Koldo Mitxelena Katedraren III. Biltzarra (2012ko urriaren 8-11)

© cc-by-sa  Ricardo G√≥mez  ¦  2012-05-11 ¦ 12:14 ¦  hezkuntza

Aurtengo urriaren 11n Koldo Mitxelenaren heriotzaren 25. urteurrena betetzen da. Data garrantzitsu hori gogoratzeko Koldo Mitxelena Katedrak bere III. Biltzarra antolatu du. Komunikazioak aurkezteko epea ekainaren 15ean bukatuko da.

Guztia irakurri ¦ Komentatu

Publizitatea

Gaur irekiko dute "Kabia" espazio kreaktiboa Errenterian

© cc-by-sa  Sustatu  ¦  2012-05-11 ¦ 10:02 ¦  artea

Errenteriako Kabia Espazio Kreaktiboaren ibilbide sortzaile eta parte hartzailea gaur hasiko da, Barandiaran Plazan (Pontikako auzoan) burutuko den irekiera ekitaldiarekin. Hitzordua arratsaldeko 7etan da, Kabiaren aurkezpen ofizialarekin eta ondorengo festarekin.

Guztia irakurri ¦ Komentatu

"Antxoa egune" Ondarroan

© cc-by-sa  Sustatu  ¦  2012-05-11 ¦ 08:46 ¦  jaiak

Bihar, maiatzak 12, Antxoa Egune ospatuko da Ondarroan, urtero-urtero Kantauriko antxoa bultzatzeko asmoarekin ospatzen den jaia. Eguerdian hasi eta egun guztian zehar, jai giroa nagusituko da kostaldeko herrian, betiere antxoaren inguruan antolatutako jaialdiarekin.

Guztia irakurri ¦ Komentatu

Herri Urrats 2012, igandean Senperen

© cc-by-sa  Sustatu  ¦  2012-05-10 ¦ 17:37 ¦  jaiak

Igande honetan, maiatzak 13, ospatuko da Herri Urrats jaia Senperen. Iparraldeko Ikastolen aldeko festaren leloa Elkartuz zabaldu izango da aurtengoan. 1984an sortutako jaialdiak 29. edizioa beteko du 2012. urte honetan. Ateak 10.00etan irekiko dituzte eta bisitariek ipar Euskal Herriko ikastolak diruz laguntzeko aukera izanen dute, Senpereko lakuaren inguruan antolatu ekitaldietan parte hartuz.

Guztia irakurri ¦ Komentatu

Hizkuntzalaritza eta Euskal Filologia Ikerketa Masterra abian da 2012-13 ikasturterako

© cc-by-sa  Xabier Artiagoitia, EHUko irakaslea  ¦  2012-05-10 ¦ 15:31 ¦  hezkuntza

Gasteizko EHUko Letren Fakultatean Hizkuntzalaritza eta Euskal Filologia ikerketa-master ofiziala antolatu dute 2012-13 ikasturterako. Master horrek euskalaritzaren alorreko ikertzaile profesionalak trebatzea eta ikaslearen prestakuntza zientifiko eta teknikoan sakontzea ditu helburu eta, behin osatuta, doktoregoa egiteko aukera ematen du. Hona hemen informazio osoa.

Guztia irakurri ¦ Komentatu

"Arabako ideia laborategia", maiatzaren 26an Espejon

© cc-by-sa  Manex Agirre (Arabako Kuadrilletako euskara zerbitzuak)  ¦  2012-05-10 ¦ 11:24 ¦  hizkuntza

Arabako ideia laborategia antolatu dute Arabako Kuadrilletako euskara zerbitzuek, Arabako Foru Aldundiarekin elkarlanean. Laborategia maiatzaren 26an izango da, Espejon, eta egun osoko egitaraua izango du. Helburua Araban euskalgintzan lanean ari direnen praktika onak bildu, eta ezagutaraztea da.


Argazkiak.org | Arabako ideia laborategia © cc-by-sa: Euskara Zuia

Guztia irakurri ¦ 2 erantzun

Euskaraz Osasuntsuago!

© cc-by-sa  BAGERA eta OEE  ¦  2012-05-10 ¦ 08:23 ¦  aldarrikapenak

Bagera Donostiako Euskaltzaleen Elkartea eta Osasungoa Euskalduntzeko Erakundea aspalditik ari gara euskaraz bizitzeko aukerak sortzeko lanean. Oraingoan osasun-arloko egoera eta garrantzia ikusirik, familia-mediku eta pediatra euskaldunak eskatzeko kanpaina antolatu dugu. Osakidetzan sendagile eta langile euskaldun asko daude, baina ez dago euskaldunen osasun- eta hizkuntza-eskubideak errespetatzeko plangintza egokirik. Zerbitzuak planifikatzeko garaian ez dute kontuan hartzen hizkuntzaren aldagaia. Horrez gain, hurrengo lan-eskaintza publikoan euskara gutxiago baloratzeko asmoa dute. Bada garaia, kexuetatik haratago, euskaldunok eskubidez dagokigun osasun-zerbitzu euskalduna exijitu dezagun. Horregatik, hasteko, euskaraz artatuko gaituzten familia-mediku eta pediatrak asignatzeko eskabideak egitea bultzatzera gatoz.

Guztia irakurri ¦ Komentatu

Auzotarren babes zabala jaso du Sainzigarrenea baserriak

© cc-by-sa  Baserriak Bai! Hondarribia  ¦  2012-05-09 ¦ 16:08 ¦  hirigintza

Hondarribiko Arkolla auzoko bizilagunen babes zabala jaso du Sainzigarrenea baserrian hiru belaunaldiz bizi izan den familiak. Jabeek etxetik bota nahi dituzte. Udalak konponbide adostua eskatu du eta auzotarrek euren babesa eman diete Sainzigarreneako kideei.

Guztia irakurri ¦ Erantzun bat

Urgarden: gure ibaiak garbitzeko irteera gehiago!

© cc-by-sa  Urgarden  ¦  2012-05-09 ¦ 14:38 ¦  ingurumena

Urgarden Martutenera itzuliko da berriz Gipuzkoako ibaien garbiketa proiektuarekin jarraitzeko. Datorren maiatzaren 13ko Olatu Talka festaren parte izango da Urgarden, eta goizeko 10etan Martutene erdialdean elkartzeko deialdia zabaldu du. Beraz, Auzolanean parte hartu nahi baduzu, arropa/oinetako egokiak eraman eta ibaia garbitzeko gogoz joatea besterik ez duzu!

Guztia irakurri ¦ Komentatu

Datorkigunea, 2012-2013rako 18 eta 30 urte bitarteko gazteen bila

© cc-by-sa  Sustatu  ¦  2012-05-09 ¦ 11:46 ¦  bestelakoak

Eusko Ikaskuntzako Gazte Departamentua 18 eta 30 urte bitarteko gazteen bila dabil 2012-13 ikasturterako, Datorkigunea ekimenean parte har dezaten. Euskal Herriko txoko guztietako 40 gazteren bila dabiltza, egungo gizartearen erronken inguruan eztabaidatu eta horiei erantzuteko ekintzak definitzeko. Zazpi probientzietako batean bilduko dira hilean behin, eta aurretik egindako lanetan oinarrituz, eta Eusko Ikaskuntzak prestatuko gidoi bat jarraituz, planteatutako arazoen inguruan diagnosi bat definitu eta proposamenak edota lan ildo posibleak aurkeztea da helburua. Maiatzaren 31a baino lehen eman behar da izena bertan parte hartzeko.

Guztia irakurri ¦ Komentatu

Europako Zero Zabor mugimenduak Donostian antolatu du urteroko biltzarra, hilaren 11 eta 13a bitartean

© cc-by-sa  Sustatu  ¦  2012-05-09 ¦ 08:57 ¦  ingurumena

Maiatzaren 11, 12, eta 13an Europa mailako Zero Zabor mugimenduak antolatuta jardunaldiak izango dira Donostian. Zero Waste Europe beraien urteroko topaketa Gipuzkoan egitea erabaki dute aurten, zaborren kudeaketaren inguruan sortu diren esperientziak gertutik ezagutzeko. Gipuzkoa Zero Zaborrek adierazi duenez, ekitaldi hori Europa Zero Waste sarean sartzeko aprobretxatu nahi du.

Guztia irakurri ¦ Komentatu

Bigarren Blogs&Bikes irteeraren kronika

© cc-by-sa  Mikel Lizarralde - Kisale  ¦  2012-05-08 ¦ 16:21 ¦  kirola

Pasa den larunbatean Donostiatik Arditurrira, Oiartzunen, paseo polita egin genuen bizikletaz. Sarri aipatzen dugu ez ditugula ezagutzen etxetik gertu ditugun ingurune ederrak, eta onartu behar dut nik neuk ez nituela ezagutzen Arditurriko meazuloak. Egun pasa polita egin daiteke bidegorri sarea erabiliz Arditurri bisitatu eta han inguruan zer edo zer janaz.

Guztia irakurri ¦ Komentatu

Mugikortasunari buruzko Jardunaldia: Donostiako autobus geltoki berria. Kronika

© cc-by-sa  Riberas de libro de texto  ¦  2012-05-08 ¦ 12:54 ¦  garraiobideak

Joan den apirilaren 27an "Mugikortasunari buruzko Jardunaldia: Donostiako autobus geltoki berria" hitzaldia eta mahai ingurua antolatu zituen Riberas de libro de texto kolektiboak. Ekitaldiak mugikortasuna izan zuen hizpide, bai ikuspuntu orokor batetik, bai eta ikuspuntu lokalago batetik ere, Donostiako autobus geltoki berriaren eztabaidaren haritik. Eztabaida sortzea zen, funtsean, antolatzaileon helburua, jabetuz gainera geltoki intermodalen gaia euskal hiribuetan zeresana ematen ari den afera dela.

Guztia irakurri ¦ Komentatu

Mintza hadi online, lagun!

© cc-by-sa  Mintza hadi, lagun!  ¦  2012-05-08 ¦ 11:07 ¦  hizkuntza

Maramara taldeak hika hitz egiteko tartea zabaldu berri du sarean. Asteazkenero, arratsaldeko 16:00etatik 17:00etara, hitanoa praktikatzeko aukera dago hitanoa.com webgunean. Atari horretako mintzagunea atalean idatzizko blaga edo solasaldia egiteko aukera dago, Eneko mintzakidearekin. Txat hau oso egokia da hitanoarekin lanak dituztenentzat, erabiltzaileak aukera baitu pentsatzeko, errepasatzeko eta zuzentzeko, esan beharrekoak bota aurretik.

Guztia irakurri ¦ Komentatu

OEEren Osasun Biltzarrean osasunaren etorkizunaz mintzo

© cc-by-sa  Angel Bidaurrazaga  ¦  2012-05-08 ¦ 09:12 ¦  osasuna

Argi dago, mundu mailako krisi ekonomikoa osasun arloan izaten ari den eragina, egunero irakurtzen ari gara gastu sanitarioa gutxitu behar dela, botikak ordaindu behar direla, kudeaketa arazoak... eta ematen du azken 30 urtetan ezagutu dugun osasun sistemaren aldaketek egoera larri batera garamatzatela, halabeharrez. Gizarteko hainbat eragilek dagoeneko ohartzen gaituzte hartzen diren neurriak gure osasun egoera gaiztotzen ari direla eta atzera goazela. Eta zer suposatzen du guzti honek osasun arloan gabiltzan langileongan? Nola zuztartu ditzakegu egiten ari diren aldaketa zientifiko eta teknologikoak gero eta baliabide ekonomiko eskasean dabilen osasun sisteman? Gizartean pairatzen ditugun balore aldaketek (etekinak edo laguntza, elkartasuna edo norberekoikeria) eta bideratzen gaituzten galderei elkar erantzuten saiatuko gara Bizkaiko Sendagileen Elkargoan maiatzaren 18 eta 19an.

Guztia irakurri ¦ Komentatu

Elhuyar Fundazioaren Teknoskopioa proiektu-lehiaketaren irabazleak, Zornotzako Karmengo ama eta Donostiako Axular Lizeoko ikasleak

© cc-by-sa  Elhuyar fundazioa  ¦  2012-05-07 ¦ 16:38 ¦  zientzia

Elhuyar Fundazioak antolatzen duen Teknoskopioa proiektu-lehiaketaren azoka eta sari-banaketaren ekitaldia egin ziren ostiralean UPV/EHUren Bilboko Bizkaia Aretoan, Gipuzkoako Foru Aldundiaren eta FECYTen babesarekin. Guztira 75 talde aritu dira lehian azaroan hasi zen proiektu-lehiaketa honetan. 21 taldek amaitu dute 2. fasea, eta haietatik 11 pasatu dira 3. fasera. Bertaratu diren herritarrek talde horien guztien proiektuak ezagutzeko aukera paregabea izan dute EHUren Bizkaia Aretoan egin den proiektu-azokan. Parte-hartzaile guztiek stand bana izan zuten bisitariei beren proiektuaren berri emateko.

Guztia irakurri ¦ Komentatu

Euskararen Transmisioari buruzko II. Mintegia, bihar Eibarren

© cc-by-sa  Sustatu  ¦  2012-05-07 ¦ 13:25 ¦  hizkuntza-eskubideak

Bihar, maiatzaren 8an, Euskararen Transmisioari Buruzko II Mintegia izango da Eibarren, ...eta kitto! euskara elkarteak antolatuta. Hizkuntzaren transmisioa hain garrantzitsua izanik, ezibestekoa da alor hori aintzat hartzea, modu estrategikoan lantzea eta plangintzak definitzea. Gaiari sendotasunez heldu, eta mintegi baten bitartez, gaiaren inguruan dauden esperientzia eta praktika onak elkarbanatu eta ezagutzera emanez. Mintegia udaletako euskara teknikariei, irakaskuntzako irakasleei, aisialdi taldeetako ordezkariei, euskara elkarteetako kideei eta abarri zuzenduta dago.

Guztia irakurri ¦ Komentatu

Maiatzaren 8a: Bigarren Mundu Gerra GureGipuzkoan

© cc-by-sa  GureGipuzkoa.net lantaldea  ¦  2012-05-07 ¦ 10:31 ¦  historia

Maiatzaren 8an Bigarren Mundu Gerra Europako operazio gunean amaitu zela 67 urte beteko dira. Data hori kontuan hartuta, GureGipuzkoan garai eta kontestu horretako hainbat argazki ikusgai eta gozagarri ditugu.

JOVENES NAZIS ALEMANES JUNTO A UNA MESA DE FIRMAS BAJO LOS ARCOS DE LA DIPUTACION FORAL DE GIPUZKOA. (Foto 1/1)
GureGipuzkoa.net | JOVENES NAZIS ALEMANES JUNTO A UNA MESA DE FIRMAS BAJO LOS ARCOS DE LA DIPUTACION FORAL DE GIPUZKOA. (Foto 1/1) © CC BY-SA: KUTXA FOTOTEKA. FONDO MARIN. PASCUAL MARIN

Guztia irakurri ¦ Komentatu

Topaguneak hizkimizki.com webgunea jarri du martxan

© cc-by-sa  Topagunea  ¦  2012-05-07 ¦ 08:55 ¦  hizkuntza

Topagunea Euskara Elkarteen Federazioak Hizkimizki.com webgunea sortu du. Euskaratik eta euskaraz sortu den tresna berri honek hizkuntzen arteko poltsikorako oinarrizko hiztegiak sortzea du helburu. Osotara 43 hizkuntza biltzen ditu eta euren arteko konbinazioak eginez 1.806 oinarrizko hiztegi sortzen ditu webguneak. Horietako hizkuntza asko lehen aldiz jarri dira bata bestearekin harremanetan, esaterako aragoiera-nepalera edo fula-islandiera.

Guztia irakurri ¦ Komentatu

300 neska-mutiko inguru bildu dira Zumaian Bertso Eskolen Egunean

© cc-by-sa  Gipuzkoako Bertsozale elkartea  ¦  2012-05-06 ¦ 19:44 ¦  bertsolaritza

Sekulako giroa izan da kostaldeko herri honetan egun guztian zehar. Bertso eskoletan eta Hezkuntza Arautuan bertsolaritzak duen osasun ona bistan geratu da aurten ere. 300 haur inguru batu dira Zumaian ospatu den Gipuzkoako Bertso-eskolen VIII. egunean. Goizeko hamarretarako Eusebio Gurrutxaga plazan kolore gorria nagusitu da, gorria izan baita aurtengo kamisetaren kolorea, olagarro baten irudia daramana.

Guztia irakurri ¦ Erantzun bat

Artikulu zaharragoak »»

Publizitatea

 Nabigatu euskaraz