Buenos Aireseko Lizarraeneak Korrika 18 eta Aberri Eguna ospatzeko ekitaldietan parte hartzera deitu du

Buenos Aireseko Lizarraeneak Korrika 18 eta Aberri Eguna ospatzeko ekitaldietan parte hartzera deitu du

Diaspora osora hedatzen ari da, ostegunean Andoaindik aterako den Korrikaren oihartzuna eta leku bakoitzean bertako erara ospatuko da. Buenos Aires hiriburuko Lizarraenea euskal gunean, esaterako, ‘Korrika Kulturala’ antolatuko dute. Hitzordua, dstorren larunbatean da, iluntzeko 8:30etan, Mexiko kaleko etxean. Hortxe berean, baina martxoaren 22 eta 23an Aberri Eguna ospatuko dute Ekin Argitaletxeak eta Eusketxek deituta, zabaldu berria duten 2013ko ekintzen egitarau barnean. Euskara eta dantza klaseak; musika eta Euskal Herriari buruzko tailerrak; eta arte erakusketak eta ardo dastaketak dira Eusko Kultur Etxeak aurten eskainiko dituen ekintzetako batzuk.

Gehiago Irakurri…

Argentinako eta Euskal Herriko dantzek bat egin zuten Ayacuchon Txahalaren 41. Festa Nazionalean

Argentinako eta Euskal Herriko dantzek bat egin zuten Ayacuchon Txahalaren 41. Festa Nazionalean

Tradizio handia dauka Buenos Aires probintzian Ayacuchoko Txahalaren Festak. Astebetez luzatzen den ekitaldi honek bi helburu ditu: alde batetik eta aspaldiko ohiturari jarraituz, animaliak xakitzea; bestetik, herriko elkarte eta artista anitzen partaidetza lagun, kultur jai handi bat proposatzea. Festaren baitan burutu zuten Euskal Odola Euskal Etxeko kideek euren lagun arteko topaketa. Sarmiento kaleko egoitzan Argentinako eta Euskal Herriko erritmoak nahastu ziren eta, herriko jai giroa euskal kutsuz bustiz, Pirinio magaletako dantzak oparitu zizkioten publikoari etxe anfitrioiko neskek.

Gehiago Irakurri…

Gaur hasiko dira Buenos Aireseko Euskaltzaleak Euskaltegian 2013ko euskara klase eta tailerrak

Gaur hasiko dira Buenos Aireseko Euskaltzaleak Euskaltegian 2013ko euskara klase eta tailerrak

Udako oporraldia bukatuta, dena dago prest Euskaltzaleak-en egoitzan ikasturte berriko ikastaroekin hasteko. Urtero bezala, kurtso eskaintza oso zabala da bai mailei bai ordutegiei dagokienez. Baina euskara irakaskuntza helburu nagusia bada ere, Euskal Herriko beste kultur adierazpen batzuk ere landuko ditu hiriburuko euskaltegiak, tartean, kantua, musika eta dantza. EuskalKultura.com-en artikulu honetan, Euskaltzaleak-eko 2013ko zikloko eskolen egitaraua.

Gehiago Irakurri…

Barilocheko Mendiko Euzko Etxea EEko kideak erakundearen egoitzaren berrikuntzan murgilduta

Barilocheko Mendiko Euzko Etxea EEko kideak erakundearen egoitzaren berrikuntzan murgilduta

Bazkari bat egin zuten Barilocheko euskal etxeko lagunek euren obraren pauso berriak ospatzeko. Joan den abenduan hasitako berritze lanak bere fruituak ematen hasi dira eta Mendiko Euzko Etxea gero eta itxura hobea ari da hartzen. Lan handia egin dute azken aste hauetan instituzioko lagunek eta martxoaren 3an xoborrez egindako aparkalekua estreinatu zuten. Egiteke dauden konponketak ez dira gutxi, baina gogoz ari dira Barilocheko euskal lagunak euren ametsa bete nahian: “Mendiko Euzko Etxea berriro zutik ikustea”.

Gehiago Irakurri…

Euskal partaidetza Las Floresko Azokan, Graciana Goicoechandiak berrituko ez duela lehendakari gisa

Euskal partaidetza Las Floresko Azokan, Graciana Goicoechandiak berrituko ez duela lehendakari gisa

Joan den asteburuan gauzatu zen Buenos Aires probintziako Las Flores herrian Gizataldeen Azokaren laugarren edizioa. Bertan izan ziren Loretako Euskaldunak euskal etxeko kideak euskal kultura eta euskal errezetak komunitate osoarekin partekatzen. Hau izan da Las Floresko euskal erakundearen urteko lehenengo ekintza. Hurrengoa, ordea, Urteroko Ohiko Biltzarra izango da agintari berriak hautatzeko. “Lau agintaldi egin ditut eta orain lehendakaritza uzteko momentua heldu da” adierazi du tristura apur batekin Graciana Goicoecheandiak. “Hala ere euskal etxeak epe honetan lortutako gauzen zerrenda ez da laburra eta hori pozik egoteko arrazoi bat da”, esan dio EuskalKultura.com-i.

Gehiago Irakurri…

Badator Cañuelaseko Denak Bat-en Aberri Eguneko Dantzari Topaketa: jaia apirilaren 6 eta 7an izango da

Badator Cañuelaseko Denak Bat-en Aberri Eguneko Dantzari Topaketa: jaia apirilaren 6 eta 7an izango da

Zazpigarren urtez jarraian bilduko dira Buenos Aires probintziako Cañuelas herrian inguruko euskal etxeetako gazte dantzariak Aberri eguna ospatzeko. Aurtengo deialdia, apirilaren 6 eta 7an izango da eta antolatzaileek jakinarazi dutenez, aldaketa gutxi asteburuko egitarauan: ordezkaritzen harrera larunbat goizean; dantza emanaldia iluntzean eta agurra igande eguerdian. Vaucherren prezioari dagokionez, 320 peso, dantzari eta zuzendarientzat, eta 350, lagunentzat.

Gehiago Irakurri…

Jose C. Paz-eko Toki Eder EEak Aitor Pescador irakaslearen bisita tarteko ekin dio 2013ko programari

Jose C. Paz-eko Toki Eder EEak Aitor Pescador irakaslearen bisita tarteko ekin dio 2013ko programari

Urtero bezala, martxoaren hasierarekin batera urte osorako ekintzen egitaraua aurkeztu du Jose C. Paz hiriko euskal etxeak, Buenos Aires probintzian. Proposamena zabala da eta mota askotako aktibitatetan parte hartzeko gonbitea luzatzen dio komunitateari. Euskararena izango da aurten hasiko den lehenengo ikastaroa eta horri dantzak, arte plastikoak, literatura eta beste hainbat eskaintza jarraituko dizkiote. Oporosteko mugimendua, ordea, otsailean hasi zen nabaritzen Toki Eder-en egoitzan. Izan ere Natalia Laborde eta Aitor Pescador bikotearen bisita jaso zuten euskal etxeko kideek, joan den ostegunean.

Gehiago Irakurri…

Zingirako Euskaldunak Euskal Herriko ordezkari ‘Museo Pampeano’k antolatuko duen gizataldeen jaian

Zingirako Euskaldunak Euskal Herriko ordezkari ‘Museo Pampeano’k antolatuko duen gizataldeen jaian

‘Ekialde eta Mendebaldeko erritmo, usain eta zaporeak’ du izena Chascomuseko Museo Pampeano delakoan burutuko den Kolektibitateen Festak. Beste zenbait gizatalderekin batera, euskaldunek ere muntatuko dute euren txokoa, euskal kultura zabaldu eta eskolako material bilketa gauzatzeko. Jaia martxoaren 9an izango da, gaueko 9etan, eta herri askotako janari tipikoak egongo dira dastagai. Datorren ostiralean, bestalde, Emakumearen Eguna ospatuko du Euskal Etxeak eta martxoaren 23an, Urteroko Ohiko Biltzarra egingo.

Gehiago Irakurri…

Gral. Rodriguezko Eusko Aterpeak datorren larunbatean irekiko du 2013ko egitaraua, afari batekin

Gral. Rodriguezko Eusko Aterpeak datorren larunbatean irekiko du 2013ko egitaraua, afari batekin

2013ko egitaraua hasi dira prestatzen Gral. Rodriguezko Eusko Aterpea Euskal Etxeko kideak. Lagunen arteko afariak eta publiko orokorrari begira antolatzen diren janari salmentak hil honetan hasiko dira; hil honetan ere euskara klaseetarako izen-ematea eta Ohiko Biltzar Orokorra burutuko dira. Urtea joan ahala, proposamen gehiago luzatuko zaizkio komunitateari: musika tailerrak, zine zikloa eta hitzaldiak, besteak beste. Baina urtarril-otsailean ere ez da gedlirik egon Eusko Aterpea, izan ere ‘Mas Mus’ taldeko kideek ez zuten oporrik hartu eta etxeko dantzariek ere oso goiz ekin diote entsegu sasoinari.

Gehiago Irakurri…

Londresko EEak bihar grabatuko du Korrika klipa; berotu zeure euskal etxekoak eta egin zeuk ere zeurea!

Londresko EEak bihar grabatuko du Korrika klipa; berotu zeure euskal etxekoak eta egin zeuk ere zeurea!

Korrika 18k bideoklip lehiaketa bat jarri du abian eta Euskal Herriko eta munduko euskaldunei euskararen aldeko lasterketa herrikoiari buruzko bideoak bidaltzeko gonbitea luzatu die. Bi baldintza nagusi daude: gehienez bost minutuko iraupena izan dezakete bideoek eta Esne Beltza taldeak 18. edizio honetarako egin duen abestia erabili behar da (osorik, zati bat...). Londreseko Euskal Etxekoak animatu dira dagoeneko: bihar bertan hiriko hainbat lekuetan grabatuko dute klipa. Edonork parte har dezake. Anima itzazu beraz zure euskal etxekoak, eta tipi-tapa! bidali zeuon bideoa!

Gehiago Irakurri…


bisita