Hemen zaude: Hasiera Albisteak euskararen nazioarteko eguna
Euskararen Egunak kolorez jantzi zituen Londresko Trafalgar Square, Boise, Sydney, Bordele, Montevideo...

Euskararen Egunak kolorez jantzi zituen Londresko Trafalgar Square, Boise, Sydney, Bordele, Montevideo...

Apurka apurka ari dira geurera heltzen munduan zehar euskaldunek Euskararen Nazioarteko Eguna ospatzeko egin zituzten ekitaldien berriak eta argazkiak. Londresen, adibidez, London Basque Society elkarteak National Gallery museo ospetsuaren eskaileretan grabatu zuen euskararen aldeko bideoa, Sydney-en Gure Txoko elkarteak bazkari jendetsua egin zuen -tiketak agortu egin ziren- eta Boiseko euskaldunak herriko tabernetan kantuan ibili ziren. Jarraian, ekitaldi hauetako eta beste batzuetako bideo eta argazki kronika.

Gehiago Irakurri…

Limako Euskal Etxeko bazkide ugari bildu ziren Euskararen Eguna eta San Frantzisko Xabier ospatzeko

Limako Euskal Etxeko bazkide ugari bildu ziren Euskararen Eguna eta San Frantzisko Xabier ospatzeko

Perun, Limako Euskal Etxea bete egin zen bazkide eta lagunekin joan den abenduaren 3an, Euskararen Nazioarteko Eguna eta San Frantzisko Xabierren jaia zela eta. Elkarteko presidente Raul Noblecillak gogora ekarri zuenez, Euskararen Eguna historian izan den euskaldun ospetsuenetariko baten jaiarekin batera ospatzea ez da kasualitatea, santuak euskara munduan zehar eraman baitzuen bere misioetan; India, Malaisia, Japonia eta Txinara, kasu. Limako ekitaldia Euskal Etxeko abesbatzaren kantaldi batekin eta lagunarteko afari batekin osatu zen.

Gehiago Irakurri…

Ikasle eta irakasleek, lagun eta zaleek, denek batera ospatu zuten Argentinan Euskararen Nazioarteko Eguna

Ikasle eta irakasleek, lagun eta zaleek, denek batera ospatu zuten Argentinan Euskararen Nazioarteko Eguna

Teknologia berrien garaian, abiadura handiz zabaldu dira aste honetan sare sozialetan euskararen aldeko mezuak. Baina euskaldunen hizkuntzak lortzen duena fenomeno birtual bat baino askoz gehiago da eta Argentinako euskal etxe askotan topaketak eta jaiak tarteko ospatu zuten euskaltzaleek Euskararen Nazioarteko Eguna. Zenbat dakigun ez da koska ezta kezka ere. Abenduaren 3aren helburua euskara eta euskaraz disfrutatzea izan da. Hori argi geratzen da hainbat euskal etxetan burututako ekitaldiei erreparatzen badiegu. Hona argazki laburpena.

Gehiago Irakurri…

 Euskara praktikatu nahi duzu? Sar zaitez Mintzanet webgunean eta hasi kalakan munduko euskaldunekin

Euskara praktikatu nahi duzu? Sar zaitez Mintzanet webgunean eta hasi kalakan munduko euskaldunekin

Donostiako Udalak eta Mara Mara Hizkuntza Zerbitzuak enpresak euskara praktikatzen laguntzeko webgunea jarri dute abian eta atzo aurkeztu zuten, Euskararen Nazioarteko Egunaren karira. Webguneak Mintzanet.net du izena eta bertan euskaraz egiten duten hiztunak eta euskara praktikatu nahi duten ikasleak jarriko dituzte harremanetan. Sistema oso erraza da: izena eman eta Skype plataformari esker solasaldia hasi ahalko dute erabiltzaileek. Mintzanet mundu osoko euskara hiztun eta ikasleei zuzendua da.

Gehiago Irakurri…

Edorta Jimenezek "Baleen berbaroa" aurkeztu zuen Berlinen; gaur, Euskararen Eguneko afaria

Edorta Jimenezek "Baleen berbaroa" aurkeztu zuen Berlinen; gaur, Euskararen Eguneko afaria

Munduko beste euskal elkarte askok bezala, Berlingo Euskal Etxeak Euskararen Eguna ospatuko du gaur, eta bazkideak urtea itxiko duen afari batean bilduko dira. Horrez gain, iragan azaroaren 29an elkarteak gonbidatu berezia izan zuen: Edorta Jimenez idazle mundakarra. Jimenezek Berlinen aurkeztu zuen "Baleen berbaroa" eleberriaren alemanierazko itzulpena: "Die Stimmer der Wale". Hans Joachim Wilke izan da itzultzalea eta Mohland argitaletxeak plazaratu zuen lana Alemanian iragan udaberrian.

Gehiago Irakurri…

Badator Euskararen Eguna! Diasporan hasi dira hainbat ekitaldirekin astelehenerako giroa berotzen

Badator Euskararen Eguna! Diasporan hasi dira hainbat ekitaldirekin astelehenerako giroa berotzen

Datorren astelehenean, abenduaren 3an, Euskararen Nazioarteko Eguna ospatuko dute munduan zehar euskaldunek. Diasporan eta Euskal Herrian hasiak dira jada ekitaldiak, egun handirako giroa berotzen hasteko asmoz. Hala, Gasteizen Mintzodromo bat egin zen Artium museoan azaroaren 28an, ia 500 lagunekin, eta Madrilen Euskal Etxeko Euskaltegia Euskararen Eguna dela eta bertso-afaria egin zuen Uxue Alberdi eta Onintza Enbeita bertsolariekin. Eta datozen eguneratako zer? Hemen dira Euskal Herrian eta Diasporan egingo diren hitzordu batzuk.

Gehiago Irakurri…

Argentinako euskaltzaleek 2012ko Euskararen Eguneko ekitaldietan parte hartzeko gonbitea luzatzen dute

Argentinako euskaltzaleek 2012ko Euskararen Eguneko ekitaldietan parte hartzeko gonbitea luzatzen dute

Ezer gutxi falta da urte bukaerara iristeko baina dudarik gabe mugimendu handiko egunak dira oraindik geratzen direnak. Izan ere, abenduaren 3an San Frantzisko Xabier eta Euskararen Nazioarteko Eguna ospatzen da munduan zehar eta Argentinako euskal etxeek bat egingo dute Euskal Herriko eta Diasporako beste erakunde askoren ospakizunekin. Proposamenak ugariak dira; helburua, ordea, bat bera: euskal hizkuntzarekiko engaiamendua adierazi eta aldarrikatzea. Segidako artikulu honetan, Argentinako Buenos Airesen, General Rodriguezen, Bahia Blancan, San Nicolasen, Arrecifesen, Chascomusen, La Platan, Rio Cuarton eta Cordoban egingo diren elkarretaratzeen egitarauak.

Gehiago Irakurri…

Euskararen Eguna egunero ospatzeko apustuarekin egin zuten jaia Boisen, New Yorken eta Montrealen

Euskararen Eguna egunero ospatzeko apustuarekin egin zuten jaia Boisen, New Yorken eta Montrealen

AEBetako eta Quebec-eko euskal komunitateek gogo biziz ospatu dute aurten ere Euskararen Eguna, Boisen, New Yorken eta Montrealen egindako ekitaldiekin. Gero eta gehiago dira herrialde hauetako euskal etxeetan euskara ikastean ari direnak eta, euskal etxeetako gainerako bazkideekin batera, euskara egun bakarrean ez ezik, egunero ospatzeko eta zaintzeko apustua egina dute. Jaia oso alaia izan zen hiru hiri hauetan: Boisen euskal karaokea egin zuten; New Yorken poesia irakurraldia eta euskal gabon kanta tailerra; eta Montrealen bertsolaritza lantegia.

Gehiago Irakurri…

Segitzen dute Argentinako euskal etxeetan Euskararen Eguneko eta urtea bururatzeko ekitaldi eta festek

Segitzen dute Argentinako euskal etxeetan Euskararen Eguneko eta urtea bururatzeko ekitaldi eta festek

Mota ugaritako ekimenak egin dira Argentinako euskal etxe askotan abenduaren lehenengo bi asteotan Euskararen Nazioarteko Eguna ospatu eta 2011ko ekitaldi egitaraua ixteko. Dantzak, sukaldaritza, kirolak, euskara… urtean zehar garatutako ekintzen erakustaldiekin agurtu dute euskal argentinarrek badoan urteari. Euskararen Egunari buruzko bigarren artikulu honetan, Buenos Airesko Laurak Bat, José C. Paz-eko Toki Eder, Villegasko Euskaldunak, Olavarriako Gure Etxe Maitia, San Migelgo Askatasunaren Bidea, Concordiako Ibaiko Izarra, Mendozako Denak Bat eta Rosarioko Zazpirak Bat euskal etxeetatik heldu zaizkigun berrien laburpena.

Gehiago Irakurri…

Argentinako hainbat euskal etxetako euskaltzaleek Euskararen Eguna ospatu dute joan den asteburuan

Argentinako hainbat euskal etxetako euskaltzaleek Euskararen Eguna ospatu dute joan den asteburuan

Urtero bezala, 2011 honetan ere Diasporako euskara ikasle, irakasle eta lagunek ekitaldi bereziak antolatu dituzte Euskararen Nazioarteko Eguna ospatzeko. Proposamenak ugariak izan dira, helburua bat bera: euskal hizkuntzarekiko engaiamendua adierazi eta aldarrikatzea. Abenduaren 3an, San Frantzisko Xabier eta Euskararen Nazioarteko Egunean, hainbat hitzaldi, jolas, bideo eta kantarekin protagonista izan zen euskara. Hona Argentinako zenbait lekutatik iritsi zaizkigun berriak, euskal etxe hauetan: Chascomuseko Zingirako Euskaldunak, Lapridako Lagunen Etxea, Cordobako Gerora, Arrecifeseko Euskaldunak Denak Bat, Rio Cuartoko Gure Ametza, eta Buenos Aireseko Euskaltzaleak euskaltegia.

Gehiago Irakurri…


bisita