Itzuli orri nagusira Bidali hau Tweet EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzak© cc-by-sa Luistxo Fernandez, CodeSyntax ¦ 2012-02-10 ¦ 10:50 ¦ hizkuntza-eskubideakLankide bati gertaturikoak aspaldiko kontu bat piztu zuen sarean, eta horren harira galdera iritsi da gaur Eusko Legebiltzarrera. Aralarreko Mikel Basabek egin dio Blanca Urgell Kultura sailburuari: ea ETBko kazetarien ohitura hori, euskaldunei esanak erdaraz errepikatzeko eskatzekoa, ezabatu daitekeen, eta euskara agerikoagoa izan daitekeen horrela ETB2n. Urgellek erantzun dio ados dagoela euskararen bisibilitatearen kontuarekin, zentzuzkoa dela euskaldunen hitzak behin esan eta bi kateetan agertzea, baina gehitu du gauzak horrela egitea, "normaltasunaren" seinale diela, eta gainera hala omen dago adostua eta arautua: elebidunei bi aldiz eskatzea gauza. Blanca Urgellek gehitu du adierazpenak bi hizkuntzatan eskatzea ETBko "estilo liburuan jasota" dagoela, eta lantalde batek egindako gomendioei 2005eko ekainean EITBko Administrazio Kontseiluak ontzat emana dela ohitura. Hau da, euskaldunoi erdaraz egiteko eskatzen segituko dutela ematen du. Kazetariek duten lan eta ordutegiak diren bezalakoak direla ere esan du Urgellek, eta mesede egiten diegula euskaraz eta erdaraz gauzak errepikatuta. Basabe eta Urgellen arteko elkarrizketa Legebiltzarraren streaming sistematik jarraitu dut duela minutu batzuk. Agian kontu hau iritsi da gaur Legebiltzarrera Garikoitz Araolaza neure lankideari gertatu zitzaioanagatik. Duela egun gutxi izan zen: Megaupload eta kontuak komentatu behar zituen, aditu gisa, eta etorri ziren kamerak eta kazetaria. Azaldu zituen bereak euskaraz, eta orduan kazetariak erdaraz errepikatuko ote zituen. ETB2n ere euskaraz agertu nahi zuela-eta, azpidatziak jartzeko eskatu zuen. Kontua da, azkenean, teknologia aditu hau euskaraz agertu zela (29m13s) ETB1eko albistegian, eta ETB2koan (33m25s) azaldu ere ez. Gaztelaniaz idatzi zuen kontua, bera iritsi ez zen publiko hark entzun zezan askotan sentitu izan dugun nahigabe hori. Baina ondoren, ikusi zuen erdaldunen artean ere ez zuela kontu horrek oihartzunik izan, eta jarraipeneko beste post bat idatzi zuen, atsekabetuta, euskaraz. Tartean, gainera, beste adibide triste bat ere ikusi genuen joan den astean ETB2n: Abadiñoko San Blas ferian baserritarrak erdaraz hau eta bestea komentatzen. Ba horixe da duguna, eta horrexekin jarraituko dugula ematen du. Erantzunak#1. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakBESTELA ¦ 2012-02-10 ¦ 11:14Iazko ekainean EUSKALDUNAK EUSKARAZ ETBn sinadura bilketaren harira,Arralarreko Jose Inazio Basterretxeak EITBko zuzendari Alberto Suriori galdera bera egin zion Administrazio Kontseiluko bileran, Bertako aktetan jasota ageri denez, erantzuna izan zen ez zegoela inondik inora horrelako gomendiorik. Berjondaiola! #2. Re: EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzakleire narbaiza ¦ 2012-02-10 ¦ 11:15Normaltasuna ei da euskaldunok elebiz egitea. Euskaraz bizitzeko eskubiderik ez dugu, antza denez. Atzo, hain zuzen, legebiltzarrak kendu zuen zerbitzua euskaraz ez emateagatik martxan jarri behar zuten araudia. Hori da normala, euskaldunok gure etxean erdaraz jardun behar izatea. Hori bai, zabal dezagun euskara Londresen, Berlinen eta New Yorken! Euskal Herrian ezkuta eta bazter dezagun! Diskriminazioa, auto-gorrotoa! Beste hitzik ezin esan. #3. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakEdorta Agirre ¦ 2012-02-10 ¦ 11:34Argi dago botepronton edonori bururatzen zaiona: batetik, euskal telebistaren (eta euskal hedabide ia guztien) erdalzaletasuna ez dela gaur goizekoa. Ibarretxek euskaraz ikasi zuen baina, haren ingurukoekin, jai. #4. Mikel Basabe, ez "Andoni"Edu Lartzanguren ¦ 2012-02-10 ¦ 12:21Galdera egin duena Mikel Basabe da, ez "Andoni". #5. Re: zuzenketaLuistxo ¦ 2012-02-10 ¦ 12:44Eskerrik asko, Edu, Sustatuko zuzentzaile ofizial! zuzenduta! #6. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakMartin ¦ 2012-02-10 ¦ 12:48Mingarriena, Abadiñoko feriakoa bezalako irudiak. Eta ez dira gutxi. #7. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakBertoko ¦ 2012-02-10 ¦ 12:56Nik aukera izan dot joan dan martitzenean Athletic dala-eta ETB-2ko saio berezi baterako parte hartzeko, Txinbiton zehar, erantzuna emoteko, baina jakinda ez dala egon modurik euskeraz erantzuteko, ba ez dot parterik hartu. #8. Re: EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzakasarasua ¦ 2012-02-10 ¦ 13:35Bai, bai, jakina. EITB oso gaiztoa da. Baina zerk eragozten die euskal alderdi, sindikatu, elkarte eta abarrei euskara hutsean hitz egitera? "Euskaldunak euskaraz EITBn". Ados, erabat. Baina zergatik ez dugu guk ere zeozer egiten? Bildu, Aralar, EA, Amaiur,... egin itzazue zuen adierazpenak euskaraz eta ziur euskaraz agertzen zaretela EITBn. Zeren zain zaudete? #9. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakMikel Basabe ¦ 2012-02-10 ¦ 13:40Gaurko erantzuna entzunda, argi dago EiTBren hurrengo administrazio-kontseilura eroango dugula, Josi Basterretxearen bitartez, estilo-liburua aldatzeko eskaria. Baina elebidunari kortea gaztelaniaz eskatzea estilo-liburu horretan jasorik ez balego, EiTBko zuzendari nagusiari eskatuko diogu kazetarien jardun horrekin amaitzen hasteko. Ikusi beharko, zer gertatzen den. #10. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakJakes Goikoetxea ¦ 2012-02-10 ¦ 16:51'asarasua'-ren testuaren harira, Txillardegi hil zenean berak zerrendatutako alderdi abertzale, euskaltzale eta ezkertiar horietako batek gaztelania hutsean bidali zuen prentsa oharra. #11. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakMiikel ¦ 2012-02-10 ¦ 19:24Azken egunotan albistegietako eguraldi tarte oparoak zirela medio gure herri txikia majinatxotan agertu da telebistan, eta kazetariak ere bueltaka herritik ibili dira mikroa eskuan. Beste askok gisan hemen ere gure egunerokoa euskara hutsean egiten dugu eta kazetariek bi hizkuntzetan erantzuteko eskatzen zuten. Lagun batek erantzun zuen, eta guztiz arrotz senti arazi zuten gazteleraz erantzutera ¨behartzean¨. #12. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakBlanca Urgell ¦ 2012-02-10 ¦ 23:21Hauxe da Legebiltzarrean egin dudan lehen hizketaldia: #13. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakBESTELA ¦ 2012-02-11 ¦ 14:59Dena den nik uste bi plano bereizi behar ditugula. Bata aukeren planoa da: Kazetariak aukera dezake zein hizkuntzatan galdetu eta jendeak aukera dezake zein hizkuntzatan erantzun. Horraino aukerez eta euskaltzaltasunaz ari gara. Euskaldunek euskaltzaleago joka dezaten lortzeko egin behar dugu lan. Baina hau esanda, beste planoa ere badago: Diskriminazioarena. Herritarrak euskaraz baino ez egiteko bere aukera egin duenean, aukera horren ondorioz ETB2n agertzen ez bada, hori diskriminazioa da eta beraz seguru asko ilegala gainera. Ondo baino hobeto dago Urgell anderea euskaltzaletasuna emendatzeaz arduratzea; baina agintari gisa diskriminazioa borrokatzea izan beharko litzateke bere lehen ardura,nabarmenago oraindik lege haustea ere egon baliteke. Eta nire asmoei buruz zalantzarik gera ez dadin, esango dut oso garbi daukatela aje hauek ez direla oraingoak, aspaldikoak baizik. Eta honekin batera esango dut baita ere eskabideak agintean daudenei egin ohi zaizkiela.Euskaltzaleak diskriminatzeari uzteko premiazko ekimen bat ikusi nahi nuke datozen asteetan tramite guztiak gaindituta, burututa eta ETBn bere eragina erakusten. Egiten duen hotzarekin gainera eskuak txalo zartaz berotzeko desiatzen nago. #14. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakAmonamantangorri ¦ 2012-02-11 ¦ 17:31"Gaztelaniaz egiten dutenei ere gauza bera eskatzen zaie, euskaldunak direla jakina denean. Nik neuk ere behin baino gehiagotan horrela egin izan dut, hizkuntza batera zein bestera, hala eskatu didatenean". #15. Euskarak dena du kontraH. Etxeberria ¦ 2012-02-11 ¦ 19:04
#16. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakAmonamantangorri ¦ 2012-02-11 ¦ 22:02Eskerrik asko, Hasier, auzi hau EITBko langileen ikuspegitik agertzeagatik. #17. Re: EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzakbeste bat ¦ 2012-02-12 ¦ 00:15Gaur egun euskal hiztunok bigarren mailako hiritarrak gara. Hemen alfer-alferrik ari gara irribarre egin, ulerberak izan eta jator jokatuz. Esan ditzagun gauzak diren bezala, behingoz: benetan euskararen alde orain baino zerbait gehiago egiten hasten ez bagara, euskararenak egin du. #18. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakBESTELA ¦ 2012-02-12 ¦ 15:43Ondo zagok EITBko langileen ikuspuntua agertzea, baina ez duk hori gai honen inguruan erabakiak hartzeko garaian nagusitu behar den irizpidea. Lehentasunak zein izan behar diren garbi egon behar duk. ETB euskararen sustapenerako tresna modura jaio zuan oso oker ez banago eta helburu fundazional horren arabera hartu behar dituk erabakiak. Eta erabakiok sorraraz ditzaketeen ondorioak (langileen jardunean gertatzen diren gorabeherak tarte) nolabait konpondu beharko dituk. Baina ez diat inoiz entzun enpresa bat edo zerbitzu publiko bat langileen erosotasunaren arabera antolatzen denik, helburu fundazionalaren kaltetan. #19. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakAsier Azpilikueta ¦ 2012-02-12 ¦ 19:07Hasier Etxeberria ha tratado el tema desde el punto de vista de la sobrecarga de trabajo de los trabajadores de EITB. No sé, tengo dudas. Quizá sea un argumento peligroso para los propios trabajadores, ya que puede haber gente que piense que doblar o subtitular cortes de 20-30 segundos no supone tanto esfuerzo y que lo que pasa es que les resulta más fácil recurrir a la frase "¿me lo haces ahora en castellano?". Pero, ¿realmente es éste el quid de la cuestion? #20. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakNeutrex ¦ 2012-02-13 ¦ 09:29Inportantea da kazetarien lan egiteko moldearen eta haien eragozpenen berri ematea. Baina nik beste zerbaiten falta nabaritzen dut, agintarien aldetik batik bat: horren neutroak izan behar al dugu?, aukera-berdintasunaren bermatzaile hutsak? Orduan, zertarako dira oraingo “Munduoro euskaraz”, lehengo “anima zaitez laguntxo, pixka bat es mucho” eta enparauak? Zergatik ez dugu jendea animatzen ETB2n euskaraz egitera? Zergatik ez dugu horren eredua guk geuk ematen edo gutxienez bultzatzen? #21. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakH. Etxeberria ¦ 2012-02-13 ¦ 10:14Nire asmoa ez da izan gaiari beste ikuspegi bat ematea baino. Inon ez dut esan horren arabera konpondu behar denik kontua. Hain zuzen ere, bere konplexatasuna erakusteko baizik ez dut idatzi. Ustez. #22. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakLuke Uribe-Etxebarria ¦ 2012-02-13 ¦ 12:44Mesedegarria bazaizue, hona hemen gai honi buruz gure taldeak Surio jaunari joan den urteko azaroaren 23an zuzendu genion galdera (bigarren galdera da, Iparraldekoari buruz egindakoaren ostean). Mila esker. http://www.parlamento.euskadi.net/pdfdocs/publi/3/09/09/20111123.pdf#3 #23. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakAmonamantangorri ¦ 2012-02-13 ¦ 14:02Hau gaia erabat aldatzea litzateke: Gaitzizenak eta euskararen tratamenduak interneten. Sakontzeko, ikus. Xabier Alberdiren lanak (euskararen tratamenduen gainean diot; beste gaiaz, ez dakit literatura zientifiko askorik dagoenik). #24. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakKarlott & Katherino ¦ 2012-02-13 ¦ 16:481. Badirudi "gaztelania" idatzi denetan "espainola" irakurri beharko litzakeela, zintzotasunaren izenean, talka ez baita Euskal Herria eta Gaztelaren artekoa. (Eufemismoen garaiotan badirudi Ertzain etxean Polizia Autonomikoaren koarteletan baino gutxiago torturatuko dela, ezta?) #25. Re: EITBko kazetariek euskaldunei esanak erdaraz errepikatzeko eskatzea normaltzat jo du JaurlaritzakA. Nobel ¦ 2012-02-15 ¦ 10:12Bart arratsean Komitean idaroki dute 19. testua bereziki izendatu eta hautatzea, sariren bat edo, emateko. #26. Euskaldunak euskaraz egin, eta agertu ez ETB2nSustatu ¦ 2012-02-17 ¦ 15:30Kontuaren errepaso sakon bat egin du Idoia Gatonek bere blogean. Erantzun (klik zabaltzeko)Itxi |
Hizkuntza eskubideakEuskaldun gisa zure hizkuntza eskubideak urratuta ikusi badituzu, honako zerbitzu hauetara jo dezakezu:
Albiste gehiagohizkuntza-eskubideak gaia duten albiste gehiago
Portadan orain
Pil-pilean!Erantzun gehien izan dituzten albisteak
|