Bira hasiko du bihar Iñaki Etxepare txelista euskaldunak Txile, Argentina eta Brasilgo zenbat EE eta aretotan

Bira hasiko du bihar Iñaki Etxepare txelista euskaldunak Txile, Argentina eta Brasilgo zenbat EE eta aretotan

2012/11/20

Proposamen pedagogiko eta artistikoa eskainiko du 2012ko bira honetan Iñaki Etxepare biolontxelo jotzaile irundarrak Txile, Argentina eta Brasilen. Programa bikoitzaren baitan ‘Biolontxeloaren Pedagogia’ bere liburua eta ‘Bach eta Itsasoa’ ikuskizuna aurkeztuko ditu Hegoamerikako hainbat herritan, kasu batzuetan euskal etxeek antolatutako ekitaldietan. Ibilbidea bihar, azaroaren 21an, hasiko da Txilen, Santiagoko Euzko Etxean, eta abenduaren 2an bukatuko da Brasilen, Porto Alegre hirian. Tartean, Mendoza (baieztatzear), San Juan eta Buenos Airese hiri argentinarretan ere eskainiko ditu emanaldiak.

Gehiago Irakurri…

Musika, zinea eta dantza Bretainiako Kemper hiriko euskal kultur jardunaldietan, hilaren 15etik 24ra

Musika, zinea eta dantza Bretainiako Kemper hiriko euskal kultur jardunaldietan, hilaren 15etik 24ra

2012/11/06

Kemper hiriko Ti ar Vro kultur elkarte bretoiak euskal kultur jardunaldiak egingo ditu hilaren 15etik 24ra. Bi herrialdeen arteko elkartasun jardunaldien egitaraua euskal musika tresnen lantegi batekin hasiko da. Ondoren, euskal dantza lantegi bat egingo da, Kepa Untzega dantzariarekin. Euskal musikari buruzko "Bat, bi" dokumentalaren emanaldia egingo da hilaren 20ean eta 24ean "Ohiartzunak / Ekleo / Comme un Echo" musika ikuskizunarekin amaituko dira ekitaldiak. Bilboko Dirdira taldea eta Dremmwel talde bretoiak eskainiko dute ikuskizuna.

Gehiago Irakurri…

Bihar abiatuko da Bartzelonan "EH Sona! 2012" jaialdia; 15 kontzertu 15 urte ospatzeko

Bihar abiatuko da Bartzelonan "EH Sona! 2012" jaialdia; 15 kontzertu 15 urte ospatzeko

2012/10/25

Lauroba taldeak Passeig del Born-en emango duen kontzertuarekin hasiko da bihar Bartzelonako Euskal Etxeak antolatzen duen Euskal Herria Sona! musika jaialdiaren aurtengo edizioa. Abenduaren 1a bitartean makina bat talde eta bakarlari ekarriko ditu ekimenak kataluniar hiriburura: Doctor Deseo, SA, We are Standard, Lisabö, Ruper Ordorika, Jabier Muguruza... Ibilbide luzea du jaialdiak --hamabosgarren urtea aurten!-- eta Katalunian euskal musika eta kulturaren erakuslehio ezaguna bilakatu da jada. Arrakasta eta esperientzia hori oinarri, Euskal Etxeak pauso berri bat eman du eta Katalunian euskal musika eta kultura erakusteko eta programatzeko plataforma gisa ere ariko da aurrerantzean.

Gehiago Irakurri…

Noka talde euskal kaliforniarrak kantaldi berezia eskaini zuen Stanford Unibertsitatean

Noka talde euskal kaliforniarrak kantaldi berezia eskaini zuen Stanford Unibertsitatean

2012/10/24

Iragan urriaren 12an Nokak kontzertua eman zuen Stanford Unibertsitatean, talde euskal-amerikarrak AEBetako Oestean egin berri duen biraren barruan. Berezia izan zen emanaldia, izan ere, unibertsitateko kanpuseko Oregon Courtyard izeneko patioan abestu zuten Nokakoek, inguruan entzuleak sakabanatuta zituztela. Giro lasaia --chill out?-- izan zuen kontzertuak eta bertaratu zirenek adi-adi irakurri zituzten abestien letrak antolatzaileek banatu zituzten liburuxketan. Ekitaldia Stanford Unibertsitatean Etxepare Euskal Institutuak sustatzen duen Euskara eta Euskal Kultura ikastaroaren baitan antolatu zuen Iñaki Lopez de Luzuriaga irakurleak.

Gehiago Irakurri…

‘Herriz herri’ Maral-en 4. diskoak Argentina eta Euskal Herriaren arteko etengabeko bidaia islatzen du

‘Herriz herri’ Maral-en 4. diskoak Argentina eta Euskal Herriaren arteko etengabeko bidaia islatzen du

2012/10/24

Hamar abesti dauzka kaleratu berria den Maral-en ‘Herriz herri’ diskoak eta egileen esanetan, “jendeak abestea du helburu nagusia. Hori dela eta publikoa bera izan da berriz ere inspirazio-iturri nagusia”. Euskal Herriko kantutegiko klasikoen artean, proposamen berriak ere badaude taldearen laugarren lanean; besteak beste, ‘Aitormena’ abestia reggae estiloan bertsionatuta. Diskoaren aurkezpenari dagokionez, Arrecifeseko musikariek emanaldi berezi bat eskainiko dute ostiral iluntzean El Circulo antzoki Rosarioko Euskal Astean. Larunbatean ere joko du Maral-ek, gaueko erromerian.

Gehiago Irakurri…

Xarnege talde euskal-gaskoiak Mexikon bira egingo du urriaren 30etik azaroaren 3a arte

Xarnege talde euskal-gaskoiak Mexikon bira egingo du urriaren 30etik azaroaren 3a arte

2012/10/19

Xarnege taldeak harreman oso berezia du Mexikorekin eta mexikar entzulegoarekin eta hil honen bukaeran hirugarren bira abiatuko du herrialde ipar amerikarrean. Xarnegek Pirinioetako bi aldeetako tradizioa uztartzen du: euskalduna eta gaskoia; eta Atlantikoz bestaldeko publikoak oso ondo konektatzen du musika horrekin, taldekideek aurreko biretan egiaztatu dutenez. Kontzertuak Taxcon (Guerrero), Mexiko DFn, Morelos-en eta Aguascalienteseko Calaveras 2012 jaialdian izango dira.

Gehiago Irakurri…

Giro bikaina Ontario eta Mountain Home-n Nokaren kontzertuetan; birak Kalifornian darrai bihar eta etzi

Giro bikaina Ontario eta Mountain Home-n Nokaren kontzertuetan; birak Kalifornian darrai bihar eta etzi

2012/10/11

Noka taldeak --hiru emakume dira partaide, Catherine Petrissans Parker, Andrea Bidart Oteiza eta Begoña Echeverria-- kontzertua eman zuen iragan ostiralean Oregonen eta emanaldi horrekin abiarazi zuen udazkenean AEBetako euskal etxeetan egiten ari den bira. Ontario Basque Club-en izan zen emanaldia eta elkarteko bazkide kopuru polita bildu zen. Taldeak giro ederra sortu zuen eta entzuleak kantuan jarri zituen euskaraz. Biharamunean Idahoko Mountain Home-en jo zuen Nokak. Taldeak bihar ekingo dio berriz ere birari, Kaliforniako Stanford Unibertsitatean emango duen kontzertuarekin. Etzi, berriz, NABOk urtero antolatzen duen Kantari Egunean arituko da, Rocklingo Iparreko Ibarra euskal etxearen eskutik.

Gehiago Irakurri…

Atsegin handia Villa Mercedesko EEan eta Camerata de la Luna koralean, Brasilgo Euskal Astetik bueltan

Atsegin handia Villa Mercedesko EEan eta Camerata de la Luna koralean, Brasilgo Euskal Astetik bueltan

Poz-pozik itzuli dira, euren bidaia eta partaidetzaren balantze ezinhobea eginez. Villa Mercedesko Euskal Etxeak eta hari atxikitako Camerata de la Luna abesbatzak hitz gozoak baino ez dituzte Sao Paulora egin berri duten bidaiaz, bertako Eusko-Brasildar Etxeak antolatutako II. Euskal-Brasildar Astean parte hartzeko. Euskal Etxearen izenean, Julio Esnaolak hitz hauekin laburbildu dio bizitutakoa EuskalKultura.com-i, "todo salió de maravilla" (guztia primeran joan da). Korukideek zenbait emanaldi eskaini zituzten, horietan azkena, igandean, Sao Pauloko katedralean, bertako kardinal apezpikuak emaniko mezan, eta ondoren ere, kardinala entzule. Orain, urriaren 26an El Circulo antzokian, Rosarioko Euskal Aste Nazionalaren baitan izango duen partaidetzari begira ari dira villamercedestarrak.

Gehiago Irakurri…

Bidaia hasiko du gaur AEBetara Donostiako Gaztelupe koralak, bertako euskal etxe batzuk bisitatuz

Bidaia hasiko du gaur AEBetara Donostiako Gaztelupe koralak, bertako euskal etxe batzuk bisitatuz

2012/10/01

Donostiako Gaztelupe Ganbera Abesbatzak bidaia abiatuko du gaur Estatu Batuetako Mendebalde kostaldera, urtero ohi duen bezala turismoa eta emanaldi batzuk, euskal etxeetan edo euskal gizataldeei lotuak, uztarturik. Kantariekin batera, hirurogei pertsonako taldea doa laguntzaile. Bi emanaldi eskainiko dituzte, Nevadako Renon eta Kaliforniako San Frantziskon, lehenengoa Bilbo, Donostia eta Pauera ikasle amerikarrak bidaltzen dituen USAC unibertsitate-erakundeko buru den Carmelo Urza medio antolatua eta bigarrena, San Frantziskoko 'Basque Cultural Center'en eskutik, elkarte honek South San Frantziskon duen egoitzako auditorium-ean.

Gehiago Irakurri…

Zuloak rock taldeak bira abiatuko du Madril, Ourense, Bartzelona, Berlin eta Mexiko Hiria bisitatuz

Zuloak rock taldeak bira abiatuko du Madril, Ourense, Bartzelona, Berlin eta Mexiko Hiria bisitatuz

2012/09/28

Donostiako Zinemaldiko Zabaltegi-Bereziak atalean aurkeztu zuen Zuloak dokumentala Fermin Muguruzak. Zuloak musika taldearen ibilbidea jarraitzen du filmak, eta haren kontzertu eta entseguen irudiak biltzen ditu. Dokumentala aurkeztu baino ordu batzuk lehenago, ordea, dokumentala 'faltsua' dela argitu du Muguruzak, hau da, taldea dokumentala egiteko propio sortu dutela. Dena den, badirudi fikzioa errealitate ere bihurtu dela, eta dokumentalaren harira taldea egiazki oholeratu eta bira bat egingo du atzo bertan Donostian egindako emanalditik hasita eta azaroaren 24ra bitartean. Euskal Herrian ez ezik, Madril, Bartzelona, Ourense, Berlin eta Mexiko Hirian izango dira.

Gehiago Irakurri…


bisita