Hemen zaude: Hasiera Albisteak artikulua
Txindurri du izena Montevideoko Euskal Erria EEan sortu den euskal folka lantzen duen bikoteak

Txindurri du izena Montevideoko Euskal Erria EEan sortu den euskal folka lantzen duen bikoteak

2009/12/21

Txindurri du izena Uruguaiko Euskal Erria Euskal Etxearen baitan sortu den euskal folk bikoteak. Bertako bi euskara ikaslek, Leonel Aguirre eta Martin Zabalzak, osatzen dute. Gitarra bana lagun euskal kantutegi tradizionaleko zein berriko kantuak kantatzen dituzte, tartean 'Xalbadorren heriotzean', 'Loretxo bat' edo 'Azken dantza' bezalakoak. Orain artean euskal etxearen baitan ibili izan dira gehienbat, baina joan den azaroan Montevideoko Musika Zelta Jaialdian aritu ziren gonbidatu, euskal komunitatetik kanpoko lehenengo emanaldia burutuz, arrakastatsu burutu ere.

Gehiago Irakurri…

Macachingo Euzko Alkartasuna Euskal Etxeak 'Dantzari Jai' gogoangarri batez ospatu zuen bere 50. urteurrena

Macachingo Euzko Alkartasuna Euskal Etxeak 'Dantzari Jai' gogoangarri batez ospatu zuen bere 50. urteurrena

Mende erdi bat joan da La Pampa probintzia argentinarreko Macachin herriko euskaldunak lehendabizikoz bildu zirenetik euskal etxea sortzearren. Argentinako Mus Txapelketa eta lehendabiziko Zuzendaritza Batzordeari eginiko afari omenaldia urteurrena ospatzeko egitarauko parte dira. Abenduaren 13an, 300dik gora jendek hartu zuten parte bazkari erraldoi batean. Hitzorduan, omenaldia egin zitzaion Raul Mujika zenari, erakundeko Kultur Gela-ri bere izena jarriz, bere seme-alaben aurreskuak edertutako ekitaldian. Beste herri batzuetako euskaldunek ere hartu zuten parte, Bahia Blanca, Puerto Madryn, Villa Mercedes, Laprida eta Santa Rosakoak batzuk aipatzearren. Pozik emaitzarekin, 'ez zen jai arrunta izan, Macachin-go euskal etxearen marka izan zuen', azaldu diote EuskalKultura.com-i antolatzaileek.

Gehiago Irakurri…

10. urteurrena ospatzeko 'Maral' taldeak bere disko berrirako abestiak proposatzera gonbidatu du publikoa

10. urteurrena ospatzeko 'Maral' taldeak bere disko berrirako abestiak proposatzera gonbidatu du publikoa

2009/12/18

Maral talde argentinarrak hamar urte beteko ditu 2010ean eta urtemuga ospatzeko oso proposamen polita atera du jarraitzaileentzat. 'Esaidazu abesti bat… eta CD bat irabazi ahal izango duzu' leloarekin gonbidatu dute publikoa disko berrirako kanta bat, gaztelaniaz nahiz euskaraz, hautatzera. Jendearen erantzuna eskertzeko, hamar cd zozkatuko dituzte parte hartzen duten lagunen artean. Abestien izenak bidaltzeko epea abenduaren 31an bukatuko da, eta datuak Facebook edo e-mailez bidali daitezke. Lan berria otsailaren bukaeran kaleratuko da.

Gehiago Irakurri…

Villa Mercedesko EEak Gernikako Arbolaren Gunea inauguratuko du igandean hiriko San Martin plazan

Villa Mercedesko EEak Gernikako Arbolaren Gunea inauguratuko du igandean hiriko San Martin plazan

2009/12/18

Villa Mercedesko Euskal Etxeak antolaturik, Gernikako Arbolaren Monumentua deitu izan dutena inauguratuko da datorren igandean hiri puntano honetako San Martin plazan. Egiazki, forjazko burdinez eginiko itxitura artistiko bat inauguratuko da, 2006an Ordiziako Udaleko ordezkariak hemen egon zirenean oparitutako Gernikako Arbolaren kimuaren inguruan ezarri dena, hura zaindu eta babestuagoa egon dadin. Inaugurazio ekitaldean, EEari atxikitako Camerata de la Luna abesbatza arituko da kantari, Ariel Ramirez-en Meza Criolloa kantatuz, besteak beste. Euskal dantzariak ere arituko dira, eta baita perkusio talde bat ere.

Gehiago Irakurri…

'Gogora ekarriz...' ekimena daroate La Platan, "egungo Euskal Etxera nola iritsi ginen ongi ezagut dezagun"

'Gogora ekarriz...' ekimena daroate La Platan, "egungo Euskal Etxera nola iritsi ginen ongi ezagut dezagun"

Joan den larunbatean, abenduaren 12an, Urte Hondarreko festaren testuinguruan gauzatu zen Argentinako La Platako Euzko Etxean "Gogora ekarriz: geure iraganeko pasadizo eta oroitzapenak" izeneko topaketa, lan-talde batek Erakundeko Historia Gordailus sortzeko bidean garatutako ekimena. Elkarretaratzeak 2010erako iragarri den ziklo baten hasiera adierazi zuen, helburua, "guztiek ongi jakin dezagun nola iritsi ahal izan den Euskal Etxea gaur egun dena izatera".

Gehiago Irakurri…

Santiago Lazo ohoratuz bukatu ditu Venezuelan Los Castores Kooperatibak bere 50. urteurreneko ekitaldiak

Santiago Lazo ohoratuz bukatu ditu Venezuelan Los Castores Kooperatibak bere 50. urteurreneko ekitaldiak

2009/12/17

Mende erdia darama Los Castores kooperatibak euskal kultura eta batez ere euskal pilota zabaltzen Venezuelan, 1959an sortu zenez geroztik. Urrats berri bat emanez, Kooperatibak Euskal Pilota Kluba sortu zuen 1970ean eta horren bitartez Venezuelako pilotari harrobia lantzen berebiziko lana egin du. Mende erdia ospatzeko kooperatibak zenbait ekitaldi egin ditu urtean zehar eta, azkenekoan, pilota partidu bat jokatzeaz gain Santiago Lazo pelotari eta kooperatibako kidea omendu dute.

Gehiago Irakurri…

140 bat euskaltzalek Euskararen Eguna eta Urte Bukaera ospatu zuten Buenos Airesko Mexiko kaleko Euskaltegian

140 bat euskaltzalek Euskararen Eguna eta Urte Bukaera ospatu zuten Buenos Airesko Mexiko kaleko Euskaltegian

Buenos Airesko Euskaltzaleak erakundeak aurten inoiz baino ikasle gehiago izan ditu. Hori, besterik gabe, ospakizunerako oso arrazoi ona da. Horregatik ikasleak, irakasleak eta euskaltegiaren lagunak bildu ziren joan den abenduaren 5ean Mexiko kaleko euskal egoitzan eguna ospatu eta aldarrikatzeko. Izan ere, eta instituzioaren lehendakari Teresa de Zavaletak esan zuenez, 'Euskal Herrian gaur euskarak eta euskaldunak eraso asko jasaten ari dira, eta testuinguru honetan zaila da jai bat egitea. Hala ere, etxe honetan lan handia egiten dugu gure hizkuntzaren alde, gero eta gehiago gara eta hau da euskarari eusteko guk dugun modua'. San Frantzisko Xabier-en egunarekin batera, urte amaiera dator Hego Amerikan, beraz festa, ikasleek prestatutako esketxak, abestiak eta jolasak agertoki ezinhobea bihurtu ziren larunbat gauean.

Gehiago Irakurri…

Arrakasta handiarekin amaitu dira Bartzelonan Oteiza 101 eta 'Ez ahaztu' oroimen historikoaren inguruko zikloa

Arrakasta handiarekin amaitu dira Bartzelonan Oteiza 101 eta 'Ez ahaztu' oroimen historikoaren inguruko zikloa

Urte amaiera zinez lanpetua izan dute --izaten ari dira-- Bartzelonako Euskal Etxekoak. Euskal Herria Sona musika jaialdiari amaitzeko denborarik eman gabe, abendu hasieratik beste bi lerro jardun dituzte arrakasta handiz Bartzelonako Euskal Etxeko kideek: Jorge Oteizaren bizitza eta proiektua eta Oroimen historikoa. Horrekin batera, eta aste honetan Egunkariaren auzia hasi dela-eta, Bartzelona eta Kataluniako Egunkariaren aldeko batzordearekin bat, elkarretaratzeetan parte hartzera deitu dute kataluniar hiriburuko Euskal Etxekoek. Hala bildu ziren atzo bertan. Aste hondarrean, bestela, ostiralean, San Tomas eta Olentzero festa egingo dute, txistorra, umore ona eta gainerako festa osagai guztiekin.

Gehiago Irakurri…

Lehenengo urteko-biltzarra egin du Kubako Athletic-en Peñak, emaitza eta aurreikuspen zinez baikorrez

Lehenengo urteko-biltzarra egin du Kubako Athletic-en Peñak, emaitza eta aurreikuspen zinez baikorrez

2009/12/16

Kubako Athletic-en Peña sortu zela zortzi hilabete pasatu diren honetan, elkartea sendotu eta indartu egin dela esan daiteke eta ibilera polita hartu duela, hilabetero bilduz, dagoeneko Klubaren aurrean ofizialdu dela eta Athletic-en Peñen Nazioarteko Elkartean sartu dela. Honelako konklusio eta emaitza baikorrak plazaratu ditu Peña kubatarrak joan den larunbatean, abenduaren 12an, bere lehenengo urteko biltzarra egin eta gero. Bilkuraren ondotik, bildutako 26 kideek bapo bazkaldu zuten, aukera baliatuz urte amaierako festa ere ospatzeko. Ez dago batere gaizki, Kubako gainerako elkarte euskaldunek mugimendu gutxi daukaten testuinguru orokorrean.

Gehiago Irakurri…

Pete Cenarrusak bere memoriak aurkeztuko ditu bihar Boiseko Euskal Museoan: 'Bizkaia to Boise...'

Pete Cenarrusak bere memoriak aurkeztuko ditu bihar Boiseko Euskal Museoan: 'Bizkaia to Boise...'

2009/12/15

Idahoko estatu-idazkari ohi Pete Cenarrusa euskaltzale euskal-amerikar ezagunak bihar --92 urte betetzen dituen egun berean-- sinatuko ditu Boiseko Euskal Museo eta Kultura Institutuan bere bizitza osoko ibilbidea kontatzen duten memoriak, "Bizkaia to Boise: The Memoirs of Pete T. cenarrusa" izenburupean APko Quane Kenyon kazetariarekin batera plazaratu dituenak. Cenarrusak berak iragarri duenez, liburuaren sarrerak oro Idahoko eta AEBetako euskal ondarea ikertu, ezagutu eta zabaltzeko xedea duen 'Cenarrusa Foundation for the Basque Culture' erakundearentzat izango dira.

Gehiago Irakurri…