euskalkultura.com

euskal diaspora eta kultura

Albisteak rss

Berri Txarrak taldeak Hego Amerikako biran kontzertu berriak iragarri ditu, Kolonbia eta Peru gehituz

2016/11/24

Berri Txarrak Hego Amerikan egingo duen biraren kartela

Berri Txarrak, Euskal Herriko talde ezagunenetako bat, Hego Ameriketan izango da abenduan, Descendants taldearekin biran. Aurretik aditzera eman genuen kontzertuak eskainiko zituztela Sao Paulo, Buenos Aires eta Txileko Santiagon. Orain data horiei kontzertu berriak gehitu dizkiete hiru hiri horietan, eta gainera beste bi hiri eta herrialde gehitu dizkiote birari: Lima (Peru) eta Bogota (Kolonbia). Data zehatzak jarraian. 

Gehiago irakurri...


Jardunbideagatik gailentzen diren euskal jatorriko hiru lagun sarituko ditu gaur Juan de Garay Fundazioak

2016/11/24

Beatriz Aguirre-Urreta Biologia eta Geologia doktoreak jasoko du Fundazioaren saria (argazkia La Nación)

2016ko programarekin jarraituz, afari instituzionala egingo du gaur Benos Airesen Juan de Garay Euskal Argentinar Fundazioak. Afariaren baitan, euskal gizataldeko hiru laguneri egingo die omenaldia; aurtengo hautatuak Horacio Larre Oroño, Roberto Landaburu eta Beatriz Aguirre-Urreta dira, “bakoitza bere lan esparruan nabarmentzeagatik”. Azaroaren 29an segituko du Fundazioak bere ekintzen egitarauarekin Gaztemundu programari buruzko hitzaldi bat eskainiz.

Gehiago irakurri...


Euskal literatura munduan: Miren Agur Meabe Miamin izan da, eta Iban Zaldua Mexikora joango da aurki

2016/11/24

Iban Zaldia idazlea Poloniako Wroclaw hiriko literatur jaialdian hizlari (argazkia Etxepare.eus)

Euskal literatura nazioarteko azoka nagusienen parte da aurten ere, Etxepare Euskal Institutuaren sostenguarekin. Hil honetan bertan, esaterako, Miren Agur Meabe idazleak AEBetako Miami Book Fair azokan parte hartu du, eta datozen egunetan Iban Zaldua Mexikon izango, Guadalajarako FIL azokan bere lanari buruz hitz egiteko. Horrez gain abenduaren 1ean Mexiko Hirian izango da Zaldua. 

Gehiago irakurri...


EuskalKultura.com-en azaroko zozketa: Sariak Alemania, Argentina, AEB eta Uruguaira doaz

2016/11/23

Azaroko zozketako sariak

Eskuartean ditugu dagoeneko EuskalKultura.com-en azaroko zozketako emaitzak eta zozketagai zeuden sei sariek badaukate dagoeneko jaberik. Jarri gara dagoeneko eurekin kontaktuan eta etxean eta posta zertifikatuz jasoko dituzte datozen egunetan opariak. Oraingoan sariak Uruguarira, AEBetara, Argentinara eta Alemaniara doaz. Zorionak irabazleei eta denbora gutxi barru egingo dugu zozketa berri baterako deia, beraz, oraingoan ez bazaizu egokitu, berehala zabalduko dira aukera berriak, erne egon!

Gehiago irakurri...


Ternua 2017: Indianoak elkarteak baleazaleen bidea egingo du Placentiatik Saint Pierre eta Miquelonera

2016/11/23

Indianoak espedizioko arraunlariak aurreko bidaian (argazkia Indianoak)

Datorren abuztuan Ternua aldera joango da Euskal Herriko bidaiari talde bat, Iparraldeko, Zarauzko eta Getxoko arraunlariek osatua. Hamar egunetan 400 kilometroko bidea egingo dute traineruan, Placentia hiritik hasi eta Saint Pierre eta Miquelon uhartetaraino, baleazaleen lorratzei jarraika. Saint Pierren, gainera harrera bikaina izango dute, han ospatuko dituzten Euskal Jaietan parte hartuz. 

Gehiago irakurri...


‘Agirre Lehendakaria’ taldeak Diasporako kideak gonbidatu ditu Gabon agurra grabatu eta bidaltzera

2016/11/23

Agirre Lehendakariaren gabon mezuak Buenos Aireseko euskal prentsan

Eusko Jaurlaritzaren eta lehenengo lehendakaria izan zen Jose Antonio Agirreren 80. urteurreneko urtean 'Agirre lehendakaria' taldeak Agirrek euskal gizarteari bidaltzen zion Gabon mezua berregin nahi izan du. ‘Gabon’ deitu duen ekimenaren baitan, gonbitea luzatu die Diasporako kideei Eguberri bideo-mezuak egin eta bidaltzeko. Bideo laburrak abenduaren 10a baino lehen behar dira bidali eta bideo bakar batera editatuko dira, abenduaren 13an egingo den ekitaldi batean mundu osora streaming bidez emititzeko

Gehiago irakurri...


Belgikako Txitxiburduntziak 750 euro jaso ditu Bedaroako Olabe baserriari laguntzeko

2016/11/22

Txistorra erretzen Belgikako Lendelede herrian egin zen txitxiburduntzian (argazkiak Kasper Berlamont/ Manu Behaeghe)

Auzolanaren izpirituak ez du mugarik, hori erakusten du behintzat iragan larunbatean Belgikako Lendelede herrian antolatu zen Txitxiburduntziak. Festaren helburua Bedaroako Olabe baserria biziberritzen eta kultur topagune bilakatzen laguntzea da. Ekitaldiak Bruselako Euskal Etxeko Txalaparta abesbatzaren partehartzea izan zuen. Festarekin 750 euro bildu ziren eta Manu eta Karien Behaeghe antolatzaileek Olabe baserriko teilatua konpontzeko emango dute dohaintzan.  

Gehiago irakurri...


"Basque Global Network", Jaurlaritzak kanpoan dabiltzan euskaldunen bilgarri ipini duen tresna baliosa

2016/11/22

Basque Global Network-en azala

Munduan dabiltzan euskaldunak biltzea eta elkarrekin aritzeko eta informazioa elkarrekin banatzeko aukera berriak ematea, nazioartean euskal komunitatea eraikitzen eta indartzen lagunduz, asmo horrekin sortu eta abiarazi zuen Eusko Jaurlaritzak joan den udan "Basque Global Network" (Euskal sare globala) tresna berria. Ekimena asmo integratzailez sortu da, eta berdin batzen ditu Diasporako eta euskal komunitateetako kideak zein Euskal Herrikoak izanik epe labur, ertain edo luzerako atzerrian kokatu diren euskal herritarrak zein euskal herritarren lagunak. Egin ezazu aproba eta sartu eta eman izena!

Gehiago irakurri...


2017a badator! Gogoan hartu Chascomuseko Udalekuaren eta Cañuelasko Dantzarien Topaketaren datak

2016/11/22

2017ko Udalekuaren afixa

Hilabete eta egun batzuk falta dira urtea bukatzeko eta Argentinako euskal etxeak hasiak dira dagoeneko 2017rako ekintzak antolatzen. Chascomuseko Udalekua urtarrilaren 3tik 7ra izango da, bertako Zingirako Euskaldunak Euskal Etxea antolatzaile. Izena emateko epea abenduaren 10ean bukatuko da. Beste alde batetik, Aberri Eguna ospatzeko Cañuelasko Denak Bat-ek antolatzen duen Dantzarien Topaketa apirilaren 8 eta 9an izango da. Apuntatu datak eta hasi zeu ere 2017ko euskal agenda osatzen!

Gehiago irakurri...


Euskal komunitateko partaide bat Nevadako hegazkin istripuan hildako lau pertsonen artean

2016/11/21

Elkoko hegazkin istripuan hildako eskifaiako hiru kideak: pilotoa eta bi osasun teknikariak (argazkia Ktvn.com)

"Dantzaria eta betidanik euskal komunitateko kidea" zen Tiffany Urresti, joan den ostiral gauean Nevadako Elkon doi-doi aireratu ondoren lurra jo zuen hegazkin medikuak (aire-anbulantziak) izandako istripuan hilik suertatutako 29 urteko erizaina. Albisteak gogor kolpatu ditu Nevada eta Utah-ko euskal komunitateak. Tiffany Urresti Elkoko Euskal Etxeko partaide zen, Ariñak dantza taldeko dantzari izana eta NABOko lehendakari ohi Mary (Urresti) Gaztambideren iloba txikia. Ahaide eta lagunei gure dolumina, bereziki Urresti, Gaztambide eta Cassingham familiei.

Gehiago irakurri...


© 2014 Basque Heritage Elkartea

Portuetxe 51, 201. bulegoa
20018 Donostia / San Sebastián
Tel: (+34) 943 504477 / (+34) 943 316170

jaurlaritza gipuzkoa bizkaia