Sustatu.com > internet

Twitterren oinarritutako albistegi automatiko berriak garatu ditugu

© cc-by-sa  Luistxo Fernandez, CodeSyntax  ¦  2012-06-07 ¦ 10:55 ¦  internet

Umap euskarazko tuiten batzailearen esperientziaren gainean, Twitterreko jarioak analizatzeko produktu baten garapenean jarraitu dugu CodeSyntax enpresan. Eta gaur, horren emaitza bikoitza erakuts dezakegu (etorriko dira gehiago), bi albistegi tematiko, guztiz automatikoak, bi bezerorentzat eginak: Nestoria News UK, eta Noticias Kisale, bata etxegintzaz ingelesez, beste txirrindularitzaz gaztelaniaz.

Noticias Kisale

Guztia irakurri ¦ Erantzun bat

Publizitatea

"Kode irekiaren kultura: ezagutzara sarbide librea izateko tresnak", ekainaren 5etik 7ra Gasteizen

© cc-by-sa  Sustatu  ¦  2012-06-04 ¦ 14:45 ¦  internet

Kode irekiaren kulturaren inguruko jardunaldiak prestatu dituzte Gasteizen, Montehermoso Kulturunean, bihartik hasi eta ostegunera bitartean. Jardunaldien xedea herritarrei lankidetzaren, irekitzearen eta denon onuraren filosofia partekatzen duten tresnak hurbiltzea da. Tresna teknologikoetatik hasi, eta lankidetza eta proiektuen finantziazio kolektiboko ekimen zehatzetaraino. Ezagutzarako elkargunea izango da, non iritziak alderatu ahal izango diren hizlari eta publikoaren artean.

Guztia irakurri ¦ Komentatu

Anaia Nagusia begira dago

© cc-by-sa  Karlso del Olmo  ¦  2012-05-31 ¦ 13:14 ¦  internet

Daily Mail kazetak argitaratu duenez, Estatu Batuetako segurtasun zerbitzuek Interneten zelatatzen dituzten berben zerrenda argitaratu behar izan du. Sarean "terroristak" edo "USAren etsaiak" direnak detektatzeko eta jarraitzeko erabiltzen dituen hitzak dira. Tartean dira, noski, "attack", "Al Qaeda", "terrorism" edo "bomb" bezalakoak, baina baita "pork", "cloud", "team" edo "Mexico" bezalako hitz ustez xaloagoak ere. Horiez gainera, ETA eta basque separatists terminoak dituzten bilaketak eta mezuak ere begi luzez aztertzen omen dituzte zerbitzu sekretuek.

Erref.: Anaia Nagusia begira dago (www.dailymail.co.uk)
# ¦ Komentatu

ItzuL posta-zerrenda mila harpidedunera iritsi da, Postaria erabiltzen

© cc-by-sa  CodeSyntax  ¦  2012-05-29 ¦ 17:04 ¦  internet

EIZIE elkarteak kudeatzen duen ItzuL posta-zerrenda 1.000 harpideduneri iritsi zen atzo. 1998tik dago martxan ItzuL, eta 2004tik aurrera, CodeSyntax-ek kudeatzen duen Postaria zerbitzuaren bidez funtzionatzen du. Euskarazko Interneteko baliabide profesional beteranoena, eta praktikoena.

Guztia irakurri ¦ Komentatu

Jakintza Librearen III Jardunaldiak

© cc-by-sa  Sustatu  ¦  2012-05-21 ¦ 10:06 ¦  internet

Jakintza Librearen III Jardunaldiak ospatuko dituzte aurten ere. Aurtengo gaia Sarean jaioberriak. Mundu digitalean sortutako lankidetza aukera berriak izango da. Komunikabideetako mahai ingurua, Euskararen Interpretazio Zentrora bisita, Storytelling tailer bat, sarean jaio eta gizartearen partaidetza eskatzen duten egitasmo ezberdinen aurkezpenak eta bukatzeko, Alfonso Alcantararen hitzaldi bat izango da.

Guztia irakurri ¦ 2 erantzun

Guifi.net: komunitatearengandik eta komunitatearentzat sortutako sare irekia

© cc-by-sa  Sustatu  ¦  2012-05-19 ¦ 12:53 ¦  internet

Guifi.net telekomunikazio sare irekia, askea eta neutrala da. Auzolanean oinarritutako proiektua da, komunitateak sortua eta komunitatearentzat: bertan partikularrak, elkarteak, enpresak, administrazioak eta unibertsiteak biltzen dira. Irekia da, konfigurazio datuak publikoak baitira, eta horrela edozein pertsona edo enpresak sarea nola eraikita dagoen ikusi dezake, eta beharra ikusiko balu, hobetu, mantendu eta hedatzeko aukera izango du. Horrela, sareak ez du enpresa bakar batenganako menpekotasunik: erabltzaile bakoitzak egin dezake konexioa bere kabuz edo konfiantzazko enpresa bati eskatu. Edozeinek har dezake parte, berdintasunean eraikitako sarearen oinarriak onartuz gero. Erabiltzaileen arteko komunikazioa bermatzeko posta zerrenda bat darabilte. Joan zen asteko EraldaLAB jardunaldietan aurkeztu zuten, eta hona dakarkigu bertan jasotakoa.

Guztia irakurri ¦ Komentatu

Status Blogsovieta, estandar irekiko mikroblogintza zerbitzua

© cc-by-sa  Sustatu  ¦  2012-05-18 ¦ 08:49 ¦  internet

Status Blogsoviet hainbat lagunen artean martxan jarritako mikroblogintza zerbitzua da, StatusNet software librea euskaraz instalatua. StatusNeten, Twitter edo Facebooken bezala, mezuak idatzi, erantzun, birbidali edo gustukoenen artean gordetzeko aukera ematen du. Zerk bereizten du, orduan, besteengandik? Ezberdintasunik handiena, besteek ez bezela, OStatus estandar irekia erabiltzen duela da. Honek sare deszentralizatu ezberdinetako erabiltzaileen arteko komunikazioa ahalbidetzen du, sare bakoitzean kontu berri bat irekitzen ibili beharrik gabe, mezu elektronikoetan gmail domeinuko kontu batetik hotmaileko beste batetara mezu bat bidal daitekeen bezela.

Guztia irakurri ¦ Komentatu

Internet Eguna 2012 ospatuko da maiatzaren 17an

© cc-by-sa  Sustatu  ¦  2012-05-15 ¦ 16:56 ¦  internet

Internet eguna ospatuko da mundu osoan ostegunean, maiatzaren 17an. Horren ildotik, gurean ere ekitaldi bereziak antolatu ditu Internet&Euskadi Elkarteak, gaur hasi eta 19a bitartean. Jardunaldiok ospatzen diren zazpigarren urtea da jada, eta aurreko urteetan ez bezala, programatutako ekitaldiak EAEko hainbat puntutan antolatu dira: Barakaldon, Bilbon, Zeanurin, Leioan, Donostian, Zarautzen, Errenterian, Urnietan, Usurbilen eta Laudion. Eusko Jaurlaritza, SPRI, KZguneak eta Internet&Euskadi Elkarteak antolatutako ekimen guzti horiek doakoak izango dira, eta herritar guztiei irekiak.

Guztia irakurri ¦ Komentatu

Internet eta hizkuntza aniztasunaren sustapena, hainbat herritako kasuak aztergai Bilbon mintegi batean

© cc-by-sa  Sustatu  ¦  2012-05-02 ¦ 12:14 ¦  internet

Datorren maiatzaren 17an, ostegunarekin, jardunaldia izango da Bilbon: Internet eta hizkuntza aniztasunaren sustapena. UPV/EHUren Munduko Hizkuntza Ondarearen UNESCO Katedrak antolatua, Euskal Herriko eta atzerriko errealitateak ezagutuko ditugu, eta kanpoko kasu horien artean, Gales, Aragoi, Asturias, Zeelanda Berriko maorien kasua, Mexikoko hizkuntzak, Frisia... Sarrera librekoa izango da mintegia.

Guztia irakurri ¦ Erantzun bat

Javier Etxebeste, Betor hitzaldian: argia dago tunelaren amaieran

© cc-by-sa  Sustatu  ¦  2012-05-02 ¦ 11:26 ¦  internet

Javier Etxebeste Nestoria etxe-bilatzailearen sortzaileak hartu zuen hitza joan den ostegunean laugarren Betor hitzaldian, Deustuko Unibertsitatean (Donostia, Gipuzkoa). Londresen du Nestoriak egoitza nagusia, baina Espainian, Alemanian, Italian, Australian, Frantzian, Brasilen eta Indian ere lan egiten du. Yahoon ibili zen Nestoria sortu aurretik, eta bietako esperientziak partekatzeaz gain, egungo krisia eta etorkizunera begirako ikuspegi baikorra eskaini zuen Etxebestek.


Argazkiak.org | Betor. Javier Etxebeste © cc-by-sa: codesyntax

Guztia irakurri ¦ Komentatu

EBEuskadi jardunaldia Bilbon: Web Soziala, produktua ala zerbitzua?

© cc-by-sa  EITB.com  ¦  2012-04-26 ¦ 15:33 ¦  internet

Espainian egiten den Interneteko urteroko biltzar inportanteenak, EBEk, ekimen bat hasi zuen iaz, bilkurak hiriz hiri antolatzekoa, EBECiudades esaten diote horri, eta Sevillan duela sei urte martxan jarritako EBE jardunaldiak ezagutzera ematea du xede. Aurten, Bilbon da hitzordua: maiatzaren 12an egingo da EBEuskadi ekitaldia (informazioa gazteleraz eta euskaraz). Interneten egunero sortzen denaz sakontzea eta informazioa partekatzea da jardunaldi hauen egitekoa. Berrikuntzek eta aurrerapen teknologikoek gure egunerokoan duten eraginaz hitz egitearen garrantzia nabarmendu nahi da.

Guztia irakurri ¦ Komentatu

Javier Etxebeste, Betor hitzaldia ostegunean

© cc-by-sa  CodeSyntax  ¦  2012-04-23 ¦ 09:21 ¦  internet

Etorkizunaz hitz egitera etorriko zaigu Javier Etxebeste laugarren Betor hitzaldian, Donostian. Yahoo exekutibo gisa eta Nestorian sortzaile eta gidari gisa izandako ibilbidearen errepasoa egingo du, baina ez da bere hitzaldiaren muina izango. Etorkizunaz duen ikuspegia partekatzera etorriko da. Apuntatu apirilaren 26a (osteguna) agendan, mereziko du eta.

Guztia irakurri ¦ Komentatu

Identi.ca, orain euskaraz

© cc-by-sa  artsuaga  ¦  2012-04-20 ¦ 14:38 ¦  internet

Twitter euskaraz erabili nahi badugu, Dick Costolori eskatu eta itzultzeko zain egon edo bestela Blackberry bat erosi beste aukerarik geratzen ez zaigun garai hauetan, Identi.ca euskaraz erabiltzeko aukera daukagu azkenean. Bere sortzaile Evan Prodromouren mezu batek jakinaren gainean jarri gintuen atzo.

Irudia: assar@identi.ca

Guztia irakurri ¦ 2 erantzun

Internet zenbakitan: 555 milioi webgune, 2100 milioi erabiltzaile, 3000 milioi helbide elektroniko,...

© cc-by-sa  Sustatu  ¦  2012-04-05 ¦ 14:09 ¦  internet

Pingdom blogean Interneteko trafikoaren eta erabileraren inguruko laburpen zabala egin dute. Zenbat erabiltzaile daude? Zer herrialdetan? Zer mugimendu dago sare-sozialetan? Zenbat eduki sortzen da egunero? Eta zenbat e-mail bidaltzen ditugu? Zer nabigatzaile erabiltzen da gehien? Zenbat webgune daude guztira? Eta zer zerbitzari mota erabiltzen dituzte?

Hona hemen kopuruetako batzuk; denak ikusteko, jo Pingdomera

  • 3.146 billion – Number of email accounts worldwide.
  • 555 million – Number of websites (December 2011).
  • 2.1 billion – Internet users worldwide.
  • 800+ million – Number of users on Facebook by the end of 2011.
  • 225 million – Number of Twitter accounts. (100 million – Number of active Twitter users in 2011)
  • 1 billion – The number of messages sent with WhatsApp during one day (October 2011).
  • 1 trillion – The number of video playbacks on YouTube (140 – The number of YouTube video playbacks per person on Earth.)

Erref.: Internet zenbakitan: 555 milioi webgune, 2100 milioi erabiltzaile, 3000 milioi helbide elektroniko,... (royal.pingdom.com)
# ¦ Komentatu

Getariako 3D modeloa, Googleren lehiaketan finalista

© cc-by-sa  Sustatu  ¦  2012-04-03 ¦ 12:02 ¦  internet

Ondoko Getariako animazioa Googlek antolatzen duen Model your Town lehiaketako finalera iritsi da. Hiri bakoitzeko eraikinak 3D modeloetan erakutsi behar dira Google Earth erabiliz. 150 lehiakide baino gehiago aurkeztu ziren, eta 6 finalisten zerrenda aurkeztu da, tartean Gipuzkoako Getaria. Adi! Gezurra dirudien arren ez da hegazkin batetik ateratako bideoa.

Guztia irakurri ¦ Komentatu

#sarekohizkuntzak enpresetan jardunaldia

© cc-by-sa  Lantalan  ¦  2012-04-03 ¦ 11:38 ¦  internet

Azkeneko hilabeteetan, sarean hausnarketa bideratu du EMUNek enpresen sareko hizkuntzen inguruan. Hausnarketari segida emateko jardunaldia antolatu du apirilaren 17an, Euskadi+innovaren bidez Garaia Enpresa Digitalean.

Guztia irakurri ¦ Komentatu

Bost urte euskaraz dihardugula Twitterren

© cc-by-sa  Luistxo Fernandez  ¦  2012-03-19 ¦ 12:48 ¦  internet

Duela bost urte nago Twitterren. Eta 2007ko martxoaren 19 hartan, gaur bezala astelehena, bidali nuen neure lehen tuita, euskaraz. Ba ote euskarazko tuitik lehenago? Oso litekeena da: Hitz Kareaga @Bocadorada da, nik uste, Twitterreko lehen erabiltzaile euskalduna, 2006ko abendutik, eta Jokin Lacalle @jolaus 2007ko otsailean hasi zen. Poz handia emango lidake neurea baino lehenagoko haien (edo beste norbaiten) tuit euskaldun baten aztarna aurkitzeak.

Erref.: Bost urte euskaraz dihardugula Twitterren (twitter.com)
# ¦ 3 erantzun

Iruri Knörr eta Ideateca hurrengo Betor hitzaldian

© cc-by-sa  Betor  ¦  2012-03-15 ¦ 15:49 ¦  internet

Datorren astean hirugarren Betor hitzaldia emango du Ideatecako Iruri Knörrek. Jokoen programazioan murgildutako enpresa bilbotarraren nondik norakoak ezagutuko ditugu, Facebooken lehen pausuak eman zituztenetik azkenengo HTML5ean egindako lanetara.

Guztia irakurri ¦ Komentatu

Prokrastinazioa, gerotik gerora egitekoen luzatzea, ona omen da berrikuntzarako

© cc-by-sa  Sustatu  ¦  2012-03-07 ¦ 08:22 ¦  internet

Prokrastinazioa da, Axularren hitzetan jarrita, "gerotik gerora egitekoen luzatzea." Egiteko bat duzu, baina geroratzen duzu, despistatzen zarelako honekin edo harekin. Prokrastinazioaren aliatu teknologiko handiena, jakina, orain mutur aurrean duzuna da: Internet. Baina, lasai, ez kezkatu, baten batzuek ondorioztatu dute Prokrastinazioa funtsezkoa dela berrikuntzarako. Egin klik eta segi irakurtzen.

Erref.: Prokrastinazioa, gerotik gerora egitekoen luzatzea, ona omen da berrikuntzarako (blogs.hbr.org)
# ¦ Komentatu

Gaur irtengo da Facebook burtsara

© cc-by-sa  Sustatu  ¦  2012-02-01 ¦ 11:21 ¦  internet

Gaur New York-eko burtsan kotizatzen hasiko da Facebook, sare sozialetan enpresa erraldoiak. 10 mila milioi dolarreko diru-bilketa egitea espero dute akzio salmentarekin (Googlek 1,67 mila milioi lortu zituen 2004an). Eguna amaitzerako, Disney enpresaren balioa baino handiagoa izan liteke Facebook-ena. Hala ere, denek ez dute uste Googlek bezainbesteko negozioa ona duenik, bisitak izan arren, publizitateari paso egitea askoz errazagoa delako Facebook-en.

Guztia irakurri ¦ Komentatu

Artikulu zaharragoak »»