Dokumentu Akzioak

Albistegia

Maila bat gorago
Hiru urteetako lanaren emaitza, Argentinako Euskal Diasporari buruzko ‘Guk’ filma, sarean ikusgai

Hiru urteetako lanaren emaitza, Argentinako Euskal Diasporari buruzko ‘Guk’ filma, sarean ikusgai

Sarean jarri eta lehengo hamar egunetan 2500 deskarga izan zituen Nuria Vilaltak zuzendutako ‘Guk, nosotros’ izeneko dokumentalak. Egileen esanetan “Guretzat, ekipoarentzat, pozik egoteko 2500 motibo”. Dokumentala, hiru urte luzeen fruitua, “Argentinako Euskal Diasporak, gaur egun, Euskal Herriko politikan duen paperari buruzko dokumental independiente bat da” eta on line ikus daiteke www.guknosotros.com web orrian. “Proiektua gauzatu ahal izateko, asko izan dira lagundu digutenak: profesional teknikoak eta Argentinako euskaltasuna biziarazten duten hainbat protagonista; batik bat, horiei esker ‘Guk, nosotros’ filme bilakatu da”, azpimarratu digute dokumentalaren arduradunek.

Gehiago Irakurri…

Antartika helmuga duen Pakea Bizkaia-k Argentinako zenbait portu bisitatuko ditu datozen egunetan

Antartika helmuga duen Pakea Bizkaia-k Argentinako zenbait portu bisitatuko ditu datozen egunetan

Euskal kultura eta baloreak, eta ingurumenarekiko proposamenak hedatzeko helburua du Unai Basurko kapitainak zuzentzen duen espedizioak. Antartikarako bidean, bi eginkizun beteko ditu Pakea Bizkaia belaontziko tripulazioak: batetik, materiala bilduko du gero eskoletan irakatsi eta erakutsi ahal izateko; bestetik, Argentinako euskal gizataldearekin harremanduko da, euren eskarmentua konpartitzeko. Bi puntu hauekin lotuta, Basurkok Necocheako Ikastola hautatu du bertoko ikasleei bisita bat egiteko. Argentinako egonaldian, Buenos Aireseko Laurak Bat, Necocheako Euzko Etxea, Bahia Blancako Union Vasca eta Puerto Madryngo Etorritakoengatik euskal etxeetan ere gauzatuko ditu bisita eta hitzaldiak.

Gehiago Irakurri…

Bartzelonako EEak publizitate kanpaina deigarria egin du euskara eskolak iragartzeko: erabil zeuk ere

Bartzelonako EEak publizitate kanpaina deigarria egin du euskara eskolak iragartzeko: erabil zeuk ere

Aurreikuspenak beltz-beltzak omen ziren ikasturte hasieran, baina Bartzelonako Euskal Etxeak lortu du tinko eustea aurten euskara eskoletan matrikulatu den ikasle kopuruari. Nola? Bada, marketing kanpaina berezi baten bitartez. Igotz Ziarreta argazkilari eta diseinatzaileak eskolak iragartzeko irudi bitxi eta deigarriak erabili ditu, eta jendeak oso ondo erantzun du. Orain, euskal etxeak irudi horiek munduko gainerako euskal elkarteei eskaintzen dizkie, nahi izanez gero eurek ere balia ditzaten.

Gehiago Irakurri…

Bira hasiko du bihar Iñaki Etxepare txelista euskaldunak Txile, Argentina eta Brasilgo zenbat EE eta aretotan

Bira hasiko du bihar Iñaki Etxepare txelista euskaldunak Txile, Argentina eta Brasilgo zenbat EE eta aretotan

2012/11/20

Proposamen pedagogiko eta artistikoa eskainiko du 2012ko bira honetan Iñaki Etxepare biolontxelo jotzaile irundarrak Txile, Argentina eta Brasilen. Programa bikoitzaren baitan ‘Biolontxeloaren Pedagogia’ bere liburua eta ‘Bach eta Itsasoa’ ikuskizuna aurkeztuko ditu Hegoamerikako hainbat herritan, kasu batzuetan euskal etxeek antolatutako ekitaldietan. Ibilbidea bihar, azaroaren 21an, hasiko da Txilen, Santiagoko Euzko Etxean, eta abenduaren 2an bukatuko da Brasilen, Porto Alegre hirian. Tartean, Mendoza (baieztatzear), San Juan eta Buenos Airese hiri argentinarretan ere eskainiko ditu emanaldiak.

Gehiago Irakurri…

EuskalKultura.com, finalista 2012ko webgune onenaren Diario Vasco sarietan euskarari dagokion sailean

EuskalKultura.com, finalista 2012ko webgune onenaren Diario Vasco sarietan euskarari dagokion sailean

2012/11/19

EuskalKultura.com 2012 urteko webgune onenak saritzeko sortutako DiarioVasco.com Sarietako finalista hautatu dute. Datorren ostegunean egingo den ekitaldi batean adieraziko dira "internet sustatzea" eta "interneten dihardutenen ahalegina eta lan-kalitatea onestea" helburu duten sariotako aurtengo saridunak. EuskalKultura.com euskarari dagokion webgune onenaren kategoriako hiru finalistetako bat da sarien zazpigarren edizio honetan.

Gehiago Irakurri… [ 2 erantzun ]

Bragadoko Constantino Antzokiaren mendeurrenean, Kultur Gunea inauguratuko dute aste honetan

Bragadoko Constantino Antzokiaren mendeurrenean, Kultur Gunea inauguratuko dute aste honetan

2012/11/19

1912an inauguratu zen Argentinako Bragado herrian Florencio Constantino tenore ortuellarrak eraiki arazitako Antzokia. Musikariaren izen bera zeraman antzokiko tauletatik izen handiko artista eta obrak pasatu ziren urteetan zehar. Alabaina, isiltasun eta iluntasun garaiak ere jasan zituen Argentinako Antzoki garrantzitsuenetako bat izan zenak. Aurten, eta eraikinaren mendeurrenean, Florencio Constantino Aretoak, Kultur Gune bihurtuta, bere ateak irekiko dizkio berriz komunitateari eta Argentinako zein Euskal Herriko agintariek hartuko dute parte berrinaugurazio ekitaldietan. Ekintzak azaroaren 21tik 25ra luzatuko dira eta Argentinako presidente Cristina Fernandez ere bertaratuko da, bideokonferentzia bidez.

Gehiago Irakurri…

Emigrazioari buruzko "Aita eta Ama maiteak" musika eta poesia ikuskizuna eskainiko dute Bordelen

Emigrazioari buruzko "Aita eta Ama maiteak" musika eta poesia ikuskizuna eskainiko dute Bordelen

Mixel Etxekopar, Cecile Tison eta Jean Christian Galtxetaburu musikariak Bordeleko Eskual Etxean izango dira hil honen 25ean. "Aita eta Ama maiteak" du izena hiru musikariek taularatuko duten ikuskizunak, izan ere, horrela hasten zirelako Argentinara joandako euskaldunek etxera idazten zituzten gutun asko eta asko. Kontzertuaren oinarria XIX. mendeko euskaldunek Argentinatik etxera idatzi zituzten eskutitz hunkigarriak dira, garai hartako emigranteen penak eta pozak, musikarekin eta kantuarekin lagunduta.

Gehiago Irakurri… [ 2 erantzun ]

Chacoko Ikerkuntza Historikoko Biltzarkide izendatuko dute Fabio Echarri historialaria azaroaren 23an

Chacoko Ikerkuntza Historikoko Biltzarkide izendatuko dute Fabio Echarri historialaria azaroaren 23an

2012/11/16

'Harrotasun handiz' jakinarazi digute Chacoko Kotoiaren Lurra Euskal Etxetik bertoko Ikerkuntza Historikoko Biltzarrak gonbidatu duela Fabio Javier Echarri lizentziatu eta irakaslea Biltzarreko partaide izatera. Resistencia hiriko euskal etxeko lehendakariak ibilbide akademiko oparoa dauka eta 1998tik hona testu ugari argitaratu ditu, tartean, ‘Seberiano, euskaldun unibertsala’ eta ‘Eusebio Zamacola Abrisqueta: basauritar bat Argentinako Chacon’. Izendatze ekitaldia azaroaren 23an izango da, iluntzeko 8etan, Resistenciako Artxibo Historikoko ‘Dr. Eduardo Fracchia’ aretoan.

Gehiago Irakurri…

Limako Arantzazuko Anaidiak artxibo historikoak berreskuratuz ospatu du bere IV. mendeurrena

Limako Arantzazuko Anaidiak artxibo historikoak berreskuratuz ospatu du bere IV. mendeurrena

2012/11/15

Iragan ostegunean, azaroaren 6ean, Liman Arantzazuko Amaren Anaidiaren sorreraren IV. Mendeurrena ospatu zen. Peruko euskaltzale talde batek 2012an berreskuratu du azken urteetan ahantzita izan zen elkarte historikoa eta berriz ere jarri du abian. Elkartearen sorreraren laurehungarren urtebetetzea kari, Anaidiak nazioarteko mintegi bat egin du Liman eta artxibo eta dokumentu historikoak berreskuratzeko egiten ari den lana ezagutarazi du. Lan horren parte da fondoen digitalizazioa eta hainbat dokumenturen berrargitalpena, adibidez elkartearen estatutuak eta Limako Arantzazuko Amari errezatzen zitzaion bederatziurrena euskaraz.

Gehiago Irakurri…

Heldu eta umeentzako narrazio saioak eskainiko ditu Itziar Rekalde kontalariak Chascomus eta La Platan

Heldu eta umeentzako narrazio saioak eskainiko ditu Itziar Rekalde kontalariak Chascomus eta La Platan

2012/11/15

Zenbait hiri eta euskal etxe bisitatuko ditu Itziar Rekalde Luzarraga ipuin kontalariak datozen egunotan, Argentinara egiten ari den bisitan. Gaurko hitzordua Chascomus hirian izango da eta euskal etxeak antolaturik hiru emanaldi eskainiko ditu: goizean, Bernardino Rivadavia Eskolan; arratsaldean, 3 zenbakidun Eskola Munizipalean; eta iluntzean, Zingirako Euskaldunak-en egoitzan. Gogora dezagun aditu euskaldunak La Platan jarraituko duela bere bira, azaroaren 21ean bertako Unibertsitatean, eta azaroaren 22an Udalaren Liburutegi Gunean.

Gehiago Irakurri…


bisita