euskalkultura.com

euskal diaspora eta kultura

Albisteak rss

Bizkaia:talent erakundeak euskal profesionalen topaketa egingo du larunbatean Londresen

2014/09/17

Bizkaia:talent webgunearen irudia
Bizkaia:talent webgunearen irudia

Bizkaiko Foru Aldundiak networking topaketa antolatu du Londresen, bizkaia:talent elkartearen bidez, kualifikazio handiko profesionalak Bizkaira erakartzeko helburuarekin. Hamabi euskal enpresek parte hartuko dute bertan, eta Erresuma Batuan bizi diren goi mailako 85 langilekin biltzeko aukera izango dute. Horietariko gehienak (77,6%) Londresen bizi diren euskaldunak dira, eta ekimen honen bitartez euren ibilbide profesionala Bizkaian jarraitzeko aukerak aztertu ahal izango dituzte. Aurtengo edizioak, zortzigarrenak, Automozioa, Aeronautika eta Informazio eta Komunikazio teknologien alorrak landuko ditu.

Londres, Ingalaterra. Bizkaia:talent elkarteak zortzigarrengoz egingo du profesionalen topaketa edo networking jardunaldia Londresen. Larunbat honetan egingo da bilkura eta bertan honako euskal enpresek parte hartuko dute: ACICAE, AIC, Gestamp, GAIA, Vicomtech-IK4, Innovalia, HEGAN, SENER, ITP eta Tecnalia Research & Innovation.

Jardunaldi honen baitan Erresuna Batuan bizi diren 85 goi mailako profesionalek Bizkaiak eta Euskadik eskaintzen dizkien lan aukerak ezagutu ahal izango dituzte, zuzenean enpresekin harremanetan jarriko baitira. Era berean, Londreseko euskaldunekin ere bilduko dira Bizkaia:talent elkarteko arduradunak, komunitate honen egoera eta kezkak aurrez aurre aztertzeko eta ezagutzeko.

Informazio gehiago, hemen.



« aurrekoa
hurrengoa »

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia