Begira, Ulma taldearen aldizkariaren webgunea
Hainbat urte daramatza Ulma taldeak Begira aldizkari korporatiboa plazaratzen. Orain arte bazkide eta langileei zuzendu zaie soilik, baina webgune berriarekin zabalkundea handitzea dute helburu.
Gure enpresa ere, Euskararen Nazioarteko Egunean
Euskaraz lan egiten duen enpresa da gurea. Ez daukagu (oraingoz) ziurtagiririk baina, esaten badizuet, sinistu mesedez. Non sortu garen eta non egiten dugun lan presente dugu beti. Datorren astelehenean, Euskararen Nazioarteko Egunean (abenduaren 3an), gure apurra ere emango dugu.
Hekimen Euskal Hedabideen elkartean parte hartzen dugu
Euskara hutsezko hedabideen elkartea da Hekimen eta bazkideen elkarlana bideratzea du helburu, komunitatea sendotuz. Sustatu.com proiektua medio egin dugu bazkidetza, beste hainbat hedabiderekin batera. GipuzkoaBerritzenen laguntzari esker orain bi urte hasitako lanaren fruitua da elkarte hau.
Nagore Guarretxena bosgarren Betor hitzaldian
Akting ingeniaritza enpresa gazteko arduradunetako bat da Nagore. Lan mota ugari jorratzen badituzte ere, sarreren salmenta eta itxaron-ilaren kudeaketan eta mugikorretarako aplikazioetan espezializatuak daudela esan dezakegu. Hitzaldian euren ibilbideaz hitz egingo digu, baita sortu dituzten proiektu propioetaz ere: Barrabarra.eu eta DingaDanga.com.
Ploneren segurtasun eguneraketa
Ploneren Segurtasun Taldeak, segurtasun-eguneraketa baten berri eman du. Segurtasun partxea, datorren asteartean argitaratuko da eta partxea era egokian instalatzea gomendatzen da.
TurisTIC RobSoC aurkezten TURITEC kongresoan
Malagan ospatzen den TURITEC 2012 kongresuan gaude, Turismoa eta Informazio eta Komunikazioen Teknogien Kongresoan gure TurisTIC RobSoC: Turismora zuzendutako Collective Intelligence eta Robotic Social Curation. Ilusio eta lan asko ipini dugun lan honetan Mondragon Unibertsitatea eta Deustuko Unibertsitatearen laguntza izan dugu. Kongresu berean CodeSyntax-en beste lan bat aurkezten da: : BALIATOUR, Plataforma Integral de Gestión de equipamientos turísticos delakoa
EuskaraBildua jardunaldian, atzerriko esperientziak
Joan den ostiralean iAmetza Interaktiboa, Argia eta Ametzagaiña taldeak antolatutako Euskarabildua jardunaldian izan ginen. Euskararentzako aukera berriak teknologia berrien esparruan eta sarean, bereziki sare sozialetan begia jarrita.
Interneteko marketin ikastaroa
Azaroaren 8an Interneteko marketinaren inguruko ikastaroa emango dut UEUren udazkeneko ikastaro-sortaren baitan, Eibarko Markeskoako egoitzan.
PloneConf 2012
Urriaren 9an hasi zen urteroko Plonelarien bilgunea: Plone Konferentzia. Aurten Holandako Arnhem hirian antolatu dute eta bertan bildu gara 400 plone-zale eta plonelari baino gehiago. Hona hemen ikusi eta ikasitakoaren laburpentxoa.
Card sorting: edukiak antolatzen
Card sorting edo txartelak antolatzea webgune bateko edukiak antolatu, hierarkizatu eta erabakitzeko metodo oso erabilia da.