Sara Pagola Euskadiren ordezkaria bisitari, amaitu da Rosarion Euskara Munduan-go 2013 negu barnetegia

Sara Pagola Euskadiren ordezkaria bisitari, amaitu da Rosarion Euskara Munduan-go 2013 negu barnetegia

HABE eta FEVAren babesarekin, arrakastaz amaitu da Rosarion Euskara Munduan proiektuko 2013-2016 epeko bigarren barnetegia. Lan handiko egunak bizi izan zituzten Argentina, Brasil, Txile eta Uruguaiko ikasleek Zazpirak Bat Euskal Etxean. Hala ere oso pozik agertu ziren agur esateko momentuan eta udakoan pentsatzen hasiak dira jadanik. Bisita egitarauari jarraituz, Euskadiko ordezkaria den Sara Pagola ere bertaratu zen Rosariora pasa den astean. Eusko Jaurlaritzaren Nazioarteko Politikari buruzko hitzaldia eskaini aurretik, Euskara Munduan-en ikasle eta irakasleekin mintzatzeko aukera izan zuen Lakuako Gobernuaren Ordezkariak.

Gehiago Irakurri…

15.000 pertsonatan igo da euskaldun kopurua Euskal Autonomi Erkidegoan 2006tik 2011ra

15.000 pertsonatan igo da euskaldun kopurua Euskal Autonomi Erkidegoan 2006tik 2011ra

Euskadiko hamar pertsonatik seik baino gehiagok euskarazko ezaupideak ditu, hala adierazten du EUSTATek “2011ko biztanleria eta etxebizitza zentsua” txostenean. Ikerketa honek 2006tik 2011ra 14.400 lagun gehiagok euskaraz hitz egiten dutela islatzen du, eta “ia-euskaldunen” kopurua 82.600 pertsonatan igo dela. Pertsona euskaldunen lurraldearen araberako azterketa eginez gero, 2011n Gipuzkoa mantendu da euskaldunen kopuruaren ehuneko handiena duen lurralde gisa, eta hari jarraiki, Bizkaia eta Araba.

Gehiago Irakurri…

Azkue Fundazioak sarean jarri du “Jakina!", doan jolasteko eta txapelketak egiteko aukera ematen duen euskal tribiala

Azkue Fundazioak sarean jarri du “Jakina!", doan jolasteko eta txapelketak egiteko aukera ematen duen euskal tribiala

Azkue Fundazioak eta Saure editorialak garatu dute jokoa, interneteko erabiltzaileei euskaraz jolastu eta elkarrekin harremantzeko aukera emateko asmoarekin. Tribialak zortzi gaitan sailkatutako 4.800 galdera ditu eta beste erabiltzaile batzuekin txapelketak antolatu daitezke, bai pribatuan, bai publikoan. Probatu nahi? Euskalkultura.com-en azalduko dizugu nola.

Gehiago Irakurri…

Mari Jose Olaziregi, Etxepare Institutua: "Euskararen etorkizunerako funtsezkoa da nazioarteko unibertsitateen sarean egotea"

Mari Jose Olaziregi, Etxepare Institutua: "Euskararen etorkizunerako funtsezkoa da nazioarteko unibertsitateen sarean egotea"

Aurten ere harrera oso ona izan du Etxepare Institutuak sustatzen duen "Excellence in Basque Studies" ikastaroak. Mintegiaren helburua Etxeparek atzerriko unibertsitateetan dituen Euskara eta Euskal Kultura irakurletzetarako irakasleak trebatzea da eta 150 partehartzailetik gora izan ditu azken edizioak. Etxepare Institutuko Euskararen Sustapenerako zuzendari Mari Jose Olaziregiren esanetan, euskararen etorkizunerako funtsezkoa da nazioarteko unibertsitateen ikasketa eta ikerketa sarearen baitan izatea, eta irakurletza programak helburu horrekin dihardu lanean. Alabaina, egoera ekonomikoa dela eta, datorren ikasturtean hiru irakurletza itxi egingo dira (Stanford, Bahia Blanca eta Mexikoko Iberoamericana unibertsitatekoa) eta bakarra irekiko da, Irlandako Cork Unibertsitatean.

Gehiago Irakurri…

Euskalduna zara eta irakasle lana maite duzu? Euskara irakasle bila dabil Bordeleko Euskal Etxea

Euskalduna zara eta irakasle lana maite duzu? Euskara irakasle bila dabil Bordeleko Euskal Etxea

Lan eskaintza egin du Bordeleko Euskal Etxeak, euskara irakasleak lortze aldera. Euskara sustatu eta irakastea bere-berea du euskal etxe bordeletarrak eta bertako zuzendariak hasiak dira dagoeneko datorren ikasturterako planak egiten, euskara eskolekin segitzearren. Eskaintza, beraz, 2013-2014 ikasturterako da, astegunetan eta arratsaldez, Euskal Etxeko maila diferentetako ikasleei irakasteko. Euskalduna bazara eta irakastea maite baduzu, hau izan dezakezu aukera.

Gehiago Irakurri…

Gaur hasiko da "Excellence in Basque Studies" ikastaroaren hirugarren edizioa Miramar Jauregian

Gaur hasiko da "Excellence in Basque Studies" ikastaroaren hirugarren edizioa Miramar Jauregian

Hirugarren urtez jarraian eskainiko da Udako Ikastaroen baitan "Excellence in Basque Studies" delakoa, UPV/EHUk, Etxepare Institutuak eta Euskara Errektoreordetzak antolatuta. Ikastaroaren helburua atzerriko unibertsitateetan euskara eta euskal kultura irakasleak trebatzea da. Ekitaldiaren egitaraua oso zabala da eta bi egunez zenbait adituk mintegi teorikoak eta praktikoak emango dituzte.

Gehiago Irakurri…

Euskara Munduan-en neguko barnetegia Rosarioko Zazpirak Baten izango da uztailaren 20tik 27ra

Euskara Munduan-en neguko barnetegia Rosarioko Zazpirak Baten izango da uztailaren 20tik 27ra

Munduko euskal komunitateetan euskararen presentzia bermatzeko helburua duen Euskara Munduan proiektua erritmo onean ari da aurrera. Urtarrilean trebatzen hasi zen Hego Amerikako irakasleen taldeak bere bigarren ikastaro trinkoa izango du orain, uztailaren 20tik 27ra. Neguko barnetegi honen egoitza Rosarioko Zazpirak Bat Euskal Etxea izango da eta bertan bilduko dira Argentina, Brasil, Txile eta Uruguaiko 30 bat ikasle. Euskara Munduan proiektua HABE Institutuak sustatzen du, elkarretaratzea antolatzeko ardura FEVA eta euskal etxe anfitrioiarena izanik.

Gehiago Irakurri…

Ipar Ameriketako euskara irakasleek hirugarren urtez barnetegia egin dute Boisen, HABEk eta NABOk sustatuta

Ipar Ameriketako euskara irakasleek hirugarren urtez barnetegia egin dute Boisen, HABEk eta NABOk sustatuta

Bihar amaituko da Boisen AEB eta Kanadako euskara irakasleen barnetegia. Hamahiru lagun ari dira ikastaroan partehartzen, besteak beste, San Frantzisko, Denver, Chicago, Vancouver, Reno, Wyoming eta Boise bertatik etorriak. Edizio honetan irakasleak NABOren euskara arduradun Izaskun Kortazar eta HABEko teknikari Kinku Zinkunegi dira. Talde hau 2010ean jarri zen abian eta, egun, bataz besteko maila 4. urratsekoa da.

Gehiago Irakurri…

Euskal musika, dantza, txalaparta, sukaldaritza tailerrak Mallorcako Euskara Barnetegiaren aberasgarri

Euskal musika, dantza, txalaparta, sukaldaritza tailerrak Mallorcako Euskara Barnetegiaren aberasgarri

Arrakastaz eta bizi-bizi joan da aurten ere Mallorcako Artea Euskal Etxeak antolatu duen asteburu bateko Euskara Barnetegia, aurrekoek bezala Mallorcan 48 orduz euskaraz bizi eta euskal hizkuntza eta kultura landu, praktikatu eta biziaraztea helburu zuena. Parte hartu dutenen artean, bertako ikasle eta irakasleekin batera, Kinku Zinkunegi HABEko irakasleak, Donostiatik; Madrildik Ane Bastida irakasleak eta hiru ikaslek; Gorka Salas Iruñeko txalapartariak eta, Bordeletik, Ander Salazar dantzariak, bakoitza bere arloko tailerren emaile. "Pozik gaude lortutako emaitzekin", aitortu dio EuskalKultura.com-i Manoli Korta Mallorcako euskara irakasle eta arduradunak.

Gehiago Irakurri…

Hitzak euskaraz nola ahoskatzen diren jakin nahi? Ahozko Hiztegian, hitzak sarean entzungai

Hitzak euskaraz nola ahoskatzen diren jakin nahi? Ahozko Hiztegian, hitzak sarean entzungai

Entzun daitekeen hiztegi bat da Ahozko Hiztegia, tresna baliagarria zalantzarik gabe hitzak nola ahoskatu behar diren ikasi nahi duenarentzat. Azkue Fundazioa eta Bizkaiko Foru Aldundia laguntzaile, Euskarazko Ahozko Hiztegia ipini da orain sarean, euskara batuan hitzak zelan esaten diren argitzen diren doaniko tresna. Laukian, topatu nahi duzun hitza sartu eta entzuteko ikonotxoan sakatuz ahots batek hitza irakurriko dizu. Egin zazu aproba.

Gehiago Irakurri…


bisita