Obabakoak eleberriaren 25. urteurrena kari, Madrilgo kulturgune nagusienek Bernardo Atxaga idazlearen unibertsoa erakutsiko dute, martxoaren 20tik apirilaren 7a bitartean eskainiko duten programazio bereziarekin. Hitzaldiak, zinea, antzerki lanak eta Atxagari buruzko ikus-entzunezko baten estreinaldia egingo dira, besteak beste, Centro Dramático Nacional, Casa del Lector eta Matadero Madrid zentroetan, Etxepare Euskal Institutuarekin elkarlanean.
2013/03/13
Diaspora osora hedatzen ari da, ostegunean Andoaindik aterako den Korrikaren oihartzuna eta leku bakoitzean bertako erara ospatuko da. Buenos Aires hiriburuko Lizarraenea euskal gunean, esaterako, ‘Korrika Kulturala’ antolatuko dute. Hitzordua, dstorren larunbatean da, iluntzeko 8:30etan, Mexiko kaleko etxean. Hortxe berean, baina martxoaren 22 eta 23an Aberri Eguna ospatuko dute Ekin Argitaletxeak eta Eusketxek deituta, zabaldu berria duten 2013ko ekintzen egitarau barnean. Euskara eta dantza klaseak; musika eta Euskal Herriari buruzko tailerrak; eta arte erakusketak eta ardo dastaketak dira Eusko Kultur Etxeak aurten eskainiko dituen ekintzetako batzuk.
2013/03/13
Eusko Jaurlaritzaren Gobernu Kontseiluak bi izendapen berri onartu ditu gaur goizean Kanpo Harremanetarako arloan, hain zuzen ere Ander Caballero Barturen izendatu du Estatu Batuak, Kanada eta Mexikoko Ordezkaritzako buru, eta Rafael Kutz Garaizabal, Txile eta Peruko Ordezkaritzako. Aurretik, otsailaren 26an, Argentina, Brasil, Paraguai eta Uruguaiko Ordezkari izendatu zuen Sara Pagola.
2013/03/12
Krisi ekonomikoa dela eta, Dantzan.com webguneak itxi egin behar izan zuen iaz, baina irakurleek eginiko kanpainari esker, diru iturri eta laguntza berriak eskuratu zituen eta berriz ere ireki zen. Alta, arazoak ez dira amaitu eta webguneak diru iturri berriak behar ditu martxan jarraitzeko, orduan jaso zuen laguntza hura ez delako nahikoa. Gauzak horrela, Dantzan.com-eko zaleek sostenguekonomikoa emateko babesle-taldea sortzea erabaki dute. Munduko euskal dantzarien bilgune birtual honek aurrera egitea nahi baduzu, egin zaitez zu ere babesle!
2013/03/12
Tradizio handia dauka Buenos Aires probintzian Ayacuchoko Txahalaren Festak. Astebetez luzatzen den ekitaldi honek bi helburu ditu: alde batetik eta aspaldiko ohiturari jarraituz, animaliak xakitzea; bestetik, herriko elkarte eta artista anitzen partaidetza lagun, kultur jai handi bat proposatzea. Festaren baitan burutu zuten Euskal Odola Euskal Etxeko kideek euren lagun arteko topaketa. Sarmiento kaleko egoitzan Argentinako eta Euskal Herriko erritmoak nahastu ziren eta, herriko jai giroa euskal kutsuz bustiz, Pirinio magaletako dantzak oparitu zizkioten publikoari etxe anfitrioiko neskek.
2013/03/12
Baita ere ...
Gaur hasiko dira Buenos Aireseko Euskaltzaleak Euskaltegian 2013ko euskara klase eta tailerrak
2013/03/11
Boiseko Korrika 18: Why do we speak euskara? Euskal hizkuntzaz gozatzen dugulako!
2013/03/11
Barilocheko Mendiko Euzko Etxea EEko kideak erakundearen egoitzaren berrikuntzan murgilduta
2013/03/11
Euskal Herria Mugaz Gaindi Mintegiak emigranteen itzulera aztertuko du ekainean
2013/03/08
Abian da Pello Mari Otañoren omenezko bertsopaper lehiaketa, Diasporarentzako atal bereziarekin
2013/03/08
Euskal partaidetza Las Floresko Azokan, Graciana Goicoechandiak berrituko ez duela lehendakari gisa
2013/03/08
