Hispanoa? Ni euskalduna naiz; John Garamendi AEBetako kongresukideak argi dauka: I'm Basque

Hispanoa? Ni euskalduna naiz; John Garamendi AEBetako kongresukideak argi dauka: I'm Basque

2013/02/13

Associated Press berri agentziak artikulu deigarri bat plazaratu du, AEBetako Kongresuko diputatu hispanoen kopurua zehazteko zailtasunei buruz. Arrazoia zera da, zerrendatan batzuetan komunitate horretako kide gisa agertzen diren diputatuetako batzuk ez dutela euren burua hispanotzat jotzen. John Garamendi kongresukide euskal-kaliforniarrak, esaterako, argi dauka: I'm Basque (ni euskalduna naiz), dio. AEBetako 2011ko erroldan 53.045 lagunek onartu zuten euren burua euskaldunen ondorengotzat.

Gehiago Irakurri…

Txikien taldea eta euskararen aldekoa apustu handiak Corpus Christiko Eusko Etxean 2013aren hasieran

Txikien taldea eta euskararen aldekoa apustu handiak Corpus Christiko Eusko Etxean 2013aren hasieran

Garrantzi handiko bi urrats eman ditu Argentinako Corpus Christiko Eusko Etxeak urte berriari hasiera emateko, eta biak helburu argi eta sendoekin. Alde batetik, Chascomuseko Zingirako Euskaldunak euskal etxeak antolatutako Udalekun hartu zuten parte Misiones probintziako euskal etxe honetako bi neskak. Bestetik, eta lehen aldiz bere historian, Corpus Christiko euskal etxeko gazte bat euskara irakasle trebatuko da Euskara Munduan proiektuaren baitan. Bi esperientziak oso emankorrak izan dira eta animatu zuten erakundea bere proiektuekin inoiz baino bizkorrago jarraitzeko. Izan ere, honez gero euren Euskal Jaiaren data iragarri du Eusko Etxeak: uztailaren 13an izango da, hainbat lagun gonbidatu.

Gehiago Irakurri…

Bihar abiatuko du Buenos Aireseko Udako Euskal Unibertsitateak bere bosgarren edizioa

Bihar abiatuko du Buenos Aireseko Udako Euskal Unibertsitateak bere bosgarren edizioa

Bihar irekiko ditu berriz ere ateak Euskal Echea elkarteak sustatzen duen Udako Euskal Unibertsitateak. Aurtengo egitaraua aurreko urteetakoenak baino laburragoa izango da, otsailaren 13tik 22ra. Aldi berean, bi mintegi osagarri eta doako eskainiko ditu bosgarren edizio honek, euskal zineari eta euskal ekonomiari buruz hurrenez-hurren. Eskolak Euskal Echea Institutuaren Sarandi kaleko egoitzan izango dira eta parte hartzeko ez da beharrezkoa aurretik ezagutzak izatea.

Gehiago Irakurri…

Euskal kulturari buruzko topaketa abiatuko da gaur Valentzian, Etxepare Institutuak sustatuta

Euskal kulturari buruzko topaketa abiatuko da gaur Valentzian, Etxepare Institutuak sustatuta

Valentziako Unibertsitateko Filologia, Itzulpen eta Komunikazio Fakultateak eta Etxepare Euskal Institutuak antolatuta, euskal kulturari buruzko jardunaldiak hasiko dira gaur bertan. Topaketak otsaila eta maiatza bitartean egingo dira, eta hizkuntza, literatura, zinema eta musika izango dira saioen ardatza. Hizlariak Garikoitz Knör de Santiago, Mari Jose Olaziregi (Etxepare), Iban Zaldua idazlea, Joxean Fernandez Euskadiko Filmategiaren zuzendaria eta Mikel Markez eta Eñaut Elorrieta musikariak izango dira.

Gehiago Irakurri…

Sei atalek osatuko dute ‘Euskara Jendea’ liburuan oinarritutako izen bereko dokumentala

Sei atalek osatuko dute ‘Euskara Jendea’ liburuan oinarritutako izen bereko dokumentala

2013/02/12

Juan Carlos Etxegoien ‘Xamar’en ‘Euskara Jendea’ liburuak euskal hizkuntzak eta kulturak izan duten ibilbide historikoa eta munduan duten presentzia aztertu zuen era didaktiko, ulerterraz eta atseginean. Testuak arrakasta handia lortu zuen Euskal Herrian eta –gaztelaniara itzulitako bertsioari esker- baita Hego Ameriketako Diasporan ere. Hori dela eta, beste urrats bat ematea erabaki zuen liburuaren egileak: Ibaizabal Mendebalde Kultur elkartea ekoizle eta Zenbat Gara kultur elkartearen laguntzarekin, ‘Euskara Jendea’ dokumental bihurtzeko bidean dago. Proiektuaren arduradunen esanetan, lana “ikusentzunezko esparruan zegoen hutsunea betetzera dator, lengoaia honek duen zabalpenerako dohaina baliatuz”. Dokumental sortak hainbat hizkuntzatako azpitituluak izango ditu eta urtea bukatu aurretik egongo da ikusgai.

Gehiago Irakurri…

EuskalKultura.com-ek antolatutako argazki kameraren zozketa: parte hartzeko azken egunak dituzu

EuskalKultura.com-ek antolatutako argazki kameraren zozketa: parte hartzeko azken egunak dituzu

2013/02/11

Argazki kameraren zozketaren azken txanpan sartu gara. Ostiralean, hilak 15, izango baita zure lanak aurkezteko azken eguna. Anima zaitez! Segi zure ordenagailuko disko gogorrera eta hasi bila, ziur baduzula euskal kultura, paisaia edo izaerari loturiko argazki ederrik. Bidalizkiguzu info@euskalkultura.com helbidera eta zozketan parte hartuko duzu, geroz eta argazki gehiago bidali, orduan eta aukera gehiago izango dituzu Canon PowertShot SX120 IS argazki kamera irabazteko (gehienez bost argazki pertsonako).

Gehiago Irakurri…

Zinez positibotzat jo du Asier Vallejo Diasporarako zuzendariak Estatu Batuetara egiten ari den bidaia

Zinez positibotzat jo du Asier Vallejo Diasporarako zuzendariak Estatu Batuetara egiten ari den bidaia

Bidaiaren azken zatian, baina aurrera darrai --Estatu Batuetan arras txarra suertatu den eguraldiak baldintzatuta-- Asier Vallejo Eusko Jaurlaritzako Kanpoko Euskal Gizataldeekiko zuzendaria, bere bulegoko Benan Oregi teknikaria lagun Ipar Ameriketako zenbait euskal etxe eta estatutara egiten ari den bidaia, kargua hartu zuenetik lehena. Vallejok zinez positibotzat jo du orain arteko ostera. Gaur gauean New Yorkera helduko dira Boisetik, asteazkenean Euskal Herrirako bidea hartzeko.

Gehiago Irakurri…

XIX. mendeko Mexikoko euskal immigranteen zerrenda jarri dute sarean eskuragarri

XIX. mendeko Mexikoko euskal immigranteen zerrenda jarri dute sarean eskuragarri

VascosMexico posta zerrendako lagunei esker jakin dugu sarean eskuragarri dela Mexikora emigratu zuten euskaldunen zerrenda interesgarri hau. Josu Ruiz de Gordejuela historialariak bildutako datuak dira, "Guía de Vascos y Navarros en México. Siglo XIX" izenburupean. Instituto Nacional de Estudios Históricos de las Revoluciones de México delakoak sarean jarri ditu eta bertan XIX. mendean herrialde honetan lekutu ziren 4.700 immigrante euskaldunen datuak agertzen dira.

Gehiago Irakurri…

Boisen Ingeniaritza Elektronikoan doktoretza egiteko bi beka eskaintzen dizkie BSUk euskal ikasleei

Boisen Ingeniaritza Elektronikoan doktoretza egiteko bi beka eskaintzen dizkie BSUk euskal ikasleei

2013/02/08

Boise State University-k euskal ikasleei zuzenduriko Basque PHD Scholarships izeneko beka deialdi berri bat egin du, unibertsitateko Euskal Ikasketa Programaren eta Idahoko euskal komunitatearen babesarekin. Bekak jasotzen dituztenek doktoretza egin ahal izango dute Boiseko Ingeniaritza eta Elektronika sail ospetsuan. Bekek matrikula osotasunean ordainduko dute eta, horrez gain, ikasleek 18.000 eta 24.000 dolar bitarteko diru-laguntza jasoko dute ostatu eta gastuetarako. Eskabideak martxoaren 15a baino lehen aurkeztu behar dira.

Gehiago Irakurri…

Bere 10. urtemugan, urteroko bilera ospatuko du Arturo Campion Euskal Ikasketa Guneak otsailaren 11an

Bere 10. urtemugan, urteroko bilera ospatuko du Arturo Campion Euskal Ikasketa Guneak otsailaren 11an

Urtero biltzen dira Arturo Campion Euskal Ikasketa Guneko kide eta arduradunak aurreko zikloko balantzea egite aldera. Aurten, ordea, berezia izango da elkarretaratzea elkarteak 10 urte beteko dituelako datorren apirilaren 5ean. Bilkura Ikasketa Gunearen egoitza den Lapridako Lagunen Etxea euskal etxean izango da datorren astelehenean eta egun osoko programa beteko dute gonbidatuek, tartean, barne lana, aurreko zikloko balantzea, prentsaurrekoa eta urteurreneko afaria. Egitaraua bukatuta, euskal etxeko kideekin batera herriko inauterietan parte hartzeko aukera ere izango dute Arturo Campion Euskal Ikasketa Guneko lagunek.

Gehiago Irakurri…


bisita