Bideoak
Maila bat goragoMundu ikustezinak: solasean itzulitako emigranteekin
2012/11/15
Iragan urriaren 19an jardunaldi bat antolatu zuen Deustuko Unibertsitateko Bizkailab ekimenak Diasporari lotutako fenomeno baten inguruan: itzulitakoez, esan nahi baita urte batzuk edo bizitza oso bat kanpoan pasa ondoren Euskal Herrira itzulitako euskal emigrante eta euskal jatorrizkoez. Gaia aztertu du ikertzaile talde batek, Pedro J. Oiarzabal eta Nerea Mujika buru, eta eurak egindakoa da orduan aurkeztu eta orain hona ekarritako aurkezpen-bideo hau, "Gure Bizitzen Pasarteak: Erbestea, Emigrazioa eta Itzulera Bizkaira" izenburupean itzulerari buruzko arreta bildu nahi duena. Ikus baita ere www.blogseitb.us/basqueidentity20/2012/11/15/mundos-invisibles.
"Baztan" zinema aretoetara helduko da
2012/09/20
Iñaki Elizalde iruindarraren lehen luzemetraia, "Baztan" pelikula, euskal zinematan estreinatuko da urriaren 5ean, Donostiako Zinemalditik igaro ostean.
"Bertsolari" filmea San Frantziskon
2012/09/04
Ostiral honetan, irailaren 14ean, "Bertsolari" dokumentalak abiatuko du BEO (Basque Educational Organization) elkartearen udazkeneko Euskal Zinema Saila. Emanaldia Basque Cultural Center elkartean egingo da (559 Railroad Av., South San Francisco), eta bertan izango da Asier Altuna zuzendaria ere. Biharamonean, San Francisco Latino Film Festival jaialdian ikusgai izango da.
Euskal detektibe bat printzesa indigena bat salbatzeko
2012/07/30
Etxepare Institutuaren webgunean irakurri dugu. "Thriller baten osagai guztiak betetzen ditu: ezinezko maitasuna, intriga, tiroketak… Baina horrez gain, “La niña de Maracaibo” filmak badu balio erantsi bat; hizkuntza aniztasuna. Euskaraz, gaztelaniaz eta wayuunaiki hizkuntzan -Waayuen hizkeran- filmatutako westerna da. Asier Hernandez aktore euskalduna da gainera pelikulako protagonista. Hil honetan estreinatu dute Kolonbiako zine aretoetan Venezuela eta Euskadi arteko koprodukzio hau".
Itsuentzako Futbolean La Platako Euzko Etxea taldea
2012/06/13
Hasi berria du denboraldia Argentinan, La Platako Euzko Etxea taldeak Itsuentzako Txapelketa Nazionalaren baitan. Bideoa, lehenengo partidaren aurretik atera zen eta orain badakigu emaitza husnakoa izan zela Huracan taldearen kontra. Bigarren partidan, ekainaren 17koan, Roman Rosell Institutua arerio. Gogo handiz dabiltza Euzko Etxekoak. Aupa Centro Vasco!!!
Madonna eta Kalakan zuzenean
2012/06/01
Iragan maiatzaren 29an abiatu zuen Madonnak nazioarteko bira, Tel Aviv-en eman zuen kontzertuarekin. Bertatik jaso ditugu Kalakan taldearekin batera kantatzen duen "Open Your Heart/sagarra Jo" bertsioaren lehen irudiak --eta soinua--, kaxkarrak badira ere. Euskara eta euskal kantu tradizionalan horren bertsio berritua munduko milaka eta milaka ikusle eta entzuleren aurrean. Ez da batere makala Kalakan-ekoen marka. Biba zuek! (bideoan, berez 2:05 minututik aurrera hasten da agertzen Aldapeko) Zer iruditzen?
Gernikako Bonbardaketaren 75. urteurrena Londresen
2012/05/05
2012ko apirilaren 26an, Gernikako Bondardaketaren 75. urteurrena betetzen zen egunean berean Londresko Basque Society Euskal Elkartean eginiko ekitaldian grabatutako bideoa (irudiak London Basque Society-Euskal Elkartea)
Agate Deuna-Santa Ageda Madrilgo Euskal Etxeak eratua
2012/02/26
Urtero otsail hasieran ospatzen da Euskal Herriko hainbat herri eta auzotan Agate Deuna edo Santa Ageda, ohiko doinu eta tradizioari eutsiz, usadio horrel isla ere baduelarik munduko euskal etxe kopuru hazkorrean. Honako irudietan Madrilgo Euskal Etxeak espainiar hiriburuan antolatzen duena, bere egoitzaren inguruetako kaleetan, Madril erdigunean.
Zergatik ikasi euskara Estatu Batuetan?
2012/01/27
Athletic eta futbola euskara ikasteko arrazoia izan al daitezke? Estatu Batuetan bai. Ikus North America Basque Organizations elkarteak BOGA, euskara internet bidez ikasteko ikastaroaren berri emateko egin duen bideoa.
San Sebastian eguneko danborrada Londresen 2012
2012/01/21
Bazen donostiar eta euskaldun talde bat urtarrilaren 20ean Londresen zebilena, eta horrek atzerabueltarik ez zuenez, bertan egonik ere danborrada ospatzea erabaki zuten. Harremanetan jarri ziren hiriburuko Euskal Elkartearekin, eta deialditxo bat egin zuten bezperan, Big Ben-aren azpian, Westminster Abadiako metroaren geltokian, ETBko kamerak lekuko. Datozen egunetan irudi gehiago munduko euskal danborradetakoak (bideoa London Basque Society-Euskal Elkartea).