Hogei urtez kazetaritzan. Denetarik egiten. Hamaika urtez mandatuak egiten. Ekar ezak kafetxo bat, hik bai hik eskua kafe makinarekin! Nork egin nahi dik ehiztari eta arrantzaleen manifestazioarena?
Kazetaritza ikastea erabaki zuenean, ez zion inori esan baina beste amets batzuk zeuzkan. Ez zen, ez, ameslari horietako bat, kazetaritzak mundua aldatzen lagunduko duela uste duten horietako bat baina tira… Egunen batean erreportaje batekin zerbait aldatzen lagunduko zuela uste zuen.
Hogei urtez ofizioan eta, egia esan, une haietan pentsatzen hasia zen askoz neke handiagoak hartuak zituela bere karreran bere bide propioa egiten gauzak nola edo hala aldatuko zituen zerbait argitaratzeko lanetan baino.
Halako batean gonbidatu zuten tertulia hartan parte hartzera. Bera izan zen harritu zen lehena. Besteen iritzien aurrean, bere iritziak iraultzaileak, antisistemikoak ematen zuten. Horrela aurpegiratu zion kide batek: antisistema bat zara!
Enbitea ironiaz eraman. Antisistema ni? Bai zera! Hauxe da egon litezkeen sistemetatik hoberena! Bizpahiru problema besterik ez daude: sistemak ez ditu ez ondasunak, ez ardurak eta ez lana behar bezala banatzen. Eta sistemak sortzen dituen aberastasunak ez ditu gogoan oinarrizko behar asko. Gosea munduan eta janariak estoldetatik behera. Etxebizitzak hutsik eta kaleratze masiboak. Sistemak futbola eta zirku mediatikoa; museoetan ferietako ertilanak; merkatuan 24 kilateko gurutzefikak, zentral nuklearrak, ferrariak eta tanke hegalariak; prentsan txutxu-mutxuak…
Bere azken tertulia izan zen.
Behin presidenteari zapata bat botatzeko plana izan zuela diote bere etsaiek baina prentsa aretoan sartzen lortu bazuen ere, bere aurrean plasma pantaila erraldoi bat besterik ez omen zuen aurkitu.
Bilatu blogean
Tempus fugit…
Iraila 2013 As_Astelehena_haste-hitz Ar_Asteartea_haste-hitz Az_Asteazkena_haste-hitz Og_Osteguna_haste-hitz Ol_Ostirala_haste-hitz Lr_Larunbata_haste-hitz I_Igandea_haste-hitz « Abu_Abuztua_laburdura 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 Azken erantzunak
Klik gehien non?
- Bat ere ez
Mezu irakurrienak
Etxetik ibiltzeko
Etiketen lainoa
AEB argazki aurkezpenak Azkue fundazioa bakea bideo blog copyleft deskargatu diagnosi-ebaluazio diagnosia didaktika ebaluazio ebaluazioa ekologia Ekonomia eskola 2.0 etorkizun etorkizuna Euskal Herria euskalkiak euskaltzaindia euskara euskaraz firefox firefox euskaraz gabonak garaikide Garaikidea genero geografia gerra hedabideak hezkuntza Historia historia garaikidea Hizkuntza hizkuntzak idatzi IEPA! ikasi informatika Internet irakaskuntza irakurri Iritzia irratia itzulpenak komunikatzeko gaitasuna kultura kulturartekotasuna librezale liburuak Literatura mapak Musika Ning openoffice Pedagogia Politika publizitate sare sozial sare sozialak saria software libre Software librea Soziolinguistika Teknologia telefono testu ubuntu umore web2.0 wikipedia Zientziahizkuntza-eta-literatura
Harpidetu