Nortasuna

Lanki Mondragon Unibertsitateko Lankidetzaren Ikertegia duzu, eta Humanitate eta Hezkuntza Zientzien fakultatean du bere kokapena.

Arrasateko Kooperatiben Esperientziaren baitan kokatua, bere egitekoa errrealitate kooperatiboa eta autoeraketa disziplina anitzetatik ikertzea da, eta hortik kooperatibei gogoeta eta formazio zerbitzua eskaintzea.

Bere ezaugarrien artean azpimarra daitezke bere disziplinartekotasuna lankidetza giza zientzien ikuspegitik aztertzerakoan, bere gaztetasuna, eragile kooperatiboekiko loturaren eta autonomiaren arteko konbinaketa, euskaratik abiatutako eleaniztasuna eta bere irekidura, nagusiki munduko Hegoaldeko eragileei begira.

Lan-taldea hamalau ikertzailek osatzen dute, gehienak aldi berean irakasle direnak, eta bada kolaboratzaile sare bat ere, ikasle, kooperatibetako eragile eta beste unibertsitateetako lankideek osatua.