Fuente: Irekia - Gobierno Vasco
2013-03-01 Hiru euskal olerkariak Dublinen izan ziren atzo, haien poemak eta baita Miren Agur Meaberenak ere jaso dituen Forked Tongues antologia aurkezten. Bertan argitaratu diren lanak irakurri zituzten idazleek, euren itzultzaileekin batera, arrakasta handia lortuz. Bertaratu zirenen eta komunikabideen artean Euskal Herriarekiko jakin min handia piztu zuten idazleok, Mari Jose Olaziregik bertatik adierazi duenez. Gaur beste irakurketa bat egingo dute Corkeko Unibertsitatean.
Topagunea Euskara Elkarteen Federazioak antolatzen duen Laburbira film laburren zirkuitua hamargarrenez burutuko da aurten. Hamar urte hauetan ehunka emanaldi eskaini ditu Euskal Herriko hamaika txokotan, baita Euskal Herritik kanpo ere. Aurten kanpoan egingo dituzten emanaldiak martxoaren 8an Londresko Oxford Housen eta martxoaren 23an Parisko Euskal Etxean izango dira.
2013-02-28 Traspasos konpainia arabarraren Avanti antzezlana eta Iruñeko Gaiarre Antzokiko Fundazioaren La importancia de llamarse Ernesto ekoizpena Max sarietan ikuskizun berri onenak jasoko duen sarirako hautagai izango dira. Aurtengo Max Sariak datorren maiatzaren 13an banatuko dira.
2013-02-28 Manuela Palacios editoreak galizieraz, katalanez eta euskaraz idatzitako olerkiak bildu ditu Shearmans Books argitaletxeak plazaratu duen antologia honetan, ingelesera itzulita. EuskarazkoakItxaro Borda, Castillo Suárez, Leire Bilbao eta Miren Agur Meabek idatzitakoak eta Celia de Fréine, Catherine Phil MacCarthy, Susan Xonnolly eta Paddy Bushek itzulitakoak dira. Gaur aurkeztuko dute, Dublineko Cervantes Institutuan, idazletako asko bertan izango direlarik; bihar liburuaren irakurketa egiteko dute Cork hiriko Unibertsitatean (UCC).
2013-02-27 Martxoaren 1an hasi eta 9a bitartean Guadalajarako Nazioarteko Zinemaldia burutuko da Mexikon. Zinemaldiak munduko hainbat herrialdetako azken produkzioak ekarriko ditu Mexikoko hirira eta aurtengo egitarauaren barruan euskal zinemak presentzia izango du.