euskalkultura.com

euskal diaspora eta kultura

Albisteak rss

Euskal diasporaz dokumentala egiten ari den Arte TV frantses-alemanak Tandilgo Euskal Etxean grabatu ditu irudiak

2017/03/28

Arte TVko langileak euskal diasporari buruzko dokumentala osatzeko informazioa biltzen

‘Arte’ telebista katea Euskal Diasporari buruzko dokumental bat ari da filmatzen eta Buenos Aires probintzia argentinarreko Tandil hirian grabatu ditu irudiak, bertako Gure Etxea Euskal Etxeko lagunekin solastuz eta elkarrizketatuz, eta euskal elkarteko jarduerak islatuz. Dokumentala edizio prozesuan ari da dagoeneko eta emaitzak laster ikusi ahal izango omen dira kateko webgunean, Interneten.

Gehiago irakurri...


Argentinan euskal kultura sustatzaile izan nahi ? Parte hartu uda honetan ‘Anima Zaitez!’-en 2. edizioan!

2017/03/27

‘Anima Zaitez!’ programaren logoa

‘Anima Zaitez!’ 2016an Cordoba probintzia argentinarreko Villa Maria herriko Euskal Etxeak sortutako programa bat da. Gonbitea luzatzen zaie Euskal Herriko gazteei Argentinara etorri eta euren euskal kultura partekatu dezaten, tailer batzuk emanez pare bat astez. Parte hartzaileek bidaia eta asegurua jarri beharko dituzte eta Argentinako partea egonaldiaz arduratuko da (ostatua, janaria). Uztailean egingo da maiatzaren lehena du hautagaiak aurkezteko epea.

Gehiago irakurri...


Gernikako bonbaketaren 80. urteurrena: Euskal haurrak Eskoziako Montrosera iritsi zirenekoa

2017/03/27

Eskoziako Montrosen egindako argazki honetan agertzen diren haur guztiak identifikatu nahi dira

Aste gutxi barru 80 urte beteko dira hegazkin nazi alemanek eta faxista italiarrek, Franco general espainiarraren zerbitzuan Gernika bonbardatu zutenetik. Haren ondorioz, besteak beste, milaka euskal haurrek Euskal Herria utzi behar izan zuten, euren gurasoek salbatu nahi izan baitzituzten eraso basatietatik. Honako artilulua, haur haietako multzo bat Eskoziako Montrose herrira iritsi zenekoa gogora ekarriz argitaratu du joan den astean Montrose Review kazetak.

Gehiago irakurri...


Nafarroako Gobernuak Bruselan zeukan Ordezkaritza bulego propioa berreskuratuko du

2017/03/24

Foru gobernuak aste honetan onartu du Bruselan higiezin bat errentatzeko akordioa, Europako Parlamentutik eta Erregioen Batzordetik hurbil, bertan ezartzeko Nafarroako Gobernuaren Ordezkaritzaren egoitza. Neurri honekin, egoitza propioa berreskuratuko du Nafarroak, herrialdearen ahotsa zuzenean entzun dadin Europan eta nazioartean, berezkoak dituen eskuduntzak erabiliz, adierazi dute nafar exekutiboko iturriek.

Gehiago irakurri...


‘Bertso Pilota’: Euskal Herriko bi kultur ezaugarri hauek biltzen dituen ikuskizuna apirilean iritsiko da Argentinara

2017/03/23

'Bertso Pilota' Argentinan aurkeztuko da apirilaren 9tik 23ra

Pilotariek, bertsolariek eta aurkezle batek osatutako zazpi laguneko talde bat apirilaren 9an argentinaratu eta hainbat hiri bisitatuko ditu. Hamabost egunetako egonaldian Buenos Aires, La Plata, Necochea, Bahia Blanca, Viedma eta Rosario hirietan arituko dira, leku bakoitzeko euskal etxeak eskaini ahal dituen baldintzetara egokituta. Necocheako Euzko Etxean, ikuskizuna eskaintzeaz gain, Korrikan eta Aberri Egunean parte hartuko dute.

Gehiago irakurri...


Euskal 16 luzemetraia eta 9 film labur pantailaratuko dira apirilaren 2a bitartean Nantesko Zinemaldian

2017/03/23

Iratxe Fresnedaren "Irrintziaren Oihartzunak" iango da nantesen erakutsiko den filmetako bat

Euskal zineak presentzia zabala izango du Nantesko Festival du Cinéma Espagnol jaialdiaren 27. edizioan. Atzo hasi eta apirilaren 2ra, guztira Frantzian ikusigabeko 70 luzemetraia eta film labur erakutsiko dira, fikziozkoak zein dokumentalak. Horietatik 16 luzemetraia eta zortzi film labur zinemagile euskaldunek zuzendutakoak edo Euskal Herrian ekoiztutakoak dira; gehienak Fenêtre Basque sailean dira ematekoak, Etxepare Institutua eta Euskal Filmategia laguntzaile.

Gehiago irakurri...


Karroza bat txapela erraldoi batekin, euskaldunen ordezkari Ayacuchoko 45. Txahalaren Festa Nazionalean

2017/03/22

Txapela erraldoia, Euskal Etxearen logoarekin, euskaldunen ordezkari Ayacuchon Txahalaren 45. Festan

Bertako jai handiena da Ayacuchoko Txahalaren Festa Nazionala; 50 bat mila lagun bildu ohi ditu aste osoan luzatzen den bere ekintzen programak. Ayacuchoko Euskal Odola Euskal Etxea partaide zintzoa du urtero eta 45. edizio honetan, txapela erraldoi bat zeraman karroza aurkeztu zuen ekitaldiko desfilean jaiko erregina izateko euskal hautagaiarekin batera.

Gehiago irakurri...


Esku-huska eta pala pilota eskolak hasi dituzte haurrentzat Boiseko Anduiza Hoteleko kantxan

2017/03/21

Boise pilota eskolak, 2017ko martxoa: Isabel, Todor Azurtza (irakaslea), Parker, Josu, Jon Mikel eta Patxi (argazkia EuskalKultura.com)

Esku-huska eta pala pilota eskolak hasi dituzte haurrentzat martxo honetan Boiseko Anduiza Hoteleko kantxan. Klaseak asteartero ematen dira eta oraingoz 9 eta 14 urte arteko haurrak hartu dituzte haintzat. Egun Boisen bizi den Todor Azurtza donostiarra da ekimeneko arduradun eta orain arte sei neska-mutiko daude izena emanda eta ari dira parte hartzen.

Gehiago irakurri...


Buenos Airesek jai erraldoi bat bizi izan du eta jaia euskal jaia izan da: 2017ko BACen argazki galeria

2017/03/21

Euskal jaiaren irudi bihurtu den Danborrada

‘Buenos Aires Celebra' izeneko hitzordua Argentinako hiriburuak kanpoko kolektibitateen omenez antolatzen duen ekitaldi bat da. Buenos Airesko Udalaren ekimenez, hiriko Mayo Etorbidean egiten da, Cabildo parean, erdigunearen bihotzean. Aurtengo martxoaren 18koa, euskal gizataldearen omenean izan zen, milaka lagun bildurik, Argentina eta Uruguaiko euskal etxeetako lagunak, Argentinako eta Euskal Herriko agintariak, artistak, erakundeetako ordezkariak eta bisitariak partaide.

Gehiago irakurri...


Kronika: 2017ko 'Buenos Airesek Euskal Herria ospagai' eta Laurak Baten 140. urteurrena

2017/03/20

BACen hasieran, Euskal Echea Ikastetxearen ikasleen desfilea

Emozio handiko euskal jai trinkoa bizi izan du pasa den asteburuan Argentinako hiriburuak. Batetik, ‘Buenos Airesek EH ospagai’ jaialdiak berriro bildutako milaka lagunak, Mayo Etorbidean, dantza eta musika, sukaldaritza, genealogia, argitalpen eta stand instituzionalen bisitari. Bestetik, atzo, Laurak Baten 140. urteurren jaiko programaren amaiera: Aste osoko egitaraua, bazkari jendetsu batez bukatu zen, gonbidatu ugariz eta euskal eta argentinar agintariak lagun.

Gehiago irakurri...


© 2014 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia