euskalkultura.com

euskal diaspora eta kultura

Albisteak rss

Eusko Jaurlaritzak Euskal Etxeentzako diru-laguntzak emateko araubidea ezartzeko Dekretuaren aldaketak argitaratu ditu

2014/09/18

Lehendakaritzaren egoitza, Gasteizen
Lehendakaritzaren egoitza, Gasteizen

Euskal Herriko Argitaritzaren Aldizkariak (EHAA) atzo eman zuen Euskal Etxeentzako diru-laguntzak emateko araubidea ezartzeko Dekretuak izango dituen aldaketen berri. Aldaketa hauen argitalpena aurtengo deialdiaren argitalpenaren aurreko pausoa da. Aldaketak indarrean dira gaurtik aurrera, eta euren helburua, besteak beste, diru-laguntzen balorazio- eta hautaketa-irizpideak hobeto zehaztea da, testuak azaltzen duenaren arabera. Euskal Etxeentzako diru-laguntzen 2014ko deialdia datozen asteetan argitaratzea espero da.

Vitoria-Gasteiz. Atzo argitaratu ziren Euskal Herriko Agintaritzaren Aldizkarian Euskal Etxeentzako diru-laguntzak emateko araubidea ezartzeko Dekretuan egin diren aldaketak. Xedapen honen eraginez, diru-laguntzen dekretuak testuan zehazten diren aldaketak izango ditu. Izan ere, xedapenak dioenaren arabera, Kanpo Harremanetarako Idazkaritza Nagusia, Kanpoko Euskal Komunitatearen Zuzendaritzaren bitartez, gogoeta-prozesu batean murgilduta dago, euskal etxeen eta federazioen finantziazio-ereduari buruzko proposamen berri bat sortzeko. Hori Euskal Gizataldeen VI. Mundu Biltzarrean aurkeztuko da, 2015eko amaieran.

Xedapenaren testua osorik, hemen.

Datozen asteetan espero da argitaratzea Euskal Etxeentzako diru-laguntzen 2014ko deialdia.



« aurrekoa
hurrengoa »

© 2014 BasqueHeritage S.L.

Portuetxe 51, 201. bulegoa
20018 Donostia / San Sebastian
Tel: (+34) 943 504477 / (+34) 943 316170

jaurlaritza gipuzkoa bizkaia