Dokumentu Akzioak

Albistegia

Maila bat gorago
Atxagaren unibertsoa ikusgai izango da Madrilen, 'Obabakoak' eleberriaren 25. urteurrena dela eta

Atxagaren unibertsoa ikusgai izango da Madrilen, 'Obabakoak' eleberriaren 25. urteurrena dela eta

2013/03/13

Obabakoak eleberriaren 25. urteurrena kari, Madrilgo kulturgune nagusienek Bernardo Atxaga idazlearen unibertsoa erakutsiko dute, martxoaren 20tik apirilaren 7a bitartean eskainiko duten programazio bereziarekin. Hitzaldiak, zinea, antzerki lanak eta Atxagari buruzko ikus-entzunezko baten estreinaldia egingo dira, besteak beste, Centro Dramático Nacional, Casa del Lector eta Matadero Madrid zentroetan, Etxepare Euskal Institutuarekin elkarlanean.

Gehiago Irakurri…

Buenos Aireseko Lizarraeneak Korrika 18 eta Aberri Eguna ospatzeko ekitaldietan parte hartzera deitu du

Buenos Aireseko Lizarraeneak Korrika 18 eta Aberri Eguna ospatzeko ekitaldietan parte hartzera deitu du

Diaspora osora hedatzen ari da, ostegunean Andoaindik aterako den Korrikaren oihartzuna eta leku bakoitzean bertako erara ospatuko da. Buenos Aires hiriburuko Lizarraenea euskal gunean, esaterako, ‘Korrika Kulturala’ antolatuko dute. Hitzordua, dstorren larunbatean da, iluntzeko 8:30etan, Mexiko kaleko etxean. Hortxe berean, baina martxoaren 22 eta 23an Aberri Eguna ospatuko dute Ekin Argitaletxeak eta Eusketxek deituta, zabaldu berria duten 2013ko ekintzen egitarau barnean. Euskara eta dantza klaseak; musika eta Euskal Herriari buruzko tailerrak; eta arte erakusketak eta ardo dastaketak dira Eusko Kultur Etxeak aurten eskainiko dituen ekintzetako batzuk.

Gehiago Irakurri…

Jaurlaritzak Euskadiko Ordezkari berriak izendatu ditu AEBetan, Ander Caballero, eta Txilen, Rafael Kutz

Jaurlaritzak Euskadiko Ordezkari berriak izendatu ditu AEBetan, Ander Caballero, eta Txilen, Rafael Kutz

2013/03/12

Eusko Jaurlaritzaren Gobernu Kontseiluak bi izendapen berri onartu ditu gaur goizean Kanpo Harremanetarako arloan, hain zuzen ere Ander Caballero Barturen izendatu du Estatu Batuak, Kanada eta Mexikoko Ordezkaritzako buru, eta Rafael Kutz Garaizabal, Txile eta Peruko Ordezkaritzako. Aurretik, otsailaren 26an, Argentina, Brasil, Paraguai eta Uruguaiko Ordezkari izendatu zuen Sara Pagola.

Gehiago Irakurri… [ Erantzun bat ]

Nik ere babesten dut Dantzan.com: lagun ezazu euskal dantzari buruzko gune hau bizirik mantentzen

Nik ere babesten dut Dantzan.com: lagun ezazu euskal dantzari buruzko gune hau bizirik mantentzen

2013/03/12

Krisi ekonomikoa dela eta, Dantzan.com webguneak itxi egin behar izan zuen iaz, baina irakurleek eginiko kanpainari esker, diru iturri eta laguntza berriak eskuratu zituen eta berriz ere ireki zen. Alta, arazoak ez dira amaitu eta webguneak diru iturri berriak behar ditu martxan jarraitzeko, orduan jaso zuen laguntza hura ez delako nahikoa. Gauzak horrela, Dantzan.com-eko zaleek sostenguekonomikoa emateko babesle-taldea sortzea erabaki dute. Munduko euskal dantzarien bilgune birtual honek aurrera egitea nahi baduzu, egin zaitez zu ere babesle!

Gehiago Irakurri…

Bizkaiko Foru Aldundia pozik Mexikon sinatutako lankidetza akordioekin; euskal enpresen kokatzea sustatuko dute

Bizkaiko Foru Aldundia pozik Mexikon sinatutako lankidetza akordioekin; euskal enpresen kokatzea sustatuko dute

Balantze emankorra egin du Bizkaiko Foru Aldundiak Mexikora iragan astean egindako bidaiaz. Bost eguneko epean, Bizkaiko hainbat enpresatako ordezkariek 500 bat lan bilera izan dituzte mexikar enpresa eta erakundeekin eta Aldundiak hiru lankidetza akordio garrantzitsu sinatu ditu Mexikon. Aipagarriena Mexikoko Ekonomia Ministerioarekin adostu den lankitza-hitzarmena, horrek euskal enpresak Mexikon kokatzeko bideak erraztuko dituelako. Egonaldian Mexikoko euskal komunitatearekin harremanak estutzeko aukera izan zuen ordezkaritzak, Euskal Etxean egindako afarian.

Gehiago Irakurri…

Argentinako eta Euskal Herriko dantzek bat egin zuten Ayacuchon Txahalaren 41. Festa Nazionalean

Argentinako eta Euskal Herriko dantzek bat egin zuten Ayacuchon Txahalaren 41. Festa Nazionalean

Tradizio handia dauka Buenos Aires probintzian Ayacuchoko Txahalaren Festak. Astebetez luzatzen den ekitaldi honek bi helburu ditu: alde batetik eta aspaldiko ohiturari jarraituz, animaliak xakitzea; bestetik, herriko elkarte eta artista anitzen partaidetza lagun, kultur jai handi bat proposatzea. Festaren baitan burutu zuten Euskal Odola Euskal Etxeko kideek euren lagun arteko topaketa. Sarmiento kaleko egoitzan Argentinako eta Euskal Herriko erritmoak nahastu ziren eta, herriko jai giroa euskal kutsuz bustiz, Pirinio magaletako dantzak oparitu zizkioten publikoari etxe anfitrioiko neskek.

Gehiago Irakurri…

Bertsolaritza lantegia Liverpoolgo Unibertsitatean, gaur abiatuko den Iberian Week mintegiaren barruan

Bertsolaritza lantegia Liverpoolgo Unibertsitatean, gaur abiatuko den Iberian Week mintegiaren barruan

Aurten ere Iberian Week mintegia egingo du Liverpoolgo unibertsitateak, gaur hasi eta ostirala bitartean, eta topaketa horren barruan euskal, kataluniar eta galiziar kulturen hainbat arlo aztertuko dira. Gaur asteleheneko ardatza bertsolaritza izango da, bi ekitaldirekin: "Bertsolari" filmaren emanaldia eta, jarraian, Itxaso Payak gidatuko duen inprobisazio tailerra. Asteazkenean espainiar transizioari buruzko hitzaldia emango du Juan Arana Cobos, unibertsitateko euskara irakurleak, eta ostegunean euskal fikzio garaikidea izango du hizpide Gorka Mercerok.

Gehiago Irakurri…

Boiseko Korrika 18: Why do we speak euskara? Euskal hizkuntzaz gozatzen dugulako!

Boiseko Korrika 18: Why do we speak euskara? Euskal hizkuntzaz gozatzen dugulako!

Korrika 18 larunbatean heldu zen Boisera, hiriko euskaltzale talde mardul batek antolatu zuen "Fun Run" izeneko ekitaldiari esker. Euskal Etxearen atarian bildu ziren goizean goiz Boiseko Ikastolako ikasleak eta gurasoak, hiriko euskara ikasleak eta irakasleak eta makina bat euskal-boisetar, korrika egiteko prest. Horien artean izan zen John Bieter historialaria, Idahoko euskal komunitateko kide ezaguna berau. Lasterketa abiatu aurretik Bieterrek euskararen aldeko hitz batzuk egin zituen, Oesteko euskaldunen gisara, euskara eta ingelesa aisa tartekatuz. "Euskara euskal kultura ezagutzeko giltza da", esan zuen, "so let's enjoy euskara!" (euskaraz goza dezagun!)

Gehiago Irakurri…

Gaur hasiko dira Buenos Aireseko Euskaltzaleak Euskaltegian 2013ko euskara klase eta tailerrak

Gaur hasiko dira Buenos Aireseko Euskaltzaleak Euskaltegian 2013ko euskara klase eta tailerrak

Udako oporraldia bukatuta, dena dago prest Euskaltzaleak-en egoitzan ikasturte berriko ikastaroekin hasteko. Urtero bezala, kurtso eskaintza oso zabala da bai mailei bai ordutegiei dagokienez. Baina euskara irakaskuntza helburu nagusia bada ere, Euskal Herriko beste kultur adierazpen batzuk ere landuko ditu hiriburuko euskaltegiak, tartean, kantua, musika eta dantza. EuskalKultura.com-en artikulu honetan, Euskaltzaleak-eko 2013ko zikloko eskolen egitaraua.

Gehiago Irakurri…

Barilocheko Mendiko Euzko Etxea EEko kideak erakundearen egoitzaren berrikuntzan murgilduta

Barilocheko Mendiko Euzko Etxea EEko kideak erakundearen egoitzaren berrikuntzan murgilduta

Bazkari bat egin zuten Barilocheko euskal etxeko lagunek euren obraren pauso berriak ospatzeko. Joan den abenduan hasitako berritze lanak bere fruituak ematen hasi dira eta Mendiko Euzko Etxea gero eta itxura hobea ari da hartzen. Lan handia egin dute azken aste hauetan instituzioko lagunek eta martxoaren 3an xoborrez egindako aparkalekua estreinatu zuten. Egiteke dauden konponketak ez dira gutxi, baina gogoz ari dira Barilocheko euskal lagunak euren ametsa bete nahian: “Mendiko Euzko Etxea berriro zutik ikustea”.

Gehiago Irakurri…


bisita