Global Wave Conference,Olatuen Babesari buruzko nazioarteko biltzarra, Miarritzen (Bellevue aretoan) eta Donostian (Kursaal jauregian) egingo da datorren gaur eta bihar (hilak 24 eta 25), Surfrider Fundazioak eta Donostia 2016 Hiriburu Kulturalaren antolakuntzaren eskutik. Bi egunetan 9.00etatik hasita, ekitaldi irekiak dira.
Trasistoria ekoiztetxean grabaketa ekipo berria dugu eta frogak egiten hasi gara. Donostiako estudiotik gertu badugu parke zoragarri bat, Cristina Enea du izena eta geure kamerak probatzeko eremu bikaina izan da beti. Lehenengo emaitza duzue ondokoa: Cristina Enea, parke sorgindua.
Leherketa gertatu da Frantziako instalazio nuklear batean, Gard departamentuko Marcoule herrian. Pertsona bat hil da eta segurtasun perimetroa ezarri da, ihes erradaktiboaren arriskua egon baitaiteke. EDF enpresaren filial batean (Socodei) gertatu da istripua, zehazki material erradiaktibo erabilia tratatzeko Centraco izeneko instalazioan.
Centraco instalazioaren irudia, Socodei enpresako webguneak erakusten duena.
Oraindik ez ditugu asko ezagutzen saguzarrak, eta hori arazo bat izan daiteke kontserbazioaren ikuspuntutik. Hain zuzen ere, 2011-2012 Saguzarren Nazioarteko Urtea izatearen helburuetako bat da animalia horiek ezagutzera ematea.
Sei metro pasatxo (6,4 m) eta tona bateko pisua daukan krokodiloa harrapatu dute asteburuan Filipinetan. Sekula bizirik harrapatu den krokodilorik handienetakoa, handiena ez bada. Atera metroa eta kalkulatu noraino iristen diren 6 metro horiek...
Iazko irailean izandako itsasaldi biziekin, egun bereko itsasgora eta itsasbeheran argazkiak aterata bideo polita egin zuten. Itsasbehera ikusgarria izan zen egun hartan goizean, eta arratsaldean ohi baino gorago izan zen uraren muga Errio bazterretan.
Albistea ez da berria, ekainekoa da, baina duela 800.000 urte desagertutako landarea agertu dela esateko, bi hilabetek ez dute albistea larregi zahartzen. Atlantikoan agertu da Neodenticula seminae landarea: Artikoaren desizoztea dela eta sortutako bide berri baten bitartez iritsi da Pazifikotik, uztez.
Naturak sentiarazten digun ongizatea ulertzeko, ezagutzeko, sentiarazteko eta areagotzeko tailerrak antolatu ditu Kutxaren Jasangarritasun Sailak PRH Personalidad y Relaciones Humanas eskolako adituekin batera. Egitasmoaren helburua naturaren bitartez norberaren nortasuna haztea da.
Pasaiako kanpoko portua babes ekologikoaren aldetik ezin egiteko modukoa dela Espainiako Ingurune ministerioaren txosten batek. Are gehiago, ekonomikoki ere ez dio bideragarritasunik ikusten, eta proposatu diren gaurko barneko Pasaiako kai instalazioetan beste garapen urbanistiko batzuk ere zalantzan jartzen ditu.
Jaizkibelgo maldetan Gipuzkoako Foru Aldundiak eta beste erakunde batzuek egin nahi dutena, Ecoport delakoa, traba serio baten aurrean egon liteke beraz.
Greenpeacek gaur publiko egin duen ikerketa baten arabera, Garoñako zentraletik Ebro ibaira isurtzen duten ura behar baino 10 edo 15 gradu beroagoa da. Arauak 3 graduko tenperatura beroagoa isurtzea baimentzen diote Nuclenor kudeatzaileari, baina hortik gora, askoz beroagoa isurtzen dute, eta Ebro ibaiko zenbait puntutan neurtu dute hori. Datuak otsailaren 9an hartu zituzten, Fukushimako krisia hasi baino hilabete lehenago, baina gaur egin dituzte publiko.
Tsunamiaren lehen irudiak telebista kateek emanak izan ziren, puntu finko batetik edo airetik. Orain, bideo amateurrak ari dira agertzen. Hau Rikuzentakata herriko suhiltzaileek egina da. Ez da irudi garbienak dituena, baina izu eta ihesaren ideia bat ematen du, hasiera lasai baten ondoren, terrorea:
Beldurgarria da. Tsunamiaren aurreko eta ondorengo aire-irudiak konparatzeko tresna sortu dute Australiako ABC telebistakoek, Googleren irudiak erabiliz. Igaro saguarekin gainetik, eta aurretik/ondoren konparaketa egingo duzue.
Animaliekiko egindako basakerien bideo ugari dago sarean; horietako batzuk, animalien hilketak, baimenduta ez dauden moduetan egindakoak. Musulmanen "halal"
haragia egiteko, ustezko errito erlijioso bat errespetatuz, bai; baina bestela ez dago baimendua ganadua horrela hiltzea...
Eguzki eklipse partziala (ilargiak eguzkiaren zati bat bakarrik estaliko du) ikusi ahal izango da gaur Europatik, Afrika iparraldetik eta Asia erdialdetik. Eklipsea 07:49an hasiko da, eta Euskal Herrian eguzkia 08:40an aterako denez, ateratzen denean zati bat estalita izango du. 08:57an joko du goia eklipseak.
Deba, Mutriku eta Zumaiako udalek aurkeztutako hautagaitzak UNESCOren eta Geoparkeen Europar Sareko Koordinazio Batzordearen onespena jaso du. Erabakia duela aste batzuk eman zen ofizialki jakitera Greziako Lesbos irlan egin zen Europar Geoparkeen 9. Biltzarrean.