leizaola Fundazioak zabaldu duen bideoa akats larri bat da. Erotismoa eta umorea gauza bat dira. Oso ondo iruditzen zait publizitatean erabiltzea. Sexismoa eta emakumearekiko mespretxua beste gauza bat dira.

Guztia irakurri ¦ 3 erantzun

Paulo Coelho idazlea "pirateriaren" alde

© cc-by-sa  Sustatu  ¦  2012-01-31 ¦ 12:31 ¦  internet

Paulo Coelho idazlea sareko deskargen alde azaldu da, eta industria handien jarreraren aurka. Bere blogean berriki idatzitako postean azaltzen duenez bere lanak The Pirate Bay webgunean jarriko ditu, jendeak bertatik jaitsi ditzan. Horrek kalteak baino onurak ekarriko dizkiola garbi dauka idazle brasildarrak.

As soon as I learned about it, I decided to participate. Several of my books are there, and as I said in a previous post, My thoughts on SOPA, the physical sales of my books are growing since my readers post them in P2P sites. Welcome to download my books for free and, if you enjoy them, buy a hard copy – the way we have to tell to the industry that greed leads to nowhere.
Love
The Pirate Coelho

Itzulpen libre eta azkar batean: "Nire hainbat liburu bertan daude, eta SOPA legeaz idaztean esan nuen bezala, nire liburuak P2P sareetan daudenetik, liburu gehiago saltzen dut. Jaitsi ezazu saretik, eta gustatzen bazaizu, erosi kopia bat. Horixe da modurik onena industriari erakusteko diru-goseak ez gaituela inora eramango. Maitasunez, Coelho Piratak".

Guztia irakurri ¦ 6 erantzun

Iraultza liburugintzan, afari eta tertulia Donostian

© cc-by-sa  Sustatu  ¦  2012-01-31 ¦ 10:21 ¦  liburuak

Donostiako hurrengo Pintxos & Blogs topaketa ostiral honetan izango da, otsailak 3, euskaraz, Iraultza liburugintzan goiburuarekin. Krisian murgilduta, eta teknologiaren erronka; ea nola moldatzen den liburugintza gurutzebide horretan. Zita Ni Neu jatetxean da, aldez aurretik erosi behar da txartela Interneten. Hizlariak:

Erref.: Iraultza liburugintzan, afari eta tertulia Donostian (www.pintxosandblogs.com)
# ¦ Komentatu

"Dekretuz euskalduntzea" ez da euskalduntzea

© cc-by-sa  Udalerri Euskaldunen Mankomunitatea  ¦  2012-01-31 ¦ 08:25 ¦  hizkuntza-eskubideak

Eusko Jaurlaritzak iragarri zigun 2011. urtearen bukaera aldera dekretu bat aterako zuela, herritar batzuei euskara ziurtagiriak emateko: unibertsitateko ikasketak euskaraz egin dituztenei EGAren pareko maila aitortuko die, DBHren erdia euskaraz ikasi dutenei B1 maila, Batxilergoaren erdia euskaraz egin dutenei 2. hizkuntz eskakizuna... Siglen saltsa horren erdian arriskua dugu arazoaren muina zein den ez konturatzeko. Eta arazoaren muina hau da: Jaurlaritzak euskara maila bat aitortuko dio euskara mailarik ez duen jende multzo bati.

Guztia irakurri ¦ Komentatu

Aupa Pipol, Internet/TB/transmedia lana, mikro-saio sorta baten piloto bat

© cc-by-sa  Joseba Erremundeguy  ¦  2012-01-30 ¦ 13:11 ¦  telebista

Aupa Pipol, EITB Multimedia Komunikazio masterreko hiru ikasle gara! Post honetan aurkeztu nahi dizuegu egin dugun bideo txiki bat. Mikro-saio sorta baterako proposamena da: Pertsonaia gazte bat, 20 eta 35 urte-tartekoa, bere eguneroko berri ematen duena bizpahiru minutuko saioetan. Plano erritmotsuak, musika indartsu bat eta aurrera. Interneteko oso egokiak dira formatu hauek eta ekoizten aski merkeak. Zuen iritzien zain gaude! Joseba, Cris eta Aketz.

Guztia irakurri ¦ Komentatu

Hiriko ez da soilik auto bat

© cc-by-sa  Rober Gutiérrez, Bai Euskarari Ziurtagiriaren zuzendaria  ¦  2012-01-30 ¦ 10:16 ¦  hizkuntza

Hiriko ez da kotxe bat. Hiriko hiri barneko mugikortasunerako irtenbidea da. A new solution for the new urban mobility, Jesús Echavek, Hirikoren presidenteak adierazi duen bezala, jasangarriak izan eta pertsonengan oinarritu nahi diren hirietako mugikortasunari ekarpen berritzailea izateko helburuarekin jaio den proiektua da, Green Capital 2012 den Vitoria-Gasteizko izena munduan zehar zabaltzen ari dena.

Guztia irakurri ¦ Komentatu

Txillardegi jator jatorriarekin

© cc-by-sa  Arabako Iruña Argitzeko Batzordea  ¦  2012-01-29 ¦ 09:55 ¦  hizkuntza

Euskalari, euskaltzale, euskaldun bihotzeko, eta, garrantzitsuena, pertsona aske bat joan zaigu. Txillardegi, herri batek horrelako bat sortzeko hamarkada asko behar duen horietako pertsona berezi eta ezinbestekoa izan da Euskal Herrian. Ingeniaritzaren ezagutzatik euskararen normalizazioari izugarrizko laguntza eman zion, euskara batuaren aitetako bat bihurtuz. Baina, horrez gain, euskal soziolinguistikaren aitzindari nagusia ere izan zen, ikerketa mailan (gaur egun gainditu gabe dauden azterketa garrantzitsuak utziz) zein gizartearen sentsibilizazio mailan (EHEren sortzen lagunduz).

Guztia irakurri ¦ Komentatu

Artikulu zaharragoak »»

Publizitatea

 Nabigatu euskaraz