"Asier ETA biok" filma apirilaren 9an estreinatuko da Buenos Airesen, BAFICI Zinemaldiaren baitan
Buenos Aireseko Nazioarteko Zine Independentearen Zinemaldiak herri anitzetako obrak batzen ditu urtero. 16. edizio honetan, euskal jatorriko pelikula bat ikusi ahal izango da apirilaren 3an hasiko den programan. Aitor eta Amaia Merino zuzendari donostiarren 'Asier ETA biok' apirilaren 9, 10 eta 12an proiektatuko da hiriburuko zine aretoetan, horretarako propio etorriko den Aitor Merino zuzendaria lagun. "Asier ETA biok" dokumentalak Aitor Merino zuzendariaren eta ETAkide izandako Asier Arangurenen arteko lagun harremana kontatzen duela.
"Disappearing West" dokumentalean agertu nahi duten Oesteko euskaldunen ondorengoen bila ari dira
Kaliforniako Bakersfield hiriko hiru zinemagile dokumentala egiten ari dira Ameriketako Oesteko euskaldunei buruz. "Disappearing West" izenburua du filmak eta Estatu Batuetako historiaren parte hau argitara ekarri nahi du, nahiko ezezaguna delako euskaldunen gizataldeetatik at. Beaux Mingus, Philippe Duhart eta Gina Napolitan dira lanaren zuzendariak. Une honetan euskaldunen ondorengoak elkarrizketatzen ari dira Kalifornian, eta aurki Nevada, Idaho eta Arizonan ere izango dira. Zuzendariek gonbitea luzatzen diete dokumentalean parte hartu eta euren familiaren historia kamara aurrean kontatu nahi duten euskaldunei.
Arrakastatsua, Zinemaldia.Cat: 1.200 ikusle, kalean gelditu zen jendea eta berrestreinatze bat
Pozik agertu dira Bartzelonako Euskal Etxeko arduradunak euskal zinearen alde eginiko apustuak izan duen harrera onarekin: aurten elkartearen zine jaialdiak pantaila handira egin du jauzi, eta 1.200 ikusle bildu dira orotara Girona zinemetan egin diren emanaldietara. "Bai euskaldunen aldetik eta baita katalanen aldetik ere interes handia izan dela ikusi dugu" esan dio EuskalKultura.com-i Ekaitz Garate jaialdiko arduradunak. "Azken egunean, 'Asier eta biok' dokumentalaren emanaldian, adibidez, aretoa bete eta ikusle batzuk kalean gelditu ziren. Hori ikusita filma berrestreinatu egingo dute aste honetan Girona zinemetan".
'Sor Lekua' euskarazko filmaren arrastoen atzetik ibili da Josu Martinez zinemagilea Buenos Airesen
Galdutzat ematen zen Sor Lekua lehenengo euskarazko filmaren kopia bat aurkitu zuen Josu Martinez Euskal Herriko Unibertsitateko lizentziadunak doktoretza proiektuaren ikerketaren baitan. Eskuratutako kopia, ordea, soinu gabekoa denez, aldaki soinuduna aurkitzeko erronka hartu zuen aditu bilbotarrak bere ikerketari urrats berria emateko. Sor Lekua filma Diasporako euskaldunentzat zegoen zuzenduta eta hori dela bilaketa Diasporan jarraitzea erabaki zuen Martinez-ek. Buenos Aireseko egonaldian elkarrizketa egin dio EuskalKultura.com-ek bere lanen egoeraren berri izateko. Erne San Frantzisko eta AEBetako euskaldunak ere, zuei ere zuzentzen baitizue ikertzaileak galdera!
Gaur abiatuko da Bartzelonako Zinemaldia 2014; 11 film lehian Txapela d'Or sariarengatik
"Gernika bajo las bombas" luzemetraiak abiatuko du gaur gauean Bartzelonako Zinemaldia 2014. Euskal Etxeak antolatzen duen jaialdia hazi egin da bederatzigarren edizio honetan eta pantaila handian ikusi ahalko dira filmak. Horrez gain, Zinemaldiak Sail Ofiziala estreinatuko du eta hamaika lan lehiatuko dira Txapela d'Or sariagatik. Epaiamahaia Kataluniako zine munduko pertsona ezagunek osatuko dute: Joel Joan, Aina Clotet, Marc Recha eta Jordi Ambròs. Eta hori guztia, prezio herrikoiarekin gainera: sarrerak 4,5 eurotan.
Bartzelonako 2014ko Zinemaldiaren egitaraua aurkeztu da: drama, historia, politika, gastronomia eta gehiago
Bartzelonako Euskal Etxeak aurkeztu egin ditu jada aurtengo Zinemaldia osatuko duten lanak: urtero legez, film luze zein laburrek eta fikzioak eta dokumentalek osatzen dute elkarteak Kataluniako hiriburura ekarri duen euskal zinearen uzta. Zinemaldia otsailaren 13tik 22ra egingo da eta aurten zine aretoetara jauzi egingo du gainera: saio guzti-guztiak Girona zinematan egingo dira.
San Frantziskoko Basque Cultural Day festa euskaldun eta gaelikoa izango da, "Gazta zati bat" filma ardatz
Urtero Basque Educational Organization (BEO) elkarteak antolatzen duen Basque Cultural Day egunak kultura irlandarra eta eskoziarra ohoratuko ditu, euskaldunarekin batera, "Gazta Zati Bat" dokumentala ardatz hartuta. Inspirazio iturri horrekin, BEOk egitarau deigarria prestatu du: gazta, dantza eta autodeterminazioari buruzko hitzaldi sorta; euskal, eskoziar eta irlandar dantza ikuskizuna, eta, amaitzeko, anaitasun afaria, hiru herrialdetako lagunak giro apartean bilduko dituena Basque Cultural Center-en.
Euskal Zinea abuztuan: Laburmetrai Jaia Montevideon (Euskal Erria) eta 'Begiradak' La Platan (Euzko Etxea)
Negu gorrian eta hozbero hitzetik beroaren partea zinez erorita gabiltza Hego Konoan, baina, beroki lodia soinean bada ere, auketa izango dute euskaltzale eta zinemazaleek Montevideon zein La Platan euskal etxeek eskainitako zine proposamenak dastatzeko. Montevideon, Euskal Erria EEren eskutik etorriko da 'Euskal Laburmetraien Jaialdia' hilaren azkeneraino; Argentinako La Platan, berriz, 'Begiradapean' izeneko proposamenak zenbait nazionalitatetako egileen luzemetraiak eskainiko ditu Euzko Etxearen egoitzan.
Iratxe Jaio euskaldunak eta Klaas van Gorkum holandarrak 'Azken Hitzak' emango dute bihar Buenos Airesen
'Últimas palabras' (Azken hitzak) bideoak Argentinako azken diktadura militarraren ikurra den Alfredo Astiz fragata kapitainaren alegatu finalaren berrirakurketa bat da, aktore eta oratoria irakasle birekin elkarlanean egina. “Ariketa honek adi egoteko balio du. Era burutsu batean, diskurtso politiko batzuk erregimen militarrak justifikatzen saiatzen dira, indarkeria eta demokratikoak ez diren metodoei bizkarra emanez”, diote Iratxe Jaio eta Klaas van Gorkum-ek euren obrari buruz. ‘Azken Hitzak’ bihar larunbata aurkeztuko da, iluntzeko 7etan, Rojas Kultur Gunean, Corrientes kaleko 2038.ean, Buenos Airesen.
Carlos Gabilondo zinemazaleak inauguratuko du gaur Posadaseko Euskal Jatorri EEaren Zine Zikloa
Urtero bezala, 2013 honetan ere egingo da Misiones probintziako hiriburuan Euskal Zine Zikloa. Bertako Euskal Jatorri Euskal Etxeak antolaturik, ekitaldia ‘Biblioteca Popular Posadas’ liburutegian burutuko da, ekaineko astelehenetan. Zikloa gaur abiatuko da, Euskal Herriko zinearen historiari buruzko hitzaldia eskainiko duelarik Carlos Gabilondo zine adituak, Buenos Airestik etorrita. Bidaia berean, Misioneseko Unibertsitatearen 40. urteurren ekitaldietan ‘Euskal Pilota’ filma aurkeztuko du Gabilondok.